話說小弟同朋友就喺荃灣某一個私人泳池做老救
咁平時都唔算好多人游水
所以大概都認得會落嚟游水嘅住客
而大部份住客都非常有善 好有禮貌
除左一個人 阿游水教練（下稱教練）
先講講個泳池
個泳池平日就由晏晝開到夜晚
中間分開左上下兩節 每節三至四個鐘
個池25米乘10米左右
由左面淺水1米3去到右面深水2米幾咁
咁教練就差唔多日日都落嚟
每日都有唔同學生
咁點解會覺得佢唔好禮貌呢
一嚟就係平時語氣唔好 呼呼喝喝 好似好睇唔起我地救生員 覺得自己游水教練好高級咁啦
二嚟就係因為佢得閒無事教教下水又會睥下我地
個頻密程度大概半分鐘又望一次咁啦
我地就無話你唔望得 畢竟我地老救都成日望住個池望住泳客
加上人少 可能佢都覺得我地成日睥佢
而且我地有時都會細細聲笑下佢教水方法咁（呢個下面再講）
所以佢可能因此而唔鐘意我地
咁重點嚟啦！
今日 有個阿媽阿婆帶住兩個細路落嚟學水
一個4歲 一個6歲左右 好細個嘅
我地就第一次見呢兩個學生
上面提過我地成日笑教練
因為我地覺得佢無料扮四條
無家長睇嘅時候就叫學生鳩游 自己喺個池hea下咁
有家長睇就大大聲咁教 驚死個家長唔知你教緊咁 又賣哂口乖成日同啲家長講下笑
同埋自己都游開水 對於佢嘅教法真係不敢苟同
例如教個中一有游水底嘅細路 佢都係堂堂淨係執姿勢 少少操水嘅環節都無
但對於今日嗰兩個細路 佢就有唔同嘅做法
可能平時其他家長都比較友善 唔會點強迫仔女操水
因為佢地普遍都細個
而今日個阿媽就比較嚴格 可以話有啲過火
咁細路仔游游下會停下都好正常
但個阿媽就會好惡咁屌佢地
甚至掉佢地去深水區 浸幾秒又捉番起咁 不停重複
個細路唔想游走上水 個阿媽又會踢番佢地落去
無錯真係用腳踢
好啦咁個教練可能知佢阿媽比較嚴
自己就開始變惡啦
平時佢都唔會咁惡咁大聲
今日佢起碼屌左個細路廿幾三十次
當細路唔游 教練又學個阿媽咁掉佢地去深水區浸
而且係更大力掉得更遠嗰隻
游得唔好又除佢地泳鏡
最過分嘅係 佢有一次好撚兇惡咁攞個夾腳浮板一野車落細路個頭到
個浮板反彈左成米幾兩米遠
我同個fd當堂o左嘴唔知比咩反應
原來宜家游水教練可以咁樣虐待啲細路？
個細佬都好啲 個阿哥游完一個堂又一個
不停游左好多個來回 見到佢好攰
連想去廁所都比教練㩒住唔比去
偷偷地上到水又比阿媽踢落水
阿婆喺隔離無阻止之餘 仲加把口叫佢繼續游
真係登個細路慘
所以今次係想問大家其實個阿媽同教練嘅行為算唔算虐兒？
泳池個cctv應該有影低佢地嘅行為
緊係算虐兒啦 咁撚仆街
正常操水姐 唔打下點識大
