又去到中六同學選科嘅時候啦！唔知同學有冇對一啲大學嘅科目充滿想像呢？收集咗同學嘅諗法，今次我哋邀請咗喺城市大學讀緊工程嘅朋友仔為同學分享有關修讀工程嘅經驗，破解同學嘅想像同埋迷思！
想像1：「唔識畫圖係咪會好大影響？」
現實：咁就要睇吓同學專修工程嘅邊個範疇同埋職業路向 有啲範疇的確需要同學畫多啲圖！
尤其係如果同學想做多少少有關design方面嘅engine就需要畫多啲圖啦 但係如果同學讀Engine係想做Programmer或者主要落地盤嘅，就相對唔需要咁多畫圖啦～
想像2：「 讀工程一定要落site？」
現實：未必
要睇同學專修邊個範疇！例如土木工程落site嘅機會就比較多～有啲崗位係比較少落地盤，係Office處理文書工作，所以就要睇同學嘅未來職業路向啦
想像3：「 中學冇讀M1/M2/Physics會唔會好大影響？」
現實：咁都可能會有影響
大部分工程嘅範疇都需要學數同計數，如果中學無一個好好嘅底可能會跟得辛苦！大學都會提供一啲數學嘅入門課程嘅，但係想讀嘅同學要努力啲啦
想像4：「 出到嚟係咪會好易搵工？」
現實： 香港對工程嘅人才需求頗大
所以出路方面同學都可以有唔同選擇！以土木工程為例，無論私人企業定政府，都有唔同嘅工程項目，除此之外，仲可以係顧問公司、承建公司、發展商等地方就業添
想像5:「讀完係咪會拎埋工程師牌？」
現實：唔係
如果讀完學士課程想拎工程師牌(MHKIE)，就需要進行實習同埋考牌考牌方面，同學畢業之後要完成由香港工程師學會(HKIE)所認可嘅「工程畢業生培訓計劃」（scheme A)完成兩年至三年培訓後，同學需要再有多一至兩年相關工作經驗就可以申請成為認可工程師(MHKIE)啦
唔會洗揀錯科先
