就30歲先想學英文應該點做？

趁未31歲去轉working holiday

睇左超過2000個鐘動畫
都係唔識講日文

如果你未學，我建議你學phonics先，你英文會突飛猛進

想搭單問下，我英文聽力好差，工作英文會明但一到去Pub/chitchat 我就聽得明2成左右企左係度

聽落好似立即變左第2種語言咁，可能d劇同新聞太字正腔圓？
移左英都有一段時間但都好似冇乜進步，聽唔明既都係聽唔明根本唔知講左乜，又冇理由句句都問返人

咁既話可以點做

工作上你聽得明因為入面包含左好多你熟悉既字眼
話題都係你工作相關既野，所以你容易估到佢講緊咩
同埋可能工作上d人會預你未必識英文會講慢少少就你

日常出去玩人地用番正常語速
話題又乜都有

我自己黎講
netflix+中英雙字幕係幫助好大
睇任何你中意既sitcom/reality show
呢樣係幫你認識外國人自己圍內傾計係點
慢慢轉做淨開英文字幕
唔識既地方就pause左佢睇下中文係咩
你要用學英文既心態去睇而唔係娛樂睇戲既心態去睇
一d好local又常用既語句用法你可以mark低
當年sex and the city呢套野我睇左6次

但要入血始終要靠你自己唔怕醜主動去經常講

其實一切都係你用得多自然會熟
網上好多所謂教英文招我覺得佢地為view數為sell堂多
將簡單野複習化懶係好專業咁

btw個人覺得英式英語係好難聽得明
大部分香港人最接觸英語都係荷里活文化
我地一直都係聽美式英語長大
會易入手好多

我聽北美youtube已經可以唔洗字幕 開1.5都OK
但聽英國佬澳洲佬有時都要字幕先掂

如果你係專業人士，我會建議你睇一d有關自己專業既英文youtube，例如工程醫學時事煮野食等等，就算唔係專業人士其實都可以睇，不過睇一d有關自己已經識少少嘅野有助避免完全唔識一d專有名詞

其實主要都係focus喺個內容上面，睇慢d同睇字幕都冇問題，你可以用片嘅畫面嚟大至理解佢個句野講緊d咩，focus喺d字上面你唔會學到d咩，因為你唔會死記到d字嘅意思

當你捉到佢地講野嘅節奏，d重要字眼係會喺句子入面邊個位就贏咗一半，如果日常生活你聽唔明鬼佬講緊個字點解，或者你根本未聽過呢個字，佢地都會好樂意用另一個方法或者解釋呢個字俾你聽就好似如果有個鬼佬聽唔明「車」呢個字，你都會指一架車或者扮揸軚盤跟住vroom vroom咁

如果樓主level係小學都搞唔掂應該好難入手

我哋一齊去由低學起
好唔好!

我覺得睇戲唔信得過嘅原因係因為你睇你鐘意睇嘅戲未必學到英文，如果你係鐘意睇劇情片咁d英文就可能太深，例如oppenheimer，動作片又通常唔係focus喺對白上，所以直情唔洗留意對白
睇d學到英文嘅可能你又唔鐘意睇，結果你都唔想留心佢地講野又係無謂

反而我想問，我英文好差，時態都未分得清，使唔使學咗文法先？

我連蘋果都唔識串都可以活得好好
唔需要隨波逐流

睇黎都係要下決心，睇劇咁減慢速度由低學起
你講既英美差別我都好感受到

雖然我英文差，唔敢講我睇得明美劇，但起碼有d 簡單句子我都知知地
但英式我成日連簡單句子都唔太明，同埋佢地d expression都有d分別

其實冇問題，我都3x先黎學其他語文

係語文apps度搵native老師練英文點睇
有冇咩要注意

平平地想同鬼妹練英文可以搵我鬼妹fd
佢勁等錢洗返工俾好少hour佢

我細個唔鍾意讀書英文差
係呢兩年自己盡量睇多d聽多d
買本essential grammar in use學下基本grammar學用字造句

如果有教學經驗有系統咁練習帶住我就可以
如果係普通傾計練英文試過Tandem
傾十幾廿分鐘已經冇咩講 再深入d想講想表達嘅又唔識講

https://youtu.be/z6raYLICCeo?si=0i3-3eaGnSjKXRKt

睇曬應該可以小學畢業

不過你d grammar應該唔得
建議隔日學grammar

啱啱試下聽咗十分鐘左右
我淨係聽得明一半既對話

練listening其實睇下youtube果d街訪或者真人show
定係呢類機械式發音會高效率d

我本身英文都差，以前聽啲鬼佬講嘢最多都係聽得明三成到，但係自己鍾意踢波同睇波， 發覺睇英超嗰陣聽英文旁述聽得明七八成， 因為有好多專有名詞 或者人名 你本身都係識嘅，你就可以集中注意力聽佢係點樣用 一啲簡單嘅字詞 組織一句句子出嚟， 所以個人建議你可以睇一啲同自己興趣有關嘅 講英文嘅嘢，即係如果你鍾意打籃球嘅你咪睇nba聽英文旁述咁

2樣都要
等於廣東話分口語同書面語

想學多d口語可以睇ig/ fb/yt 既cm
短得來又易學 ，因為唔會有人打好大段