緣份塔羅占卜~ (2)留低你嘅煩惱

如果同前度唔係分開太耐的話，可以嘗試，抽出嚟嘅牌見到你地都係相愛的，如果嘗試同佢溝通解決你哋之間嘅問題係絕對有機會一齊返，要好真誠同對方溝通聽對方講嘢。
諗吓自己係呢段關係之中需要啲乜嘢，直接同對方講自己嘅要嘅嘢，例如係想得到對方嘅關心等等，而同對方溝通嘅時候一定要聆聽對方嘅訴求。

題外話會唔會係呢段關係你嘅控制慾太強令到對方唔係咁舒服？如果有呢個情況出現，建議你改善一下自己嘅問題

先冷靜理性地分析一下你哋呢段感情，到底自己做錯嘅嘢係咪真係會改，例如你講對佢嘅承諾冇做到，假設你真係想繼續同佢一齊咁你會唔會改善自身有嘅問題？你女朋友應該比過好多次嘅機會你但係你都冇改善令到佢一次又一次對你失望，如果想挽回呢段感情有機會，但係睇得出佢已經係賺夠失望而離開你，如果你唔係真誠地去改的話呢段感情就冇辦法挽回到

幫你開牌睇咗兩份工
首先你要問下自己到底你想自己嘅事業之後係得到啲乜嘢係金錢成就定係開心？而家呢一份工對你來講係咪已經唔滿足？認清自己嘅需求同埋慾望你自然會作出選擇，上一份工如果返去的話見到前景都唔錯

而而家呢一份工其實見到你之後嘅發展都會有停滯不前嘅感覺，同埋好似冇咩太多上升嘅空間

如果轉工的話，都係幾好嘅發展

感情唔係太順利，對方可能背負着好多壓力喺呢段關係入面，而佢都係有一啲逃避問題嘅感覺，有機會想喺呢段關係中抽離，甚至離開你，即使佢冇諗過離開你你哋段關係係出現咗問題需要解決，如果暫時未發生就要好好審視過往一齊期間大家有啲咩問題坐低傾吓

我見到對方其實已經有想走嘅心態，如果你係唔想分開就要想辦法解決你哋之間嘅關係，坐低傾吓了解大家嘅需要，你哋之間應該比以前多咗一啲隔膜好似冇以前咁親密

復合機會唔大，呢一段時間係你比自己休息放假嘅一個好好機會，上一段感情係係你其中一個人生學習嘅階段，雖然你可能會好沮喪好唔開心但係唔好收埋自己，亦都唔好迷失自己，唔好推開身邊嘅朋友，佢哋嘅安慰同支持都係想幫你，唔需要為上一段感情而感到難過，每一段感情都係學習嘅過程。放低上一段感情之後可以檢視返呢一段關係大家嘅缺點，而你亦都可以透過上一段嘅感情幫助自己睇清楚同埋搵到自己想要嘅伴侶

好的，謝謝你，又真係中咗講得好啱

多謝樓主
其實成件事好突然，我到而家都未接受到
見到你話機會不大好sad

明白晒唔該

謝謝大師,我會努力

我覺得我好似已經遇到你講個個人 因為佢真係比我感覺係無拘無束 唔鍾意俾人束縛住咁樣 其實我自己都唔清楚對佢嘅諗法係點 因為我同佢相處得耐咗 真係感覺到一啲我重視嘅價值觀有唔同 所以令我有啲卻步 同時我又好好奇佢到底係點睇我地嘅關係

依家同佢每星期出街，都有講有笑嘅，但係唔知佢背後點諗我
我會再睇下，如果啱timing都會嘗試一下同佢一齊
麻煩晒你

hi ?

有喺ig度inbox你 推一下

而家嘅你喺愛情上面比較冇目的 你未搵到自己喺愛情上面需要啲乜嘢 身心未調節好搵到合適嘅伴侶機會唔大 你喺識對象之前建議你認識一下自己先 例如係擇偶條件等等

同埋見到你都覺得係愛情呢段路上唔容易，會唔會係受家庭環境影響而令到你嘅心態同其他人有唔同
建議你可以暫時離開一下自己嘅comfort zone 咁你先可以了解真正嘅自己

唔知你之前有冇諗過自己搵唔到工嘅原因 我見到你嘅情緒出現咗一啲問題令到你思緒好混亂 導致你阻礙自己搵到工 會唔會係過往有啲咩影響你或者好驚踏入呢個社會

嚟緊你都會搵到工亦都會變得穩定，工作上唔錯
唔好為之前嘅嘢失落或者唔開心，嚟緊係一個新開始好好發展！

半年來拍拖機會唔大，唔知係咪過去嘅影響我見到你係對愛情有小小嘅恐懼，而你未完全克服到，但你係愛情觀上仍然都係好正面，不過可能因為你一直都未識到啱嘅人所以你會開始懷疑自己。建議你可能要聆聽一下自己內心嘅諗法，到底你而家搵緊嘅人係咪真係自己鍾意，無論你鍾意邊一個，身邊嘅人都會好支持你，唔好忽略你自己內心深處嘅諗法。亦都唔好懷疑自己搵到一個合適嘅人唔容易但係你可以。

Btw會唔會有機會係性取向嘅問題？我都係第一次睇到塔羅牌反映出俾我聽可能係關性取向事
最後兩句我都想知會唔會係我睇錯🥹

暫時未見到，建議你可以改善一下自己嘅心態咁樣先可以搵到適合你嘅伴侶。唔好未拍拖就先驚分手，可能呢一種感覺係你未察覺到，但係見你應該曾經受過傷害，過去咗嘅嘢就由佢過去，否則唔會開始到一段新嘅戀情，克服左個喎你先可以有一段好嘅愛情，呢個都係你其中一個成長嘅階段

我見到對方係比較佛系一啲嘅，唔會話想亦都唔會話唔想可能係需要你嘅主動，呢一段關係入面你要好識拿捏每一個過程，佢可能只會俾一次機會你，你要好識得把握機會/時機先有機會一齊，因為佢都係感覺型。唔好太固執睇你本身已經plan好嘅嘢，舉個簡單例子，可能係你想約佢出街睇戲但係佢當刻可能唔係想去睇戲而係想同你單獨食飯，但係你有冇察覺到的話可能就係失敗嘅原因。呢段關係唔容易但係加油！

呢段關係見到遇到好多困難，不論去哪裏都同對方好好傾吓，唔知會唔會係你工作上或者生意上嘅合作夥伴，假設真係決定分開就好好處理事業上嘅嘢。

其實你哋嘅關係曾經應該唔錯，大家都愛對方，不過可能希望越大令到而家嘅你覺得好攰好失落，已經唔想再喺呢段感情上面嘥時間，呢段感情上最缺乏就係承諾，我見到你同佢之間好似係有好多錢上面關係，現實問題想你哋解決唔到亦都會影響到你哋嘅感情。可能你哋已經係溝通過但係達成唔到共識令到而家嘅你好挫折好想放棄。

如果真係覺得好痛苦可能放首大家都會開心啲

我見到你之前嘅關係都唔係和平分開，而家嘅你會覺得好孤獨同好寂寞，你會渴望有愛情但係搵唔到你想要嘅嘢，呢一個係你成長嘅一個階段。

唔好再沉思喺自己嘅世界，原諒自己原諒其他人對你自己嘅心態都會有幫助，釋放最真實嘅自己，咁你就會變得好成熟，你先可以搵到一個你理想中嘅伴侶。心態上嘅改變係最大可以幫你嘅愛情道路上