有冇人試過壞熱水爐？

屋企個德國寶用左大概六年，上星期無端端校唔到熱水，打水溫只得大概三十七度，左去維修要今日先有時間上黎整，唔想等咁耐之後又自已搵左個上門維修，

呢位師傅上到黎唔夠五分鐘就話個爐燒發熱線冇零件要搵代理整，話個爐既型號停產可能分分鐘冇零件，建議我不如換個部真正德國貨牌子，換個部就大概四千幾有貨向車可即刻換，但我諗不如等代理黎睇埋先算，咁樣望一望就三舊上門檢查費。

今日師傅上到黎証實燒發熱管，換過要千八，連埋上門費就二千幾，我問師傅如果換過部大概幾錢，佢話要返呢類 model 大概四千幾，佢話我個爐其實仲好新淨，換過條發熱管就可以用多一段長時間。


終於整返好個爐，壞左嗰段日子要用三十幾度水溫沖涼，好彩既係近期冇冬至嗰排咁凍。

有得整緊係整
環保啲

垃圾德國寶早就應該換

聽你咁講搵間包安裝嘅二三千換新爐仲好，一前一後跌錢又嘥時間

家有德國寶，生活好煩腦。

睇住師傅拆開個殼，裏面又真係好新淨又冇乜污糟，都係有得整到就整，如果換個部就一定換其它牌子，咁變左連個外置 remote 都冇用又真係幾浪費。

真，　用大陸牌都十幾年，都好過佢