否認風流的秦煌對身邊女人讚不絕口：「內地女人同港女性格好唔同，唔會第一時間問你有冇錢？有幾多物業？當年佢只得20幾歲，但我經已50幾歲，所以曾叫過佢走，哈！但我趕佢都唔走，佢仲儲起買菜嘅『打斧頭』錢，加埋我畀佢嗰幾十萬，喺佢家鄉湖南買埋樓，第日我做完嘢返深圳定居，佢會坐高鐵過來。」
提到內地樓，秦煌即聯想到呢排好頭痕的老友李龍基：「佢用80萬購入福田1300呎物業時，我曾去參觀，當時佢個女友都係好後生，我仲以為同𠵱家嗰個係同一個人，點知發覺唔同樣，哈哈…(都係爺孫戀)冇物業邊有香港女仔睬你呀？」
秦煌爆李龍基情史，稱他跟「嫩妻」發展前都是玩「爺孫戀」。
