先講背景，是咁的，我有兄弟姊妹，係屋企收入係最高，依家同緊父母住先講錢，近期發現老母原來淨係問我拎家用，其他兄弟姊妹冇問，年紀大過我既阿哥又冇比家用，阿妹又話要儲錢。
當我問返做咩唔收其他兄弟姊妹家用，淨係收我嗰份，然後佢開始屈我講「咁你最有錢呀嘛」、「雖然你啲兄弟姊妹收入高但支出高」，明明我都係啱啱夠食，屋企其實最儲唔到錢果個係我，我向佢講左幾年，但佢永遠都係當聽唔到。
最近就變本加厲，開始同親戚講話我係兄弟姊妹入面最信唔過，我本來份人係一個仙都唔會用到老母既錢，從來冇拎過佢一分一毫。
舉個例，之前借左九十幾萬比我阿哥，拖左幾年都冇還；家姐結婚佢又拎幾廿萬出黎做嫁妝擺酒；再比學費我阿妹，話後生女係要幫下手。相反，我自讀大學開始已經扔我自己出去借grant loan還錢，一開始出黎做野就逼我交家用，幾年前失業好徬徨之際，佢竟然第一句問我家用幾時比到佢，我話真係比唔到住啊，佢就發晒癲日日單單打打，同佢啲親戚朋友唱我，搞到其他親戚聽完都忍唔住幫我講好說話，單打獨鬥最後換黎係「呢個仔最信唔過」
講到佢同我女朋友既相處，直到依家佢都會一直搵機會同我拍拖既女朋友/ex唱我話「呢個仔成日出去溝女，都唔知有冇暗病」，搞到我女朋友初初見家長，佢有一刻真係信左我老母亂講野搞到我地鬧交，老母聽到單野就陰陰嘴笑，而我既我生活一係返工一係屋企。睇返我阿妹比人踢爆一拖三，佢當冇野睇唔到，仲要句句燒到落我度話「阿哥真係教壞細，阿妹最無辜」，因為佢搞到明明冇發生過既事，我咩都冇做過冇講過，佢可以令到我所有親戚都當我係fuck boy。
講埋點看待我地，我阿哥日日出去花天酒地飲到啤啤呼，話佢好努力見客，唔好煩到佢。我就真係日日見客，有時拎電腦返屋企做野，夜晚比老細call，佢就會話我掛住出街溝女傾電話打機，拎個電腦袋黎扮野
仲要係屋企開緊會既時候大大聲講洗唔洗溝女/打機搞到鎖門啊。佢叫兄弟姊妹幫手做野就好好態度，一做就講到佢地有豐功偉績咁，一叫到我就直接喝我，我唔做又同其他人唱足我幾日，講到我犯下左啲彌天大罪，
其實到底係咪真係我問題？我可以點做
屈左喺個心好耐，Sorry講到1999
