邱傲然《Alright》誕生經過
「我想做一首歌…」
Tribute to Bon Jovi Bass鼓錄音一take過
虎仔彈結他 虎妹彈琴
天衡：做到大家心目中想做嗰樣嘢
#MIRROR 演唱會舉行前，12位成員終於儲齊「solo卡」，包括隊長Lokman #楊樂文 、Alton #王智德 （德爺）、Tiger #邱傲然 （虎仔）及皮皮 #陳瑞輝 （Frankie）同步出歌。一日出四首歌，突破MIRROR於2020年安排Anson Kong（江𤒹生）、Jer柳應廷及Anson Lo盧瀚霆三子同步出歌的紀錄。
【小虎隊設巴士及燈箱廣告應援】
今次 #文德虎皮 四首新歌分別為《 #如果電話亭 》（文哥）、《 #非物質文化遺產 》(德爺) 《 #皮思苦 》（皮皮）及 《 #Alright 》（虎仔）。Fans全力應援，集資宣傳， #自己個仔自己撐 。
#小虎隊 先推出巴士及燈箱應援，MIRROR團con期間於亞博設《Alright》燈箱，「 #阿虎好ALRIGHT巴 」則調動作散場特別車 (A11/A21/A22/A29），日常行走619路線（來往中環至順利）。至於其他應援項目更新，請留意各FC公佈。
【「好多嘢好像力不從心重，好像很荒謬」】
MakerVille於新聞稿表示，四首新歌MV將於稍後才推出，大家可於團con率先欣賞live演出。此前四子曾拍攝短片，略談solo背後msg，更多感受或留待演唱會分享。虎仔談到《Alright》說的是入行五年心路歷程，「一啲人一啲事，有感覺嘅人睇咗就有感覺。」
《Alright》由天衡包辦作曲、編曲及監製，Oscar填詞。天衡是虎的結他老師，一日上完堂，虎忽然說想做一首歌，天衡說好，又問：「如果你而家只可以出一首歌，或者你人生只可以出一首歌，咁你最最最最鍾意邊首歌。唔好諗首歌會唔會大賣，全部都唔好諗。」隔了一天虎send了 #BonJovi 的《Always》給他，說這是他最喜歡的歌。
虎寫了一篇文，提到人生一些低潮：「好多嘢好像力不從心重，好像很荒謬，想改變但又改變不到。我沒有天份，我不聰明，我沒有必殺的技能，好像走到今天都是靠運氣。我不認為我會做到世界中心，但我相信有看到我的人，亦感恩有我身邊的人，我的兄弟，我嘅家人，我隻貓（哈虎），他們令我放下了不如意，放下了壓力，說說笑喝喝酒，彷彿便逃離了現實。」
【演奏一take過 虎妹負責彈琴】
Oscar表示《Alright》是虎想多謝一直支持他的人——除了家人兄弟，還有小虎隊。天衡做好demo，虎聽完很喜歡，開始著手埋班。天衡說《Alright》既然是tribute to Bon Jovi﹐「好多rock band都係全隊band一齊錄，一take過，我話不如試下。」
鼓手阿康是大學生，天衡之前看過他的IG片段，覺得他很有火。「另外又搵咗個外國鼓手畀虎仔揀，因為鬼佬打一定係好鬼佬嘅聲，虎仔聽完之後話鍾意香港嗰個多啲。」Bass手Sora（ #陳羿辰 ）也是天衡推介，「Sora做爸爸之後，個人感性好多，我覺得for呢首歌，好啱數。」
天衡做好編曲，交給樂手們練習，bass跟鼓必須同步，一take過錄。他們去了 #ChapmanSo（蘇卓文）的Battle Stage錄音，Chapman本身亦是錄音發燒友。當日虎也去。至於鋼琴部份由 #KellyYau 負責——Kelly即是虎妹。
【虎提出彈solo部份】
至於結他部份，intro、solo、outro左邊的結他聲都是虎自己彈﹐其餘由天衡負責。「我問佢，首歌有幾多part你想自己彈番？虎話想彈段solo，」天衡即教他相關技巧，又提議不如由虎彈埋intro、outro，結果最後三段都由虎自己彈。
《Alright》屬慢歌，天衡說沒考慮太多市場因素，「做咗呢行幾年，發覺根本冇得計算，計算嚟都冇用。咁點解唔喺有機會做音樂嘅時候，無論我定佢（虎）定其他人，用呢個機會做自己最想做嘅音樂呢？」Backing vocal大合唱共有五人，錄了十次，全都是天衡的學生。因為大家都做足功課，所以錄了個多小時便完成。
至於錄人聲——虎唱歌，天衡笑：「第一日佢偏緊張，錄錄下又放鬆番。可能因為第一日擔大旗唱晒成首歌。第二日好多take都錄得好好。」他還請來了合作無間的mixing engineer #JayTse ，天衡認為由對方做這首歌最適合不過：「首歌就係要咁old school嘅mixing，佢都好懷疑問：係咪真係要咁搞呀？到最後出到嚟，虎仔又好開心，我又好開心，因為做到大家心目中想做嗰樣嘢。」
#娛壹