4. 使用穩定既網絡
一寸長一寸強, 電腦同網速都會對搶飛有幫助, 我試過係飛機買WIFI搶飛, 由於wifi只有3G速度, 實在慢到咩都load唔到, 正常人一秒load到個page但我要3,4秒, 結果全程load空氣的比較多。
5. 無位唔緊要, 一日未到售罄唔好放棄
除非你可以在開賣時立即入到網站, URBTIX, KKTIX可以做到一開始就賣晒, 否則hkticketing, cityline等等賣幾粒鐘係好平常既事, 到你入到網站好多時候會show到所有位畀人hold住, 呢個時間唔好灰心住, 因為無論urbtix, kktix, hkticketing或者cityline我都見過佢會放返D位出黎賣, 只要你keep住在限時之內chok飛既話, 其實有可以chok到飛出黎既。
https://www.youtube.com/shorts/zDnJoIVRN8I
另外好似KKTIX開賣係秒速賣晒, 開始賣晒唔駛灰心, 因為KKTIX會KEEP住放飛出黎, 大概每15分鐘整點放出黎。只要你keep住chok既話, 係KKTIX都可以CHOK到飛出黎。
6. 留意網上群組資訊
有時演唱會係邊到開賣, 或者有無加場, 特別加售資料你無可能24小時MON實, 呢D時候留意下各group會有幫助。或者開賣時同路人會分享資料, 對於搶飛都有幫助既。
7. 各大網站防BOT機制
所有網站都有各自防bot處理, 為既係避免黃牛BOT癱瘓到佢地既server, 但係好多時會錯殺平民, 如果你好耐都入唔到網站, 車尾燈都見唔到, 可能係你當佢當咗做BOT block咗...
URBTIX
以urbtix為例, 假如你畀佢block咗, 就會show呢個畫面, 結果只會不斷係呢個畫面輪迴, 出唔返去演唱會輪候網頁, 大概會畀佢block十幾二十分鐘, 佢會block同一個IP既機, 例如其他用同一個wifi既PC或者mobile。好多人話urbtix click多D會畀佢彈走, 我就做咗個小測試用電話既browser快速咁禁飛, 結果重複咁禁咗半分鐘就畀佢當咗bot...
https://www.youtube.com/watch?v=lkBdD_nZwz0
要避免被urbtix block一係唔好click得太快 (其實ON9既搶飛梗係要快), 一係就用urbtix既手機APP搶飛(用佢個APP就禁幾快都無問題)。
HKTicketing
另一個係hkticketing, 佢唔似新URBTX可以一下賣幾萬幾張, 賣飛速度同可以容納到既人少好多, 所以會因應人流有唔同block IP既策略，好似下面既圖片全部都係block IP既情況:
出現以上情況唔一定係你用咗BOT, 佢覺得你可能係BOT就會咁。解決方法好簡單既, 通常F5 refresh一下就可以, 唔得既話清一清cookies, cache, close個browser重開返就可以。
個人經驗試過係外國搶飛, 開頭都好順咁load緊排隊頁面, load load下就彈error 16個message, 點F5都是出error 16既錯誤, 所以我就知hkticketing因應流量要封外國IP。面對呢個情況, 一係用VPN轉返香港IP, 一係用香港電話卡開漫遊數據。
另一個hkticketing會出現既防BOT就係驗証砌圖, 正常urbtix, hkticketing, cityline都會隨機出現驗証砌圖或者recaptcha https://www.google.com/recaptcha/api2/demo
如果你出現不斷驗証既情況, 就要諗下有無開咗自動軟件畀佢當咗BOT。最簡單一係清cookies, cache, close browser再開過, 如果唔想close browser既話一定轉IP或者開VPN。
https://www.youtube.com/watch?v=nvM1H6ckj8A
HKTicketing blocked咗既話我覺得幾君子, 起碼你會知畀佢block咗, 另外block既話係block果別browser, 通常10幾20分鐘之後會解block。
Cityline
最後要講既係cityline防bot機制, 老實講我都唔知cityline既防bot會係點, 因為佢個輪候頁面係無網絡都可以keep住load落去, 換言之你可以一直load空氣而你係唔會知既。所以cityline最乞人憎係一係好易入, 一係永遠都唔會入到。之前miro場我係到售罄都入唔到, 但公售既時間開始我都入唔到, 到發覺唔對路之後轉IP, 就發現好易入到了, 仲要入完之後不斷入到。
https://www.youtube.com/watch?v=SmsY_bcI0aI
另外cityline裡面用自動軟件或者click得太快, 幾分鐘之後會變咗load空氣, 連正常有位既飛一張都唔會chok到, 直到10分鐘之後timeout, 所以遇到cityline賣飛大家都係自求多福。遇到10幾20分鐘無反應就轉下運, 因為佢係咁多間網站最小家, block咗你都唔會講既。
8. 應唔應該用BOT?
個人認為就唔好用那, 因為宜家好多網站都左改右改防BOT, 好似新URBTIX其實係鬥手速鬥快答問題, 你用BOT只會拖慢搶飛速度。同埋見我剛才分享各大網站防bot, 用BOT只會加速自己被block機會。
如果真係用bot, 前題係起碼有少少電腦知識, 我自己都係自學寫script, 都有試過買bot, 亦有用過免費bot。課金既話, 例如有手機APP既KKFLY, 不過勸大家睇下廣告就好了, 因為一來佢地只support到hkticketing, 二來宜家無心經營, 玩下個APP就算了。
如果係免費BOT可以search下台仔既maxbot, 佢主要係寫黎搶台灣既show, 但有support埋香港既網站。不過如我開始講網站係不斷改版, 宜家唔係太support到香港網站了, 我試過近排各大網站用幾下就會被block。不過台仔幾有心經營, 呢份誠意都值得支持。
9. server down唔緊要, 因為全世界同你一樣
遇到熱門show開賣, 網站成日都會server down入唔到, 遇到咁樣其實好正常, 你入唔到其他人都係入唔到，畀D耐性遲D就會順返。
總結
簡單總結一下, 由上年買飛望車尾, 到宜家搶飛大概有一半機會搶到, 如果有耐性多D 睇下group總會搶到飛既。Urbtix既話主力用手機APP鬥快答問題搶飛, hkticketing儘量開不同手機, 電腦browser搏機會, cityline就等運到。
2024祝大家都搶到想睇既show
樓主都on9