（耶撚入） 如果上帝咩罪都寬恕 咁呢個世界仲有冇公義？

如果有個耶撚個仔俾人殺咗
個殺人犯信主然後搵神寬恕佢
最後佢順利得到神嘅赦免
個耶撚會點諗呢

認真討論

呢個問題最值得討論既位，在於「順利」。
做錯野想悔改，係一樣完全唔順利既野。做錯野係會唔舒服，亦都唔會想有人知，有得唔洗面對就唔想面對。

但係呢個殺人犯既然求神赦免，就代表佢將上述既唔舒服一層一層咁攤返晒出黎，係其他人面前承擔返後果。呢一份唔舒服係比就咁做錯事深入得多。

神既寬恕，同對人既復和係分唔開。正如主耶穌所教：

馬太福音5:23-24
//23 所以，你在祭壇上獻供物的時候，在那裡如果想起弟兄對你有甚麼指責，
24 就要把供物留在壇前，先去跟弟兄和好，然後才回來獻你的供物。//

個殺人犯去死者父親面前，將自己曾經收埋係入面既黑暗拎晒出黎，痛心承認，係敬拜既一部分。

主耶穌又教：

馬太福音6:12
//12 寬恕我們的虧欠，如同我們也寬恕了虧欠我們的人；//

每一個人爭左神既都係還唔到多，所以就用向其他人既行動，表明接受神對自己既寬恕啦。

最後，我用一個歷史入面既例子，講下基督徒自然有既反應：

呢個係猶太拉比掃羅。

使徒行傳8:3-4
//3 掃羅卻殘害教會，闖進各家各戶，連男帶女都拉去坐牢。
4 那些逃散的人經過各地，傳揚福音的信息。//

逐個捉，見到就捉，出盡全力（加拉太書1:13），殺害佢地（使徒行傳9:1）

逃散到各地，既係搞到教會既人家破人亡，周圍逃難。

結果佢遇見耶穌，完全悔改行返轉頭，由拉比掃羅，成為拉比掃羅兼使徒保羅。

被殘害完、走完難既基督徒，聽到保羅悔改既反應：

加拉太書1:22-24
//22 那時，在基督裡的猶太各教會還沒有跟我見面認識，
23 只不過聽說“從前迫害我們的那人，現在竟然傳揚他以前想要消滅的信仰”，
24 他們就因我而頌讚神。//

多謝巴打咁詳細回覆 不過個問題都係 如果信咗主就唔需對自己犯過嘅罪負責嘅 咁神點樣彰顯公義？
唔好同我講悔改嘅過程就係所謂嘅負責任

係連燈討論宗教
結果只有得啖笑
根本唔會有人認真討論
換來只有謾罵一堆
咁又何苦呢

神寬恕唔代表沒有後果：殺左人一樣要接受懲罰、法律制裁。
罪人接受主耶穌是「因信稱義」，即係我地縱使有罪，但神因為我地認罪而免罪，呢樣係指人與神之間的關係（並藉此得永生），但並不代表不需法律制裁。事實上聖經舊約寫明不同的律法，其實係西方以基督教立國的國家的現代法律雛形。

寬恕同要唔要還係兩樣野黎

上帝可唔可以寬恕我唔信上帝

呢個義, 唔係世人所定嘅公義
呢個義係神嘅義, 人唧義係神眼中係無用同唔公正嘅
好簡單咁講
因為神定意要愛我地 / 同時又要彰顯公義
新約裏面就要定下耶穌承受所有人類過去現在將來的罪所帶的刑罰
耶穌係神同時又係人, 人犯罪總要受罰, 罰就罰左落耶穌身上
所以殺人犯殺人, 耶穌的刑罰就係 count 埋這個罪人刑罰加到耶穌身上
所以呢個殺人犯變成無罪/得赦免,
派耶穌為我們受刑罰 (愛所有人的表現)
人犯罪耶穌甘願受了懲罰 (神的義得到彰顯)
你地所講嘅耶撚必須服從神嘅所做嘅事
佢應該覺得喜樂才對, 因為有多一個人進入天堂

