好似永遠還唔完咁

是咁的，小弟之前理財失敗差銀行7萬卡數，依家每月還緊mini pay，但最近發現好似頂唔順，連mini pay都唔係好還到/還左都好似冇還過咁，想問下有咩方法搞掂佢，依家每個月還緊2000幾mini pay，兩張卡都爆爆地，好驚比屋企人知道，本身諗住問frd借但frd都好窮，依家都係盡力搵緊full time，返緊啲工係出現金既冇入息證明白

幾皮都搞唔掂，遲D你返全職會差得仲多

學生？

min pay 利息好甘？

甘，唔知樓主點還

還還下覺得都幾甘，每個月還左mini pay之後好似冇還過咁

咁點解唔還多幾百一千

你月入唔穩定？

本身份糧唔多，平時返工車費雜項都多，加加埋埋份糧都唔夠比，當我發現咁樣落去唔掂既時候條數就愈黎愈大了

七皮嘢但keep 住只還min pay
啲息會唔會仲勁過你借嚿錢返嚟還咗去再攤嚟還

淨還mini pay好似無還個本金咁，還到幾時都還唔完

4-5k咋，本身諗住之後返full time應該還到，點知拖拖下就變成咁

是旦搵篇網文已經解釋俾你聽點解長期還min pay = on9

假設結欠1萬元卡數，以每月只償還最低還款額250元，年息35厘計，即使期內再無任何新簽賬，亦要97個月（約8年）才還清，而最終還款額近2.5萬元，意味單計利息支出已達1.5萬元，是本金的1.5倍。假設要於3年內還清卡數，卡戶每月至少要還款432元，最終還款額逾1.5萬元。

很多消費者為了減小還款壓力，都會選擇還Min Pay(最低還款額)，但其實還Min Pay是糖衣毒藥，壞處多多。第一，Min Pay 利息是以複息計算，年利率高達36%，而且Min Pay還款會先用作繳付利息及財務費用，最後才償還本金，清數遙遙無期，全期利息隨時多於本金。第二，如果卡數一直累積，卻長時間只還最低還款額，有可能影響你的信貸評級。財務機構見你不能還足全數，亦會質疑你的還款能力。第三，當你選擇還Min Pay，除了要負擔高昂的利息支出，所有新增簽帳、已有的免息分期交易、及信用卡自動轉帳(例如月供保險)等都會即時計息。

但問題係我依家冇入息證明唔知邊度借，full time 又未搵到住

樓主淨係還min pay，到最後個還款總額隨時去到20萬以上

不如講下點解差7皮先再教你

咁我依家應該點

我估都係賭錢
借錢炒股輸哂

全部卡數黎，兩張卡各35000，係之前失業冇野做慢慢累積出黎

未畢業？做乜洗咁多錢？

搵份餐廳full time做住先囉 起碼唔只4-5k一個月 18歲有手有腳就做得

懶就懶，當你番學其他時間番PT 送外賣啦

卡數淨係還min pay，係個人理財最弱智嘅行為 (沒有之一)

畢咗業，之後反IT壓力太大搞到有啲情緒病，之後一直無搵full time返，有啲陰影，搞搞下過左4年就變成咁