【科幻】《造個好夢》(18)

飛揚

1001 回覆

6 Like 0 Dislike

飛揚 2024-01-22 16:46:52

讓我們為大家打造一個專屬你們的好夢。

逢星期一至五，準時七點正有文出。

鍾意嘅朋友記得Like同Share俾身邊嘅朋友一齊睇～

有咩都可以留言同我講～有你哋嘅意見，我先會有進步～

下面係Penana嘅Link，想睇返之前嘅章節都可以Click入去。

Penana
https://www.penana.com/story/135013/造個好夢

鍾意我呢條廢腸寫嘅故可以Like Facebook同Follow Instagram～

感激大家長久以嚟嘅支持～在座各位都係讓我支持落去嘅動力～

Facebook專頁
https://www.facebook.com/whirlingdancer

Instagram
https://www.instagram.com/whirling666/

Penana
https://www.penana.com/user/122935/飛揚/stream

第一個Post 第1,7, 13, 20, 25頁有文
https://lih.kg/3510364

第二個Post 第3, 10, 19, 23, 31頁有文
https://lih.kg/3516203

第三個Post 第36, 39頁有文
https://lih.kg/3520696

第四個Post 第9, 15, 22頁有文
https://lih.kg/3524014

第五個Post 第17, 23, 29, 35頁有文
https://lih.kg/3527788

第六個Post 第3, 23, 27, 33頁有文
https://lih.kg/3532141

第七個Post 第2, 17, 21, 25, 30, 34頁有文
https://lih.kg/3537960

第八個Post 第5, 9, 13, 19, 23頁有文
https://lih.kg/3545471

第九個Post 第2, 6, 9, 11, 14, 23, 26, 34頁有文
https://lih.kg/3552458

第十個Post 第5, 9, 23, 26, 31, 39頁有文
https://lih.kg/3559981

第十一個Post 第3, 20, 25, 37頁有文
https://lih.kg/3566095

第十二個Post 第3, 12, 26, 30, 35頁有文
https://lih.kg/3571224

第十三個Post 第4, 9, 35, 37頁有文
https://lih.kg/3577291

第十四個Post 第2, 8, 11頁有文
https://lih.kg/3581737

第十五個Post 第1, 4, 8, 11, 13, 29, 33頁有文
https://lih.kg/3585754

第十六個Post 第1, 6, 20, 29, 32, 34, 39頁有文
https://lih.kg/3592480

第十七個Post 第2, 13, 17, 19, 24, 29頁有文
https://lih.kg/3598800

熱檸茶走冰 2024-01-22 16:47:08

小新之助 2024-01-22 16:47:13

飛揚 2024-01-22 16:51:48

走冰

飛揚 2024-01-22 16:51:59

小新

格躺 2024-01-22 16:53:52

飛揚 2024-01-22 17:21:40

木各身尚

情侶之間嘅相處好多時都唔使咁執著嘅

飛揚 2024-01-22 18:04:21

影影

飛揚 2024-01-22 19:00:14

上回講到Link遇到有意識嘅思想投射！
呢啲先麻鳩煩吖！
Link就好熟練咁逐一KO！
