一個很糟糕的香港理髮體驗

是咁的我有一個很糟糕的香港理髮體驗，希望大家可以參考下我嘅經歷，之後慎選髮型師，有個美滿嘅理髮體驗。

早排我去咗一間有個前字嘅髮型屋入面，揾咗一位自稱屬於香港人嘅髮型師整頭，佢係一個男髮型師，因此我叫佢做Him 啦！

以下有三件事情係我覺得呢位髮型師可以做得更好。

第一件事係有預約嘅情況下，Him 話因為食早餐所以遲到，我會建議佢下次提早食早餐。

第二髮型師無視客人要求直接開始剪頭髮。我同Him 講明剪到瀏海請話我知，我俾圖你睇，等你更清楚我想要剪成點，因為我驚我講得唔清楚。之後到Him 開始梳我個前瀏海個時，我話俾圖你睇，Him 即刻話未剪到，之後下一秒就上手剪走咗我啲頭髮。我會建議佢同客人達成共識先好做不可逆轉嘅行為。

第三Him 一直講大話同推卸責任，當日我一直染唔到想要嘅髮色，Him 話正常唔會一日染到、你預太短時間染髮、髮色未到金係因為洗頭洗得唔夠多，所以個色先係啡、你洗多啲頭，下次再返黎染啦... ...

但係當日我染頭髮嘅時間長達9小時，由朝早染到晚上，漂染三次。

佢每次染完都問啱唔啱色，我每次都話唔啱色但算啦，而佢就係都要留住我，話可以染到啱色為止，我由頭到尾都無點講野，除咗人地問我野。直到我漂到個頭好痛，我先笑住問佢助理其實正常要染幾耐？ Him 先過黎話，其實佢無我要用嘅色膏，而家就去買，染多三個鐘就可以染到，之前佢一直嘗試用其他色膏去處理我個頭，但效果唔係咁好。係呢到我會建議佢下次真係唔好偷懶，無用料就買啦，一係同客人講現時做唔到呢個色，唔好再用人地個頭試色啦啊Him！！！！

最後Him 真係用三小時左右嘅時間整完我個頭，效果好好，而我完全開心唔到。俾成千幾蚊你，你拎我個頭黎試色，又一直想我走，係咁叫我過幾日再返舖頭整頭 ，我話無問題，但我有重要事要做 ，好耐之後先可以返黎，佢聽完唔知係唔係良心過意唔去，定驚我太耐都返唔到黎，一直話我唔應該用一日整頭，一日時間太少，之後又話幫我盡做。

最唔開心個位係，明明漂一次就可以處理到，而家漂咗三次，勁傷頭皮。

我覺得啊Him 技術正常，但我有小小驚咗佢，佢個種突然想趕人走，又想努力工作嘅感覺好矛盾，一直講唔啱色可以再染，或者下次啦，下次再返黎都得，今日時間太少啦，之後我話唔啱色但算，佢就話可以再染。（我由開店坐到你就快關店，我眼見你都無其他客人，同埋點解要留一個你上一秒想趕走嘅人。🥲）

其實我話唔啱色但我ok，而佢留我個時，我應該好堅定咁講 我！ 要！ 走！ ，佢應該想要呢個效果。

完

男定女

其實要漂要染 坐幾個鐘好正常


Btw "佢每次染完都問啱唔啱色，我每次都話唔啱色但算啦，而佢就係都要留住我，話可以染到啱色為止"

師兄你M底欲拒還迎

一律唔會搵老野/mk剪

同意中伏嘅機率會減咗好多

利申： Him 係老實人樣 💀

師兄有無推介嘅髮型屋🙏🏻

無，我都係產兩邊，好簡單，有時速剪都搞掂

之前都有個相熟，但個日人多，佢就同我剪得好求其，好肉酸，d仆街見你熟客就犧牲你去吸納其他新客，有d知道染髮電髮賺得多，仲專登叫你染電，最好搵個樣唔差又姿整既人，下次去新鋪千奇唔好求其比佢派人幫你剪，自己望下髮型師d樣，揀d樣唔差(唔奸)髮型好睇整齊既人，至少佢對自己有一定要求

好，多謝你嘅建議先。🙏🏻

染幾個鐘係正常

但大哥 真係 唔好用我個頭黎試色 個到都試咗我6小時💀
試色揾model練啦 無染料就買啦🥲

真係 係我犯賤 有時 唔應該俾人講兩句就留步🫠