[誠實作答] 結婚後生活得開唔開心？

成日有巴打呻結婚後生活好難過，好後悔
好似比較少人會話結婚後好幸福

結咗婚嘅巴絲打請畀正負皮，未結婚嘅唔准答
開心
後悔

正皮嘅巴絲打可以分享下點解咁開心

lm

開心

等於見到人地有metal robot 魂


自己都有一盒威吓

女都生埋，幸福。雖然偶爾都會有幾句。

唔識 即係人有我有嘅概念？

開心的, 好想快啲返屋企. 不過有多啲me time就更好.

啱啱放工，可以講多少少嘅

我認為同買玩具一樣，要睇吓自己能力，要買隻自己真心鍾意嘅，絕不是人有果隻我又要有果隻

係要買一隻自己能力範圍負擔得起，又預計到自己耐唔耐會攞出黎玩，不會買咗閃完就長放倉底咁樣，咁係害咗件玩具

我有啲玩具就係長放倉底，呢啲就係浪費金錢，純粹為咗果刻要放閃，又或者跟手又carousel 賣番出去

所以買一盒自己長玩嘅好緊要

明白，睇得出你對婚姻對另一半好認真

開心
其實只要有拗撬時識得反省 同道歉 關係就會好好

lm

因為太太以前成日發脾氣係因為見得少，而家結左婚一齊住，見得多反而無乜拗撬。

同埋婚姻雙方都要付出。
男人謹記，你太太唔係你老母，佢對你做既野（洗碗煮野洗衫浪衫拖地）都係出自愛
男人要感恩。（送禮品效果倍增）

女人就要適當既放手，男人一定有嗜好興趣，只要唔係啲傾家蕩產影響婚姻既，俾佢玩啦，你只要適當既Ok同唔Okay, 唔好一味Say No. 男人就多謝你㗎啦
同埋女人想男人留低，唔該轉換語氣，唔好好似老母對住個仔咁。

錯誤例子：又去應酬呀，咁幾時返黎呀（質問形式）
較好例子：咁幾時返黎呀~我買左套靚睡衣喎（嬌嗲mode)

識得感恩同溝通真係好重要

之前套日劇 “逃避可恥卻很有用”

其中一個規則話每一日定每星期要一日係個擁抱日

我覺得對雙方都好重要。

女性可以透過擁抱黎獲得愛（動力）
男性可以透過擁抱黎獲得性慾

咪啦 睡衣有乜好睇 唔識欣賞

攬攬真係好正

第三段好同意，我都唔會理我老公打唔打機，
有時佢有機打，我會坐喺隔離睇書、online shopping
叫做陪住大家做大家想做既嘢
佢會打到咁上下自己收機陪我，有時會等我訓咗先打
但呢d 我一句野都冇講、冇發脾氣冇俾說話佢聽。
純粹我眼訓就入房訓，佢就入黎陪我咁。

所以女士們其實唔一定要鬧晒喊晒，如果佢生活得返工同你，你會嫌佢悶lol

利申：一齊9 年，結婚年幾。結咗婚先同居，
只係為d 生活習慣嘈過，之後大家互就就冇嘢
而家enjoy 二人世界

開心 自由自在
唔駛俾丫媽管住晒
想做家務就做 唔想做就唔做
可以由朝到黑打機睇動漫都冇人鬧
兩個人先可以叫外賣 一個人買太少唔送
唔開心又有樹洞
冬天又有暖包攬住

唯一唔好係要應酬佢個邊的親戚
我暫時覺得係好過結婚之前

我鐘意錫錫多啲

你地好似我同我老公
佢打機 我就睇動漫
有需要做家務時就大家一齊做 快啲搞掂
次次我上床訓佢都會黎陪我
然后繼續打機
仲要有goodnight kiss
我同我老公都拍左7年 結左婚接近1年

好同意，無論男女都要有呢個覺悟，理解對方對me time嘅需要
同埋女人一哭二鬧或者ee哦哦其實好令人反感，自己都唔想聽到晦氣說話，己所不欲勿施於人，有咩問題大可以平心靜氣討論

有個伴生活上真係輕鬆不少

Why not both

開心 我哋拍拖2年 結婚7年幾..
拍拖好早期已經同居..
雖然婚前婚後冇咩大轉變..
但都好感恩大家嘅感情愛情依然keep到
甚至變得更加好

我哋會一齊打機 一齊出海 一齊睇戲
我哋同對方嘅家人關係亦都十分好

我哋同對方嘅朋友都啱傾玩得埋..
最後仲將對方嘅朋友圈同自己嘅朋友圈撈埋.. 更加好玩

每朝早佢番工我都會送佢出門口 goodbye kiss