【J2台邀亮相新節目 素海霖婉拒：我唔上TVB的 ｜ 「我比較直腸直肚，一陣間我唔小心講錯嘢，幫我打格仔就唔好】
香港首位日本AV女優素海霖（日本藝名繪麗奈），上月獲Google香港公布為2023年度熱搜嘅No.1本地娛樂名人；自從為為AV女優後人氣超高又有話題性嘅素海霖，一直有唔同嘅香港平台邀請合作，舊年佢選擇為viu嘅《晚吹－讓我一次買到夠》及《喱騷》嘅《TO DO LIST》等擔任嘉賓。踏入新一年，今日素海霖喺ig story公開對話截圖，原來有聲稱係TVB J2台嘅工作人員，表示正籌備新節目，想邀請素海霖做嘉賓，並希望同佢通個電話傾一傾。素海霖收訊息後相隔個零鐘就回覆對方：「唔知你喺邊度拎我電話，另外我不上TVB的，多謝邀請。」
素海霖喺以上對話截圖留言，直言好唔喜歡無啦啦有人將佢嘅電話畀人，正常係應該先問咗佢介唔介意畀電話其他人，同埋有人真係想聯絡佢，其實可以透過ig聯絡，一般佢都會回覆。
至於今次被聲稱J2台人員邀上節目，但素海霖係連節目內容、價錢都未問就推咗，囧報問返素海霖點解唔上TVB，佢講返：「唔係咁啱我風格，大家都知㗎啦，我比較直腸直肚，一陣間我唔小心講錯嘢，幫我打格仔就唔好。」佢好幽默，「我最好睇就係個樣，唔想被打格（笑 ，其他地方OK）。」
#囧報
anyway訪問冇錢袋 送隻TV buddy比人算？
d yc最愛
