1. 香港代理藍到黑
快圖美老細 中港照相器材主席兒子孫道熙公開撐警開槍
https://lih.kg/1614543
2. 代理維修重差過深圳手工
3. 行貨食水深又服務差
4. 代理啲每月優惠當消費者係戇鳩
置頂問題2：水貨壞咗點樣維修？
水貨壞咗都可以拎返港行維修
收費等同你行貨過保
亦因為港行維修實在太廢 武肺之前有唔少人索性拎返大陸整 乾手淨腳
最緊要買嗰陣check真啲
置頂問題3：邊度買水貨？
呢類問題一律冇答案，或者轉個方式問可能會有巴打肯答啦
轉載： 余光中飛舞巴打分享既買機check機注意事項
BODY篇
驗屍級：開包裝前睇封條有冇開過，入電前check機身（包括sensor）有冇花痕，睇粒電金屬位有冇刮痕，開機後試晒所有掣同touch screen有冇反應，影相拍片基本功能，閃光燈，影一黑一白相睇evf/lcd mon有冇光點死點，光圈收到F22影白紙睇sensor有冇塵（如果冇白紙就set兩三秒快門影白燈/光管，一邊搖下部機），再嚴謹啲可以對埋evf/lcd mon嘅色tone一唔一致
做齊以上動作九成sales會黑你面
鏡頭篇
鏡頭包裝冇封條，但如果你開之前未有人開過嘅話，裝鏡頭個膠袋會係好少摺痕，相反如果有開過再包返好，通常個袋會皺晒，當然呢一點唔代表枝鏡有問題，可能只係有人開過嚟睇而唔合眼緣
同樣要check鏡身有冇花痕，有花唔影響成像但影響二手價，有時啲油漆油得唔好都會有啲痕，35.4個遮光罩通常油得差，唔好太介懷
轉下啲變焦環對焦環光圈環暢唔暢順（我買16-55時就試過擰到去55位唔暢順），另外，唔同model嘅鏡啲轉環阻力唔一樣，例如35/2光圈環比較緊同埋分段清晰，但56.2就會相對鬆，唔代表後者有問題，完美主義者會睇埋光圈環數字個刻度對唔對得準，但都係嗰句唔好太介懷
最重要係check鏡片，開電筒照入去，睇下鏡片有冇花有冇霉（之前見過一枝係入面嘅鏡片有撻漬），睇埋有冇塵，冇就最好，但有塵其實都冇乜問題，心理影響大過實際影響
反光咁睇一睇前玉同後玉鍍膜有冇問題，有花好容易睇得出，新鏡既鍍膜應該係完整冇花嘅某一兩種顏色嘅反光，再睇有冇漬有冇刮痕有冇指紋，有嘅話建議直接睇下一枝，無謂自己抹（老手可以無視呢句），如果得返一枝而你又急切要買就叫個sales抹下佢，抹得走而鏡片冇花就冇問題
做齊以上步驟可以插落部機度，轉下對焦環（MF）同光圈環有冇反應，試下對焦暢唔暢順，開關防震各影一張相睇下個防震work唔work
都講咗咁多唔爭在講埋驗屍級：如果懷疑鏡片入面嘅塵大到會影響成像，光圈收到F22影白紙睇下有冇影響，但其實買新鏡見到非常大粒嘅塵一般人都會直接pass，所以未必需要做呢個test
影張相睇下會唔會某一邊或者某一角明顯異常鬆矇，呢一點同光圈大小無關，收細光圈之後情況一樣嘅話就可能係光軸偏移問題（有興趣自己google光軸偏移睇相，但呢個情況極少出現喺新鏡，二手鏡就要留意）
收到最細光圈睇下光圈葉有冇油，同樣新鏡都少見會有
如果係用單反機，買單反鏡要留意走焦問題，無反因為結構唔同所以一般冇問題，有嘅話都係個別型號問題（例如Canon枝RF小白），富士鏡暫時冇呢個問題但如果以後有新model都要留意
再嚴謹啲影張散景有燈嘅相，睇下個波點有冇問題，個波點反映鏡片狀態，例如鏡片裂咗嘅話個波點都會有裂痕，鏡片有明顯嘅塵個波點一樣有塵，一言難盡，總之理想狀態係個波點係實心嘅一個圓（或者橢圓，冇關係），新鏡一般冇問題
sorry for 1999，最後一句，買新鏡其實都唔使驗屍咁驗，我而家通常都係望一望鏡片冇問題就畀錢
誠心建議一開始大家就講清楚去邊旅行影咩自己有咩機咩鏡幾錢budget，其他ching答起上嚟唔洗靠通靈會簡單好多
否則一律建議帶晒
未買就全套red Lable
所有問題5講清楚乜嘢型號一律屌
