後來蒙古又打唔到日本落黎,日本社會成功避免流氓化
幕府時代令日本嘗試過咩野叫「天皇雖然係最高領袖,但冇辦法控制國家,將軍先係真正嘅領導人」
黑船來襲,日本被迫打開國門。日本不但冇埋怨,反而深刻體會到東方嘅學說思想跟唔上世界發展,結果明治維新一舉成為現代化國家。可以話,日本剛好學哂東西方學說中好嘅部份,而最大程度避免墮入佢地嘅思想誤區(元朝嘅流氓社會同歐洲中世紀etc..)
到近現代,一戰時期日本緊跟英國,有得分下豬肉。雖然二戰仆左街,但由於日本作為冷戰西太平洋嘅最前線,於是又得到美帝大力扶持,好似西德咁迅速再次崛起,創造「東京奇蹟」
2023年尾,日經重上1990年前嘅高位,今年仲要破頂
可以話日本同英國好似,喺每一個歷史嘅十字路口,或者係智慧,又或者係運氣,又或者係對家自爆,但做嘅決定都啱啱好令國家捕捉到歷史大勢,不斷前進。當然唯一一次錯嘅就係二戰,但邊個叫佢想同英美對賭呢
