波波第一次飾演佔戲較重的角色，好彩她拍過3次拖，同「Yuki」一樣都是「戀愛腦」，「我𠵱家單身，今次演出都過到拍拖癮，都會諗返以前拍拖好似『Yuki』咁，以男友為心中，戀愛大過天，所以都好明白佢嗰種心情。」不過自從拍完《後生仔傾吓偈》，她要兼顧學業同工作，想法開始改變，「知道原來愛情唔係世界嘅全部，拍拖只係其中一部份，覺得開心幸福，但都唔可以完全依賴呢樣嘢，仲有好多嘢值得投放精神同時間。」
出道以來，波波憑住36E好身材彈起，亦經常成為話題焦點，她對此完全不介意，問到會否學高海寧「封胸」？她笑言：「封胸定豐胸呀？！豐胸唔嫌多㗎！講笑啫！哈哈！人哋只留意身材都冇辦法，唯有盡量做好自己，令到人覺得我嘅實力較身材更值得講。」講到性感演出，波波就話只要有時間準備，著泳衣都無問題，「早啲講等我操fit啲，拍嘢都想專業啲畀到個效果。」至於拍到《色戒》的尺度，就交由公司決定，「我好鍾意梁朝偉，但都要睇公司，梁朝偉接得嘅戲一定正，反而擔心自己襯唔襯得起。」