講就係咁講, 連燈仔一定剷到體無完膚

根據神的定義：你有罪, 無得寛恕

點解? 神唔係講寬恕咩
因為耶穌已經將赦罪及恩典給了所有人
你信耶穌, 你就可以被赦免及恩典及其他豐盛的應許承受
你唔信, 代表你唔接受耶穌的赦罪及恩典
既然你唔要赦罪, 那來寬恕你呢?
你唔要耶穌幫你受罪, 你自己揀去受刑罰 (咁就死得啦)

上帝寬恕咗但你唔洗寬恕佢 公義要靠人去實行

咁個邏輯姐係有人犯咗罪 但係因為神大愛唔可以懲罰佢 又因為要彰顯公義 唔可以冇懲罰 所以就懲罰自己嘅替身？

咁究竟你係信定唔信

如果用返我個例子 耶撚老豆嘅諗法就係 「算啦 耶蘇都代咗個殺人犯受懲罰 所以我就寬恕佢啦」 咁樣？

當然, 耶穌係遇埋你重覆犯罪, 若你肯悔犯, 都會赦免你的罪
不過, 通常個 d 重覆犯罪跳出跳入的慣犯, 大部分最後都係唔信主 (有剛硬的心 ) : 既然神不會懲罰我, 我再來！
咁佢嘅後果 (因為佢最後決定選唔信繼續犯罪, 個重點係唔信主個度)
唔信神, 今次就係死路一條, 打入火湖
呢個就係神的法則 (憐憪勝過審判) 寧可原諒你好多次, 你最後決定唔信就會審判

無錯, 應該係要咁

算誇張 anyway 多謝巴打解釋

你要求一個為成就選民出埃及，可以殺死全埃及人長子既神主持公義？

埃及人/法老幾次不聽神的勸告, 一定要留以色列人係埃及勞役致死唔放佢地, 佢地有咁嘅下場實屬自己揀嘅

做得耶撚都係智障， 邊會識得分？

對住個正文答漏左標題問公義果part，容許我補充下

坐監/死刑，基本野啦，既然佢活係有地上法律既地方，當然應該受返相關制裁，就算冇人搵到佢，佢都應該去自首，尋求係佢身上既公義。

雖然我冇相關既經驗，我都聽過牧者分享探監，尤其講到當探死刑犯，佢地係好難信耶穌，因為佢地心諗：我咁差咁衰貼晒地，有乜可能神會咁都會接受我？

其實神既公義，在於消滅邪惡本身。佢最想唔係消滅惡人，而係消滅惡人入面既惡，救返個人。

詩篇25:8
//8 耶和華既良善又正直，他要指示罪人走正路。//

殺人係好容易，但係醫人係好難。
離婚係好容易，但係再互相信任係好難。
KO個殺人犯係好容易，但係要個殺人犯同死者父親和好係好難。
十字架既大能，在於神令到後者發生。

有冇留意聖經講法老有幾多次心硬？
有邊幾次係法老自己心硬？
有邊幾次係神令法老心硬？
個次序係點既呢？

其實仲有一個更加重要既問題，就係「耶和華係邊個」？（出埃及記5:2）
法老一開始唔知，最後就知。
埃及人一開始唔知，最後就知。
以色列人一開始唔知，最後就知。

我一即嘅理解係聖經入面最大罪
應該係背叛神唔聽神講
(亦都從此開啟咗人嘅罪性 殺人呃人不斷反覆拜偶像）
其他罪有啲重啲有啲冇咁重
但係對比起呢樣嘢都係「微不足道」
因為都只係罪性嘅衍生物
所以只要你肯同神重修舊好（？） (接受救恩）
就變相「抹走」咗呢啲罪

利申：接近睇完歷代紀志上