一開始只係上女朋友屋企見下家長食下飯。
跟住因為想見多少少面就索性搬埋上女朋友屋企住唔駛成日好似Long D咁（我住柴灣佢住粉嶺）。
咁初時都幾sweet嘅，出去拍拖睇戲食飯返到屋企又可以為愛鼓掌。
佢對我都好好，會手製禮物圍巾俾我又成日煮飯俾我食。
唯獨係一齊住之後發現佢真係好黐身。
係黐到做乜都要一齊，我自己坐梳化碌下youtube打下手機game都會黑面果隻。
就連有陣時我話想返去屋企住幾晚陪下老竇老母都可以搞到佢唔開心（我老竇老母得我一粒仔
）。本身佢有少少抑鬱，若果唔順佢意又會發作大喊跟住話要去跳樓自殺。
搞到我都唔係好敢同佢提自己感受。
本身小弟小小毒，中意打機砌下模型，閒時會約friend出去騎下roadbike，但自從同居之後真係好少再有機會做自己鍾意做嘅嘢。
我越嚟越覺得自己好似賣咗身俾女朋友，入贅咗佢屋企咁。
佢唔發作個陣真係小鳥依人，而且佢屋企人又對我好好當正我親生仔咁。
我真係好怕到時搞到人哋個女自殺或者自殘，人哋冇咗個女我真係賠唔返俾佢哋，但又唔想拍拖拍到冇晒自我咁款。
講真，如果唔想分手，仲有冇乜嘢辦法可以同佢溝通
。
分手包平安
