召喚lihkg所有學神/P牌巴絲 (113)

點解唔問學車王？

我有搵街師 佢都有放自己上呢啲學車平台
可能多條路搵學生

我有需要車屋企人先咁問 不過我已經揸咗幾日 暫時都好正常 應付到

多個收學生途徑都好既，下下要自己宣傳都要時間

上咗兩堂棍van，想問下以下情況我做得啱唔啱

開車：踩盡極力子入1波》打燈》搵磨擦點》望鏡望盲點再望鏡〉鬆手制》再慢慢鬆開極力子

停定：如果唔係突發情況要急停而係正常交通燈/停車路牌/停車，首先打燈望鏡望盲點望鏡（如適用於停車情況）》輕印brake》等到架車接近停定就踩盡極力子再大力啲印brake》停定後先拉手制再入空波》鬆極力子同brake

轉波：首先確保右腳冇踩油門》踩盡極力子》入波》搵磨擦點》hold一陣（可能一秒？）》再慢慢鬆開極力子》之後比油

慢車：有陣時見到前面有車龍慢慢行緊或者交通燈準備轉綠但自己唔想行下停下行下停下咁，首先輕印brake》再吊極力子（極力子位置高於磨擦點），呢個時間架車應該會慢慢向前行而唔會做成空波滑行，如果發現唔夠動力就鬆開brake同極力子之後比油再重覆以上動作

麻煩曬各位ching解答

漏咗轉波嘅時速：1波大約1X km, 2波2X km, 3波3X km, 只有到達/接近相應時速轉波先會順暢？

想問係唔係同轉高波差唔多
只不過轉低波時就低啲轉數時先轉

三轉二都可以慢少少就轉
二轉一真係要拖慢左車速先轉

想問下咁應該係鬆哂離合器先踩油
定係hold住一半嗰陣就已經要踩

我會等慢左先轉

我會鬆哂先學車考車都係穩陣啲好

有冇話幾慢先轉

低過1x先二轉一

千奇唔好超速，
同埋離遠見到斑馬線收慢（起碼5個車位前好收油，擺係腳掣上邊）

我有朋友拎P牌就已經自己買車日日揸，未正式咪小心啲揸，攞咗正式牌之後你明的

如果三轉二係唔係2X左右都得

燈位停唔駛打燈

睇你引擎轉數

應該冇錯

唔駛大力踩BRAKE，會變左控制不當
轉波唔駛搵磨刷點，慢慢放右腳慢慢比油就得
你吊極力子就唔應該踩BRAKE，不過慢慢練......

想問下三轉二要大概幾慢
師傅話憑感覺