點解Link可以咁勁？無他嘅～之前都有好多客鍾意發呢啲夢吖嘛～Link都造過唔少～合埋眼都測試好啦～
Link輕鬆KO啲思想投射！同時都係要搵返Hazel喺邊！
然後就遇到有對抗性嘅思想投射！
咁就唔好理佢哋咁多！專心搵返Hazel先！
終於俾Link行到去佢哋造嘅夢境！
Link就收返埋支槍！喺人群之間穿插！又撞到唔少人！
『Sor...Sor...』做乜要Set咁多思想投射吖？咁多人阻住晒！
就喺Link又心急...又心煩之時...佢感覺到Hazel...就喺前面！
一望上前！喺人群之間...就望到何菲菲同李俊來！
何菲菲...同李俊來拖住手咁...行緊...
何菲菲離遠望到Link...就偷偷向佢打咗個眼色～
係Hazel...Hazel已經變成何菲菲嘅樣...
好喇...總算順利...Hazel順利以何菲菲嘅姿態埋李俊來身！
而且李俊來手上...仲有把黃色遮！
就係嗰把黃色遮喇！
好順利！跟到個劇本...只要繼續跟住個劇本行...拎到把黃色遮...
李俊來同Hazel越行越遠...Link都要跟住喺佢哋身後！
偷偷咁跟住喺佢哋身後，望住佢哋拖住手...李俊來都好似好幸福咁...就好似喺何菲菲嘅意識所見到佢哋拍拖時候咁...
李俊來嘅面上總係帶住幸福嘅笑容～對眼就只會停留喺何菲菲...就好似眼中只有何菲菲一樣～
果然呢...唯一可以令李俊來冇戒備嘅就只有何菲菲...再加上同Hazel練咗咁耐...李俊來冇可能會察覺到...甚至已經俾佢哋迷惑咗...
一切都盡在佢哋嘅...掌握之中！
跟住嘅劇情發展又會係點呢？

準備出文

飛揚 2024-01-22 19:00:30

[Day 12－造個好夢] PART 03

處身於人群之中行...身上嘅衣物都已經曬到乾返晒...

我就繼續離遠跟喺佢哋身後，保持一定距離。

雖然我唔算係擅長跟蹤...之但係李俊來成個Fall in love嘅迷樣...實發現唔到我啦～行近啲都唔驚～

慢慢咁接近...再接近啲都唔怕...接近到已經聽到...

「喂李傻來！食雪糕咯～」聽到Hazel講嘢。

「都好...」李俊來點點頭，「不過邊度有雪糕賣？」

Hazel就拉住李俊來：「跟我嚟～我知啱啱開咗間新嘢～」

冇問題...唔單止外貌...聲線...甚至係語氣同態度都同何菲菲對住李俊來嘅時候係一模一樣！

李俊來絕對唔會察覺到...身邊拖住嗰個並唔係真正嘅何菲菲...

我就繼續跟住喺佢哋身後，行上天橋...再行入商場。

飛揚 2024-01-22 19:01:48

入到嚟高級嘅商場，冷氣都特別涼爽～

淋完雨又曬返乾...而家仲要走嚟涼冷氣...潛意識會覺得好易病囉...

搞到個鼻有啲痕痕癢癢咁...

我就忍住忍住...跟喺Hazel同李俊來身後...

高級商場裡名店林立，商舖全部都係國際大品牌。

而出入名店嘅...喺身邊經過嘅...都係身光頸靚嘅年輕才俊～美女～

Hazel就拖住李俊來入去一間高級嘅雪糕店。

佢哋一邊排隊，一邊手指指咁指住個水牌。

我都行到去隊尾...排隊...

飛揚 2024-01-22 19:02:54

Hazel Fing Fing李俊來隻手：「食咩味好？食咩味好？」

李俊來就望住個水牌諗諗：「我要個朱古力...你要個咖啡...咁我哋咪可以Share囉～」

「同你Share？」Hazel又成個小蟹柳咁，「咪食晒你啲口水尾？」

李俊來點點頭：「我都有份食你啲口水尾㗎喎～打和～」

Hazel指指李俊來個鼻：「益咗你啦～李傻來～」

望住佢哋兩個好似兩小無猜咁～買完兩支單球雪糕，就企埋一邊食～

「嗯～好味～」李俊來點點頭，再遞向Hazel，「你試吓～」

Hazel食一啖：「有你啲口水囉～」

然後Hazel都遞自己手上支單球雪糕俾李俊來試試～

李俊來又食得好滋味咁～點點頭～

佢哋兩個就你一啖又我一啖～

我就自己一個孤獨咁食雪糕...

飛揚 2024-01-22 19:04:19

喺幾個思想投射之間掩護之下...不經意咁周圍望望...同時又留意住佢哋...

