多謝每一位尊敬張敬軒嘅人，張敬軒真係好鍾意呢個城市

可能你未必鍾意張敬軒，你未必會聽佢嘅歌，但係相信我，佢係一個值得尊敬嘅人。

佢今時今日嘅成就，就算行內行外好多人都默認佢喺香港現時唱歌界的領頭羊就，但當佢拎到最喜愛男歌手嗰一刻，得到香港大部份人嘅認同嘅時候。

佢仍然會單膝跪低講 : 「多謝呢個城市願意接納佢」冇錯，你冇聽錯，係接納。

知唔知一個人係幾卑微，先會多謝一個地方肯接納佢？

我知每次講起張敬軒一定會有人話佢係大陸仔，相信張敬軒自己都知道呢個背景。

佢係廣州出世，呢個係無可抗逆既事實，可能係你眼中會成為攻擊佢嘅原因，但係反過來，佢掛喺口唇邊嘅就係 : 「正正我可能唔係喺呢度出世，當我來到呢個城市嘅時候，我比更加多人珍惜呢個，我會放慢腳步欣賞呢一度嘅每一個角落 」

相信係呢幾年張敬軒做過嘅嘢，我都唔一一再講，真正嘅做到身體力行，超越歌手嘅本分及責任。

好多年前有一個人講過： 「一個人嘅身份認同，從來唔係來自佢出世嘅地方，而係佢願唔願意融入呢個地方，尊重呢個地方嘅文化。 」 如果你肯尊重呢個地方，你就係呢個地方嘅人。

如果因為佢係某個地方出世，你拒絕去認識佢，扼殺佢所有嘅努力，的確我真係冇其他嘢去反駁。

佢會留意本土嘅新聞，佢會留意呢度城市嘅動物，野豬，佢會留意香港嘅日常新聞，究竟呢啲嘢其他歌手會唔會接觸到？ 我相信會，但係只係睇佢想唔想表態。

佢從來都講佢只係一個平凡嘅人，只係一個識唱少少歌嘅人，佢而家得到嘅嘢係呢個城市帶比佢，娛樂圈從來都係講輩分，名氣，佢並唔會因為自己嘅名氣，資歷去壓到他人，反而係用自己嘅資歷，名氣，去幫助他人，呢種態度要謙卑。

每一次演唱會都會單膝跪下，多謝入場嘅每一位歌迷，從來都會返好多時間去逐一多謝佢身邊嘅人，樂隊，幫助佢嘅人，呢個態度係知足，懂得感恩。

2023年，呢幾年來某個機構，最唔肯承認嘅數字之一，就係移民，如果承認移民就係間接承認緊自己的錯。

隱形遊樂場呢首歌，已經係超越咗感情，個人嘅情感，如果你有認真聽過呢首歌，我相信你會知道呢首歌講緊乜嘢，無論係留喺度嘅人，或者已經離開咗嘅人，呢首歌對呢個城市嘅人實在太大感觸。

呢首歌份量實在太重，每次都會有一種無形嘅壓力，究竟呢首歌唱俾邊個聽，向邊個地方投訴緊，定係單從一個商業考慮，相信你我都明明白白。

好多謝每一位尊敬各張敬軒嘅人。

即使你降生的 時世沒選擇
人間再蒼白 容得下想法

https://youtu.be/y9ntnHvD4tQ?si=oZI4c_vNPn3_bOs-

我冇代表佢，我只係多謝每一位同一樣鍾意佢嘅人

我鐘意就係黃

亂講嘢

生活有時殘酷 至少這樂園 永不宵禁
曾迷路的羊羣 仍能被它的光 帶引

呢度係講緊耶穌

呢首歌如佢本人所講，旋律都真係普通，但佢嘅演繹同用心真係令到成首歌昇華到另一個層次，當初第一次聽就好感動

所以真係好開心喺呢首歌領獎，超越晒所有感情嘅歌，係一個城市嘅歌

軒仔對比一班黃絲暴徒更愛護中國香港，salute

Too long don’t read , thx

成班傻鳩 張敬軒係掂一早攞左啦 早幾年啲連登仔死撚晒？
https://lih.kg/3564861
- 分享自 LIHKG 討論區

「第三次投票」 棄張保光 全投尹光 集中集源 一票都不能少
https://lih.kg/3563420
- 分享自 LIHKG 討論區

佢首笑忘書真心正，live 唱得好有feel, 我果陣情緒病都係loop 呢首。

PS 佢其他國語歌都正 ，斷點，只是太愛你，hurt so bad

反而琴日首新歌麻麻哋

隻閪眼唔用就捐咗佢啦，都冇撚話過要代佢多謝人

軒公港一（現役）
貼地 靚仔 唱功

全部嘢加埋佢就係港一