自修IAL-歡迎討論

唔知有冇其他人都係自修IAL？
18歲純自修
5/6月仲有一個試要考 之後就可以順利上大學
到時英國見！！
Business management 英國有咩大學返到香港唔會乞食？

你自修IAL有咩心得？
利申：想自修Econ但唔知點開始第一步

你打算係跟咩board? Edexcel? CIE?
我呢三科AS-level上年一月開始讀之後上年10月考嘅，我自修嗰啲書有一啲就喺書局買，之後一啲就上網買嘅，普遍嚟講以我觀察Edexcel 嘅書書局係多啲，沙田商務書局好多，之後如果要搵CIE嗰啲嘅話尖沙咀商務書局或者旺角嗰間都比較多。如果你係打算跟Cambridge嘅你基本上就淨係買佢嗰本自己出嘅econ書就得，入邊基本上有晒全部嘢，practice question exam style question 全部都有啲。同埋我之前睇過佢一份卷60分滿分econ你攞20幾分就有A。不過啲人同我講話難攞分，有恆心嘅話半年可以搞掂晒全部內容之後去考試（睇吓你同一時間打算讀幾多科，不過你如果淨係讀一科嘅話真係半年應該OK）

同埋巴打學寫文真係好重要!!!!我冇讀econ所以都唔係100%清楚，
但係寫文其實都係跟一個structure:
Point
Evidence
Explain
Zoom/ link
不過當然你都要睇吓嗰條問題係幾多分而定。
詳細你可以上YouTube睇，好多教寫essay。
同埋之後我係喺考評局報名考。

我嘅心得基本上就係每日都要溫啲咁樣
唔可以懶，每日比自己定目標，之後到考試一至兩個月之前就基本上要讀晒全部內容寫晒notes咁樣，最後嗰一兩個月就用嚟複習返所有內容加做past paper qs，最主要你英文底要好

lm

你讀咩？

打算考會計科，因為無咗LCCI

我打算跟Cambridge
其實係咪靠YouTube教學都足以拎A？
同埋佢哋出題難度係點㗎？

主要係跟本書，YouTube嘅內容係輔助
難唔難嘅話主要都係睇你本身能力，你本身DSE英文攞幾多？有冇econ底?不過我自己本身讀嘅呢三科都冇底嘅，全部都係無師自通。
學習內容就跟本書，然之後點樣答題或者增強記憶嘅話就可以睇YouTube。

不過我可以答你我自己嘅話全部都係跟本教科書讀之後適當嘅時候做吓practice question或者past paper，間唔中睇吓YouTube或者Google search咁樣。以我本人嚟睇係足以可以攞A。

多謝分享
我英文得3，Econ拎4，夠唔夠應付ial課程？

當初點接觸到ial
點解最後自修？
英文底子如何？
點解選擇呢啲科
sociology 都算幾冷門

夠啦

https://www.physicsandmathstutor.com/
大推pmt, 免費notes, past paper齊曬, 不過理科為主

我英文唔會有問題，因為由細到大英國讀書，考GCSE嘅係因為屋企有啲問題所以先返咗香港，我本身數學唔叻唯獨是寫文ok，所以我揀嘅呢三科都係essay based，巴打你呢？

但係佢都唔係全部科有，我而家讀緊嗰啲唔知係咪因為比較冷門所以都唔係全部有
巴打知唔知道有冇啲係有business, sociology 嘅？

講真其實我覺得你寫文嘅時候個意思達到其實就已經可以有分當你英文可能真係唔得嘅話，
當然如果個英文底好就會多啲着數

Econ背曬pp就基本A到
自己econ A

我？數理人

你gcse考咗幾科？
alevel 考試使咗幾錢？
完全自己溫？

A-Level完全自己溫，無師自通，GCSE考咗好似9科定唔知10科至於A-Level考試洗咗1萬2000幾。