李龍基未婚妻CHRIS曬還錢記錄　自爆大手買賣私人飛機証財力雄厚

問到Chris會否介意公開銀行紀錄，她表示絕不介意：「我真係唔介意，因為銀行嘅流水（記錄）我改變唔到嘅，專登去搵俾你睇。當年我係還咗錢個記錄一定keep，因為當時要同公司要對番啲賬，所以佢以為我唔見咗個記錄就錯啦。當其時我唔係爭好多錢，你見到喺我呢一邊轉帳出去嘅係17萬美金咁樣轉，因為當其時我要買一架灣流飛機（私人飛機），但以公司名義去買的話交嘅稅項會好高，個人購置稅項較低，所以我就用咗自己私人名義去買架飛機，你可以睇到我裡有17萬美金就係買賣飛機嘅數。



Chris又回憶借錢原因：「當年我借錢係因為當其時貿易戰，喺國內過嚟嘅錢未到賬，隔咗一段時間先到賬，過程當中我都依然因為公司要周轉，到最後我還番嘅俾佢嘅時候，因為公已經充裕番啦，還咗錢俾佢之餘自己仲要買咗架灣流飛機（私人飛機），記錄兩次俾咗17萬美金，咁兩筆喎兩筆嘅17萬美金，咁你覺得即係我買一架飛機咁多錢，你嗰3萬蚊美金會唔會唔還俾你？」



對於當年影片被公開，Chris相當憤怒：「如果冇心還錢，我亦都唔會錄一個咁嘅視頻，個視頻亦都保護咗對方，一個即係借錢俾我嘅時候要我還錢嘅嗰個account，係因為我實實在在要還番俾佢，咁，即係佢而家再攞番一個佢冇刪嘅視頻，仲要喺呢個時間先拎嚟聲討我，我覺得佢趁熱度囉，呢種行為真係好可恥啊。」

唔識
不過有飛機咁平？

是但啦，正常人點會有呢啲野發生

我都想問，乜原來私人飛機咁平

私人飛機模型

基老無比人呃
明顯係食軟飯

仲未解釋到隻淘寶假h馬仔
正價先一隻5k

灣流即係gulfstream
就算十手都無可能咁平，除非廢機唔飛得等劏個d

17萬美金買到灣流

繼續吹啦，越吹越大，吹到自己都完唔到謊

解釋咁多只會令自己輸哂

自己越描越黑，好肉酸

學歷：踢爆證書同假manager
音樂：踢爆用網上音樂
畫畫：抄淘寶
飛機：17萬買灣流

有咩係真

笑死
佢會唔會自己睇下30000蚊果幾個數字既字型呀大細呀alignment先?
如果有人睇完咁都信都真係弱智
同埋佢由頭到尾講D野都真係好撚似呃人
永遠都唔係拎D真正證據出黎 而係話"我咁有錢 洗唔洗呃你呀?"
話自己識畫畫 但永遠唔會開live畫畫或者post從未公開既進度相
話自己流利德文荷蘭文但從來未見過佢一個德國/荷蘭人朋友
話自己荷蘭同美國大學讀書 一張後生時候係campus影既相都拎唔到出黎
話自己學渣飛機又叻又盛 連個導師名都up唔出 同學合照又無
而家唯一有張真少少既bank statement扮證據 但字體都未set好就拎出黎用
仲要講到自己俾兩次17萬黎買飛機好勁好勁
但點解唔敢貼果期既full bank statement既?
係咪無果筆錢又照過數 跟住銀行reverse transaction唔敢俾人睇?

rotorway helicopter咋

玩夠偽造文書未

好想睇佢開live由草稿開始畫畫
次次都係成品圖畫幾筆，仲要畫蛇添足
好奇怪

佢點會

下次追問嘅話，應該會解釋佢係standford返嚟，搞錯咗中文譯名，一時講錯咗姐

佢第二張相張receipt勁似我去百佳惠康買完嘢張receipt
大約兩個月d字就淺色，佢嗰張keep得咁好

儲埋儲埋啲料又夠叉雞做一集

其實好好奇如果李龍基即場叫佢表演會點
仲有傾計講到學術知識嗰啲唔會一聽就知有破綻㗎咩

所以基哥應該知道佢係流，只係唔想拆穿佢。
咁所以佢揀基哥埋手，覺得佢成世淨係唱歌唔會識其他嘢。