我返兼職話有事當月返唔到工，因為我係月尾入職，公司有規定一個月返16日或以上就會直接加人工，其實加完個時薪都好低，但我入職個日計到月尾都無16日，所以就打算下個月先返多啲，反正仲有好多工可以返。 同埋提早入職都方便之後報更。
之後個經理好似痴咗線咁係咁話，你淨係挽唔返工，話咩返得少就會無錢用，仲會被失蹤，之後唔會有更俾你。
但我由頭到尾都無講過唔返工要去挽，我只係講有野做返唔到，但佢就一直嘈，重復再重複講類似嘅野。
之後我頂佢唔順，我話麻煩到你真係唔好意思，你俾我離職我下個月返黎返夠16日俾你。因為佢係咁講返唔到16日好大件事，你唔可以咁樣返工！之後佢話咁又唔洗，再入職好煩。但我好想佢我簽紙離職，我頂佢唔順，佢好似壞咗嘅鸚鵡好嘈。
個經理好似個腦有問題咁，佢長期情緒失控，俾佢上司話完就係間店走黎走去喃喃自語話個上司有問題。
事後我好認真咁同佢講真係唔做，佢就周圍同人講我係痴線、無腦同唔識計數。
大家有無咩經歷可以分享下，等我提早感受下，有定心理準備去面對。