等到佢哋都食完雪糕之後，Hazel又拍拍李俊來：「喂買杯咖啡飲咯～」

「都好～咁你等我啦～我去買～」然後李俊來就行去排隊～

就趁住李俊來背住我哋之時...Hazel偷偷咁向我點點頭...

仲係好順利...都仲係跟住個劇本咁行...

只要繼續跟住...

我食完支單球雪糕，都行去排隊。

留意到李俊來都係好自然...仲係好似唔知自己喺夢中...喺我哋為佢精心設計嘅夢境之中...

飛揚 2024-01-22 19:05:32

李俊來買完兩杯咖啡，再用紙巾包住個杯之後，就行返埋去Hazel身邊。

Hazel接過李俊來手上杯咖啡～帶住微笑點點頭後，就拖住李俊來行出店舖～

我都拎住杯咖啡跟喺佢哋身後行。

Hazel就指指遠處：「你睇嗰邊～有啲公仔喎～」

李俊來好專心咁望住Hazel指住嘅方向：「係喎係喎～」

「過去咯過去咯～」Hazel就拉住李俊來走過去～

又離遠觀察住佢哋...同啲公仔影吓相～又笑得好開心咁～

只要做多啲開心嘅事...人就會放下戒心...

縱使好似李俊來咁敏感嘅人都唔例外...

呢個就係我哋嘅劇本...只要一步一步開心...一步一步快樂...一步一步幸福...

飛揚 2024-01-22 19:06:58

佢哋都影咗好多相～Hazel望住李俊來手上部電話～又拍一拍佢膊頭就再影多幾張～

然後影到Hazel滿意之後，佢哋又十指緊扣咁繼續行。

我就繼續跟住佢哋身後...Hazel就指住間...內衣褲名店：「原來呢度有喎～入去睇吓咯～」

李俊來一面尷尬：「吓？賣女裝內衣褲㗎喎...」

「做咩吖？」Hazel古古惑惑咁打量住李俊來，「你唔係怕羞吖化？」

「我我我...」李俊來面都紅晒，「我點會怕羞吖？」

「唔怕就行啦～」Hazel就拉住李俊來行入店舖內～

我就唔方便跟埋入去喇...一個大男人...就只好企喺出面～飲住杯咖啡扮晒𥄫女咁～

飛揚 2024-01-22 19:09:16

Hazel就喺店舖內拎起啲Bra俾李俊來睇睇～

李俊來又勁老尷咁擰擰頭～又點點頭～

總之就係搞到李俊來唔知點咁～

然後玩完一輪，Hazel就拖住面都紅晒嘅李俊來行返出嚟～

Hazel好似有啲凍...李俊來就自動自覺咁喺個大袋裡面拎件外套出嚟～搭喺Hazel身上～

然後佢哋又十指緊扣咁繼續行～

繼續離遠咁喺商場裡面跟住佢哋行，入吓店舖睇吓嘢...

「喂呢隻得意吖～」

拎吓啲公仔嚟玩～

「似你囉～」

留意住李俊來嘅反應...

「似你吖李傻來！」

仲係完全投入喺佢同何菲菲嘅夢境之中...

照咁落去...假如冇任何差池嘅話...

飛揚 2024-01-22 19:10:13

行完高級商場之後，我哋就走去搭渡海小輪。

Hazel都拉住李俊來坐船頭嘅位置～

我就離遠坐喺佢哋後面，繼續觀察。

李俊來都幫Hazel袋返好件外套，再喺個袋入面拎咗把風扇仔出嚟～幫Hazel吹吹～

渡海小輪都開始航行。

所有嘢都係跟住劇本呢～

但當你以為一切都好順利嘅時候...

我望望海景～又望望身邊...離遠...有個身影...

我望清楚...呢個坐咗喺度嘅男人身影係...Hazel嘅爸爸？！

飛揚 2024-01-22 19:10:38

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～