[一月原創變身番]BONES 25周年紀念作 METALLIC ROUGE

首OP有全首字幕，終於知佢唱緊乜
https://youtu.be/dh1JGw1Sa6s?si=hHkbM_a-0Y_iThSH

咁就完咗

爛尾

https://www.youtube.com/watch?v=zvkSq9SndRk
到底套野算唔算爛尾都好難講，但BONES今次確實比較令人失望
做多半至一季長度拉長d野講唔係好好多咩
仲要N年前套超人幻想其實都差唔多玩法，結果開到兩季長度即刻好睇哂

阿爸搞咁多野其實都只係想做到神明咁，並利用I9觀察同改變世界、仲要玩弄所有人的記憶，甚連阿妹個身體都做埋佢backup
呢樣反而係更進一步違反大家想要的自由所以引到剩低的都打佢
女主打唔贏就同眼鏡女個核心搞融合做新形態，但只能話正面真係好醜
感覺呢段打戲先至係好多人想響套野度睇到，不過都係太遲先有
焗住打爆埋妹妹之後真黑幕出埋黎，正常都估到班侵略者肯定會有位搞事，所以阿哥做左預防措施都算係合理
不過假略者們無兵隊都仲係要搞侵略，一係就整多一兩集啦

所以套野其實算係有潛力，但集數唔夠而迫埋d野黎講反而就搞到成個架構太亂同太快，變左應該有的感覺都感受唔到
BONES今次算係炒左車

套野除左音樂ok同小倉唯多左個唔係蘿嘅角色
其他都想當冇睇過套野
後期連作畫都爛埋

認同兩個主要女角嘅Bonding刻劃得好麻麻
令到上集黑妹將核心俾女主
同今集黑妹話"我地唔會分開" 都冇乜Feel

中間太多集分開行動又剩了
又冇經歷過啲乜........

反而"細妹"出得咁少
反而仲有feel啲
臨尾女主喊住話你係我真妹妹果度唔錯

本身成套嘢個劇情發展, twist都太大路同似曾相識
節奏偏慢同悶
咁少noise咁少人睇都合理

臨尾個二次合體形態核突到
cls架!!!!!!!!!!!!!!!!!!!!!!!!!!!!

劇情唔掂
睇得出個故事想講女主角憑自己意志解決九人眾事件，順手解放涅安
但情節安排根本睇唔出女主角有自由意志
女主角一開始聽從命令對付九人眾，之後一路打打打，順路打到去老豆到再隊冧埋老豆，有邊件事體現出女主角有自由意志？
淨係得把口講話自己係自由

結局又一大堆老土橋段
老豆係boss，阿妹畀人操控身體犧牲，女主角合體新型態，女主角喊口號宣稱自己係自由
老土到爆，一路睇一路笑

想問下首戰鬥bgm有冇full version
幾好聽

果然3套最下位
勇氣爆發良作
s唔知乜平穩落地 都叫有女睇
呢套直頭講古都有問題

炒車了
最終型態不敢恭維

呢套野真係痴撚線
舖左十一集
用一集半爆個老豆出黎
將d本身已經寫得無咩深度 但又要扮有既
「自由，命運，自己，拍檔」主題一野打爛哂
求其講幾句話 哈哈哈 你d記憶假架
你地全部整出黎 都係我諗好哂架 計劃好點做點走
然後兩分鐘個老豆都死撚埋 兩個無故仔既拍擋講兩句就話合二為一 又話永遠係個心到 屌你叫口號咁

套野真係爛撚到癲 個世界觀同個故仔係0關係咁濟

到底bones 係留晒力搞我英？
定係開始衰落？

今時今日做得衰撚過啲異世界爽片唔容易架

咁我寧願睇呢套好過睇異世界爽片
反正D廁紙改編你都基本上之後會點發展

S 唔知乜係指邊套 ？

s唔知乜 noir

又真係google到個名

Noir okay 算中上作品啦
睇女，聽歌

有展開劇情 （謝爾/Noir)

套野真係完全稱唔上好睇
前期設定鬼咁複雜又冇咩解釋
又多專有名詞 敘事方式又唔有趣
中間真係睇到恰眼訓

覺得佢想扮cowboy bebop 用簡短對白 同 世界觀去引出人性同人物故事
沈重得黎偏慢既敘事方式
但佢呢套作品出到黎係得個慢字
無沈重無思想 無深入探討
就算唔探討人物角色 剩係計主線劇情都交待得唔好

頭幾集刻意將九人同主角用和平方式相遇
但當中竟然係無任何思想碰撞或者了解

去到最後打交既時候都只係變左為打而打
收到order 做野

完全刻畫唔到每個角色既理想/主義

無論打戲文戲牛仔都屌打佢
最後個下：
到而家都仲記住
相反呢套岩岩睇完都唔覺有咩深刻場面

單睇某啲分集其實唔算咁差，大概都知道描寫緊一個點嘅故事
不過同星際牛仔個分別係，《星》係用角色引入世界觀，呢套係用世界觀解構角色
就好似將個小學生拋入浩瀚宇宙，Spike呢啲又魄力嘅男人就更顯魅力，Rouge呢類型就好易迷失
當Rouge問自由係啲咩嘅時候，其實潛台詞係佢只係唔知應該如何行動，對於無點失去過自由嘅Rouge嚟講，最後得出嘅係結果論都係比較淺顯嘅理解，亦係套作品有啲可惜嘅地方

終於睇咗最後一集
屌，根本呢套野應該做兩季
第一季打到去博士
第二季講埋code eve之後社會變化，淨低嘅immortal nine何去何從，同外星人開片

明明之前啲集數節奏慢，但真係唔算差，而家係最尾一集超加速超展開 最尾個「大戰」更加係莫名其妙咁總結套野