有d想創業 唔想翻工了

唔想返工點解唔直接退休？
創咩業

你需要既係搵過份工、而唔係創業

比你share 無人工 要全力搞 有意tg

哪有錢

過來人同你講個故事。

當年我既想法同你一樣。打工內容勁無聊勁重覆，覺得人一世物一世，應該多啲體驗，於是辭職創業，幻想創業先有機會發達。當年fg 40k做左幾年，辭職嗰陣全部同事笑我on9。

出到黎先知道原來打工先係最舒服，創業既工時係24x7。起初頭大半年冇咩生意，公司每日打開門就眼白白蝕兩三千租金人工。之後開始收資平衡，但係冇咩糧出，叫做打個和。

呢個時候壓力最大，睇住身邊啲朋友個個月正常出糧，又去日本又去滑雪，自己做到成隻狗咁都仲係搵咁少，突然會出現一種莫名既自卑感，覺得自己好失敗，好on9。

後來我發現喺創業路上犯左個邏輯性既錯誤，就係以為勤力同回報成正比。反觀成功既startup到最後其實都係透過賣概念、賣關係，同勤力沒有半毛錢關係。

於是我開始有樣學樣，不停搲生意同時將工作外判俾唔同既人&公司，我中間食返一兩成差價（利申：合法，非黑錢）。結果不費吹灰之力就賺到錢，就算有時會落手落腳做都只係為興趣。

而依家幫我搵錢既人就係嗰班當年笑鳩我創業既人，我一個月只係返10日工都高收入過佢地，個個星期食自助餐，月月去日本，浸住溫泉同時遙距鞭打住班友幫我好好賺錢

羨慕 可能你運氣幾ok

唔好相信運氣，要相信概率，成功只需要1%概率，因為一生人可以輸九十九次，只需嬴一次就足夠發達。前題係你已經準備好輸，而且確保唔會輸到死。

師兄仲有冇多啲野分享！

勸世良言：識人好過識字

即係同Steve Jobs一樣，有概念就係咁sell人幫自己實現出來？

唔關返唔返工事 你根本唔想做
創業遲早收隊

你呢個心態，死撚硬

大細路見識少心態

雖然理論上係咁講，但關鍵因素係啲人相信Steve Jobs，相同既野搵個fg去sell絕對冇人會理佢。

fg 40k.. c兄本身個起點都已經高

咁係你悲觀