上次我同阿媽去濟州旅行個時,包車個服務實在太好,玩得好開心,所以今次去沖繩就算我同阿媽兩個人都買包車
咁都唔係個大媽司機錯曬嘅,但係佢好自我中心,好硬頸,係典型大陸大媽嘅性格,成程車對唔住唔好意思都冇句
一切悲劇嘅開始就係klook個憑證比嘅地址
我係klook買個日第一個行程海底漫步,佢訂單確認咗就比個憑證你
呢個係憑證比嘅地址
報包車個陣要填行程同去邊,而我就理所當然copy咗klook個憑證比嘅地址比包車公司
咁好啦,個日我一上車,個大媽司機就講普通話嘅,佢同我講我比個地址錯嘅,佢搵唔到我陣間要去邊
我個陣睇返我比包車公司個地址真係憑證寫嗰個嚟,佢搵唔到咁我就係klook睇吓有冇好啲嘅地址比佢
我係klook個訂單頁面搵到個睇落詳細啲嘅地址,我就比個大媽睇,佢睇咗一眼就話ok,知去邊,開車
呢個係訂單比嘅地址
我係搭車嘅途中不斷google個啱嘅地址,最後比我發現,憑證個地址後面加咗郵編號碼,google 159-4 Maeganeku就可以搵到
正確地址
然後我就比個大媽睇啱嘅地址,佢睇完同我講,睇導航得啦應該係青之洞個邊,個邊好多潛水店,到咗青之洞個邊再導航,咁我信佢,同佢講咁樣先
我好奇青之洞係邊,google下發覺同我啱個個地址有一大段距離,我有幾次襯停車個陣同佢講不如睇下個地址對一對,佢都係睇一睇話唔係呢個,我知係邊,跟導航走就得
我google maps有開定位,我就一直睇住佢去邊,見到差唔多到我啱個地址,以為佢真係知
點知佢一個屈尾十轉咗彎,見佢越揸越遠,我開始緊張,係咁同佢講好像不是這邊,佢冇理我
好啦,越近青之洞我越急,我同佢講不如我搵個店家電話出嚟你同佢哋講下,我係klook搵唔到,最後先google到個電話
而間車就入咗青之洞個邊,大媽停咗車,我就比個電話號碼佢打,打通咗之後係日本人聽咗電話,但大媽好似溝通唔到,電話個邊轉咗講普通話之後,大媽就一輪嘴講到咗,有冇個預約係兩個人點點點,你哋間嘢係邊點點點
店家唔係好聽得明,講得太快太急,跟住電話比咗我,我就同店家講現在好像是找不到路的情况
大媽聽到就大聲講咗句那有找不到路,就搶咗個電話繼續講,店家就問附近有咩,當然,佢哋係傾唔到啲咩,架車去到停車場,大媽就好嬲咁講就是停車場,附近有什麼,就是在停車場呀
佢哋傾到去停車場睇下有冇我哋架車,我哋入咗青之洞個邊嘅停車場,店家就不斷話睇唔到架車,而大媽就一直話停咗係停車場,一直雞同鴨講
大媽見到停車場有位着職員衫嘅哥哥仔行過,就問佢有冇人預約咗兩個人玩,係咪姓咩
唔知係真係有人book定有生意就做,個哥哥仔點頭,個大媽熄咗電話,就跟個位哥哥仔走,走到去哥哥仔間舖,店家又打嚟問我哋係邊,大媽答咪係你間舖前面,店家完全見唔到,成個情況好混亂
我就插咗句,不如問下佢成個地址係咩,店家講咗之後,大媽就搵,然後搵唔到(應該打錯字),店家就話不如同你講日文或英文地址,大媽唔得,話要加微信比個地址佢,店家就話行程已經過咗,要等下一波
我plan好曬行程,下個行程都已經預約好時間,變咗兩個行程揀一個嘅情況
最後,第一個行程嘅地點就到咗,而地址正正就係159-4 Maeganeku,因為行程一啲限制,最後告吹咗,我就選擇咗食飯再去下個行程
食飯個陣阿媽不斷安慰我,同我講唔好影響心情,旅行要開心啲,阿媽人生第二次去旅行,我plan好曬行程想大家玩得開心,變成咁嘅情況我好自責
食完飯上返車,大媽就話有幾個客都係啲地址比得唔好呀最後搵錯地方,冇辦法架,試圖將責任射曬落我度,合理化佢嘅表現
最後一站係殘波岬燈塔,原本諗住去睇日落嘅,但有個行程取消咗,時間仲早,大媽就google咗燈塔嘅開放時間同我講不如行到燈塔頂,佢開到16:30
佢show咗個page比我睇,係16:30,我問大媽咁16:00去得唔得,佢話可以,最後去到已經閂咗門,未到16:30
我google又真係16:30,我第一次去日本,唔知大部分景點都提前一個鐘或半個鐘閂門唔比人入
玩完一日行程之後,原本要係酒店落車,我想食燒肉,就預約咗個燒肉舖,我比個預約地址佢睇落車地點,佢話知啦,國際通入口個間呀嘛,係二樓呀嘛
燒肉店地址
好啦,我包車18:30完,但因為塞車遲咗,大媽已經好燜,我都因為過咗預約時間所以都好急,我一直睇定位睇吓仲有幾遠未到
大媽叫我落車,我望一望定位仲有一段距離,但因為趕住走就落車,諗住定位有延遲
一落車就覺得唔對路,個樣唔似國際通,但係招牌係寫住個間舖嘅名,我就衝左入lift,見到要禁三樓,我諗唔係二樓咩,上到去同職員對預約資料,先知係去錯咗,要行五分鐘去返國際通個邊
而因為趕時間,我唔返去睇吓大媽係唔係到同佢議論,就跟google maps走
諗返一層,其實我哋搭的士好似仲好,或者包個日文司機嘅車,起碼知個地址點唔啱法,可以同店家溝通到,又熟啲景點知幾時閂
個包車比咗$1845港紙,勁唔抵,勁嬲,返香港成程機就打呢篇文
下次都唔知仲包唔包車