到演員篇
終於覺得有野睇了,勁過歡樂滿東華
第一個表演我影唔到相,但係我諗係全場最impressive 果幾個表演黎
由於而家都仲記得,我試下描述出黎
首先, 有幾條彩帶係頂上面放落黎, 一個男演員用雙手纏住彩帶做出一系列類似體操既動作
正當我以為都無咩睇既時候, 音樂一轉變左好classic同浪漫既歌
有個女仔出左黎同男演員跳左part舞,好深情
之後,男仔隻手纏番彩帶, 跟住佢地再係空中跳part舞, 兩個人好有默契咁鬆手又接番實,最後相擁互纏, 羨慕死毒撚
跟住個表演我幫佢改個名就叫"空中飛人雙人合體"
一開始係類似咁(張圖google大神搵既)
佢地好合拍咁用秋千做出各種翻騰動作
跟住就係3個人既表演, 同圖一樣
接住落黎都同電影睇既馬戲團大同少異就唔多講
之後中場休息番黎
到魔術表演,對於從來無睇過大型舞台魔術既我黎講好新鮮
第一個魔術一開始
個台玩左一輛水幕表演先, 不停有好多水柱由台下射出,配合埋燈光音樂,都幾好睇。跟住到魔術師同助手出場, 個助手去到台中間訓左係度。
呢個時候,有水柱由台下射出,跟住魔術師開始施法,佢助手就慢慢咁凌空升起到大約1米到,好似俾水柱抬起咁,之後魔術師再做一系列動作,例如搵手掃下助手下面話俾觀眾聽無野吊住助手
第二個魔術係經典既水箱逃脫魔術
流程係魔術師俾人用鐵鍊挷住全身,放入一個注滿水既水箱,助手跟住就用幾把鎖鎖實水箱。然後, 黑布垂落蓋住整個水箱,最後魔術師逃脫。
拿,雖然個魔術無咩新意, 歡樂滿東華都做過,但係現場睇同電影睇真係差好遠同緊張好多。
之後就謝幕
其實中間有D表演我都已經唔記得左
不過3000RUB睇左差唔多2小時表演都叫物有所值