由細到大老豆都唔太鍾意講佢其實做咩，只知道啊媽話佢係幫人裝閉路電視。因為肺炎，2020年佢話我知而家冇公司開，佢冇乜生意，去到而家。2021有一日銀包得返幾十蚊，諗住問啊媽可唔可以俾啲錢今晚出去食飯，啊媽話冇，個一刻我決心出去搵野做，哩幾年做過補習社，做而家轉私補、返中學母校教下師弟師妹、做書展等搵錢，去到而家叫做到自己搵自己洗。
一直有周圍睇下有冇啲咩資助，大學學費屋企人仲聲我俾緊，不過個形式係：
Grant loan因我老豆係自僱人士，佢唔肯俾入息證明，而non-means因為冇屋企親戚肯做我擔保人（要3個月入息證明），兩個都搞唔到，啲學費我估緊係咪佢唔知係邊度借嚟交（因為我早排同我婆婆（我媽嗰啊媽）傾計，佢話我啊爸啊媽差緊人好多錢）
我有兩個細佬，一個高中，一個就升中。屋企而家冇錢俾佢哋補習學野，等屋企經濟可以鬆動啲。跟住我問啊媽要唔要出嚟做嘢，點知佢就話：「我做得啲咩，我又唔識字，屋企又有家務，我出咗去邊個俾野兩個家細佬食（而家已經屋企冇煮飯，日日食外賣），同埋我而家冇心情返工」我再講多幾句佢就開始唔理我，繼續睇電視同入房瞓覺。
打到哩度有少少感恩自己因為最早出世，個時啲細路未大/未出世，叫做有機會學野，同埋父母算錫我，住公屋個兩房一廳，我一個人住晒一間房，兩個細佬同啊媽瞓，老豆瞓流化，我知道佢哋對我唔差，但對將來真係好冇規劃，一搵到足夠錢真係即刻搬走。
仲要食外賣
畢業出嚟做嘢儲夠錢
仲要有幾年話好煩唔肯比 要借免審查
食屎狗
