我之後行左落第二條路，個女人又追上嚟話咩要同佢道歉，我心諗條友係咪碰瓷，我話你都黐線，隻狗又冇掂到你又冇影響到你，你自己嚇親我道咩歉cls，我就唔理佢繼續行。
然後行行吓，無啦啦個女人追住我又掹住我件衫，話咩隻狗嚇到佢喊要報警，我話咁你咪報囉，之後有班醉酒佬路過又喺度搭嗲發神經圍住我，話咩我歧視大陸人，話佢係中國人我係香港人叫我跪下諸如此類，跟住佢老公唔知乜嘢親戚又走晒過嚟圍住我喺度講唔知乜，我就只係回應：
1. 香港冇任何法例要求我依家隻狗要戴口罩
2. 我有盡責咁樣牽引好我嘅大型狗隻
3. 我對嗰位女人完全冇造成任何實質傷害，係佢自己嚇親，唔知做乜
差佬嚟到都係做和事佬，留吓記錄。
最黐線係個差佬仲叫我同個女人道歉cls，
我睬佢都傻，真係問晒號。
放狗嘅出街都帶返好條狗繩，費事予人口實，最近好多仇狗黐線佬🙉
