有關 Apple Refurbish 機嘅疑問

驚壞咪買返全新機
又要平 又要驚呢樣驚果樣

我對上嗰部 Macbook Pro 用咗9年先換，唔係因為死機、慢到用唔到依類問題，部機重可以如常 run 到 Photoshop 同 AI。而係外界因素，個 internet 逼我換機，因為啲 browser 已經 update 唔到，開始越嚟越多 website 上唔到。唔計上網嗰 part，其實部機重可以 run 多一、兩年。

如果而家新出啲 Macbook Pro 重 keep 到嗰時嘅 build quality，買 refurbish 機當新機用應該冇咩大問題。但係而家我部 2018 Macbook Pro，嗰陣用咗年幾，要拎去 Apple 整嘅次數已經係我上部機9年嚟嘅總和。兩部機同一用法，同一擺位，明顯而家啲新機易壞咗好多。我唔明點解你會喺依個問題上會提及到信任、心魔依類嘢。信唔信 Apple 都好，再好嘅零件都會有死嘅一日，而舊零件快啲會壞亦係鐵定會發生嘅事實。唔會因為你信多啲就會遲啲先壞，甚至唔壞。

出廠前換晒有問題嘅零件，唔代表過咗保養期後會冇問題。會出問題嘅唔單止係塊 board 上面嘅嘢，個 mon、啲 port 頭、重有啲拆到出嚟嘅嘢都會壞。除非你預咗保養期內會換機就可以唔理依個問題。冇整過嘅 refurbish 機嘅壽命理應會短過冇整過嘅新機，同埋要畀多啲維修費出嚟。重有 refurbish 機個 mon 出廠前冇壞嘅話好似係唔會換，我唔知而家啲 mon 可以撑到幾耐，如果 OLED mon 又會唔會快啲打柴？

就算喺保養期內會換新機，雖然係唔使錢，但部機壞咗拎出拎入噉去整都煩啦。唔知你會唔會噉做，我每次拎部機去 Apple 整都會清咗部機先。每次整完機都要花好多時間安翻晒啲嘢，set 翻好啲 preference。一、兩次都算，三、四次以上就好撚煩。新機新件都整咗咁多鑊，何況係有舊件存在嘅 refurbish 機。

唔識拆咩你 好易

講番 Macbook 入面啲嘢係咪依然焊死晒喺塊 board 度

新機唔止焊死晒喺塊底板度，M1 M2 等直頭將 RAM 同 CPU GPU 放埋同一粒 chip 入面。舊機 YouTube 有片啲人自己換 RAM chips 加 RAM ，新機要咁玩就唯有成粒 M1 M2 咁換

得啦，簡單講即係心魔作怪
接受唔到翻新機
咁你咪買全新機囉

死乞兒

又想平 又嫌二手
快啲瞓啦 發夢唔洗錢

終於都明點解啲人話 Apple 係宗教，有趣。

其實apple refurbish都可以買apple care
唔介意唔係一手機就得

MacBook 幾時用OLED

買Apple 機只買Refurbished

問題係你唔會知道自己依排或者依幾年運程係點
新舊機要壞都係會壞

而你又想部機好似以前咁耐用.我只能夠講你太一箱情願覺得d機會好似以前咁用到咁多年

翻新機既優點只係平.無其他.

其實新舊機都係睇你彩數.邊個話部機既件用得少就唔會咁快壞?

買乜硬件都係咁架啦

Apple賣嘅官方翻新機係會盡量俾無咩用過嘅SSD同電池你 (盡量，不過等於保證)
而上面都有人提過，一年保同埋額外買Apple Care個terms係同你買新機一樣
至於翻新唔受trade-in，我前排門市買M3 Max嗰時先trade咗部refurb 2018俾佢 (但網上用Likewize去trade in個篩選可能唔同)

不過，Apple響維修嗰時換俾人嘅翻新機就有機會係已被SM舊料
我試過有隻2019 16"，有T2 chip問題要換晒成塊板，換番嚟嗰部機一check SSD佢已經有133TB written

而家所有macbook都係SoC，底板就係單一零件，壞任何一樣就係成塊底板換，data都保證冇晒所以其實係焗人買新機

舊SSD 真係接受唔到

又要翻新機又話想要拆到部機
咁撚多要求
去華強北自己砌啦咁多嗲

冇記錯8GB係連chip ,16GB或以上分開

我都用緊MBP13 2018，未拎過去Apple整過，到依家都仲用緊冇問題，所以我都唔明你點解話啲新機易壞

其實好簡單姐，用平啲嘅價錢買一部部分被用過嘅機同用原價買全新
平左嘅價錢咪係係「會唔會易壞啲」個risk，你接受到咪買，唔接受咪買全新

電子野好多時撞手神，全新要壞嘅一樣會壞

買得翻新機就係信Apple 個名，同埋個85折，我買過iPad 同MBP 官翻，暫時仲未有鑊氣

無呢回事
所有Appel Silicon Macs都係DRAM module on package
而且so far未有人成功做到換RAM (包括強國)

refurb機咪即係點都有個上一手用家買咗部新
結果壞到仆直要靠換新然後壞送返廠整完至好返包出嚟賣