試當真（暫名）| 認真試下．試下認真 | (83) | 2024繼續試當真 | 不定期出片 |

Marf係前年造星 上年女團 今年solo
今年21同班校花差唔多

其實Day 1都覺得泰妹唔會鬥得過佢地拎到叱吒女新人獎
無論係公司資源, 牙力, 關係, 銀彈定係歌手本身嘅知名度, 紅嘅程度, fans數量, 歌曲傳唱度都係唔夠鬥

不過泰妹正式出歌果時都有mon吓903啲AP
話說泰妹5月出獅吼功時, 又真係竟然上到903榜,
當時其實Nancy Kwai 都係得一首上榜歌,
sica又未出道, 真係有少少以為唔通泰妹都執到個女新人銅?!

點知之後Nancy Kwai再plug多三首歌, 首首都上榜....跟本就冇得鬥
到sica 8月出道, 淨係第一首歌其實sica多AP過獅吼功少少
仲有得鬥嘅
但之後泰妹整首合唱歌CARE NO MORE ?!考試歌定乜? 又冇拎嚟派台, 真係唔知做乜

9月sica出第二首歌又係冇上到903榜 (不過11月再Plug多首就上到榜)
到10月泰妹出One More Round諗住上到榜的話仲有得爭吓
果時睇住有一週, 頭3日半已經播咗One More Round五次, 之後3日半播多一兩次應該上到榜.........
丫, 點知, DJ好似收到Order咁...之後幾日真係一次都冇播過.....
最後果然, 播6次嘅新歌係上到榜, One More Round果五次就射哂落海了.....
唔係完全唔播喎, 一開始新一週又播番....之後一週One More Round又播咗四次, 射哂落海
903啲播放率細微操作, 真係令人有少少寒心......

問心，Sica同泰妹，邊個唱得好聽啲？
再見有時同One more round，你會想聽邊首多啲？

雖然我都唔識欣賞Nancy龜，不過百貨應百客，拎啲實質數據睇（唔睇903啦，根本就係DJ操作）Spotify：龜有7萬幾monthly listener，泰妹先1萬。

我一直以為新人係要當年出道

計Spotify, Nancy Kwai直情大勝埋Marf添
可能佢啲歌適合Loop啲
同埋華納啲plug歌同宣傳係真係勁....
睇前年張蔓姿就知

全年Plug歌數目: Nancy Kwai 5首 >Marf 4首 >sica 3首 >Thaimay 2首
Spotify: Nancy Kwai>>Marf=sica>>Thaimay
youtube views: Marf>>Nancy Kwai>sica>=Thaimay

sica 8月先出道都plug咗3首歌, 都唔講全年勁有策略咁plug歌嘅Nancy Kwai , 叱吒輸真係好合理

btw我都以為新城係出席就會俾個新人獎......估唔到原來可以冇

包尾咁大鑊
咁我只能講鹹魚青菜各有所愛
我排都係馬夫南茜會長
反而估唔到n9輸xix

Marf sica係最多人睇嘅造星出嚟
再喺女團電視台浸咗一年
Nancy yolo就入行 又有最識pr嘅華納幫手

泰妹上年先玩花草 冇乜關注
喺channel曝光都有限 依家個發展已經係超出預期
不過最好自己落手寫下歌 玩人設唔長遠

Nancykwai人氣其實好高，yolo時期己經係上弦黎，年中又有那年盛夏，年尾又有年少吸粉，d歌自然多啲人搵黎聽，泰妹邊有得比呀

成日覺得demo records同試當真本部太疏離
咦喂, 泰妹要出歌喇喎, 搵人幫手拍個劇場宣傳吓啦.......that's all
特別新人, 唔止泰妹, 其他簽咗嘅花草都係, 唔係滿Job的話真係要多啲番channel出下樣
做下劇場配角, 出吓大綜藝小綜藝, 甚至謝票場做吓佈景版都好丫
當然喺番channel曝光都係塘水滾塘魚
都好過乜曝光都冇

btw, 泰妹有話自己練緊寫歌詞, 特別rap詞呢啲係要自己寫先得
不過呢啲好難話一步登天突然就好勁.......

我覺得demo records嗰邊算係咁
接到jobs同塑造到形象 唔同雜誌訪問
上年嘅試當真除咗幾個大project真係冇乜人睇 都幫唔到咩 n9老闆自己打骰都係咁

花草圍內就話唔夠曝光 但出面就話出太多趕客
花草channel嗰陣比賽完咗話搞 到依家都唔見

希望泰妹接嘅Job同廣告, 業配, 商演夠支持到開支啦
demo records嗰邊算係咁
但就係覺得同本部好疏離, 冇乜聯動咁囉
可能都係一個策略啩, 索造歌手形像

花草channel就算啦, 已經遲哂,
一年短約果啲走哂, 得番簽咗果幾件, 肯定搞唔成了
但出面就話出太多嚟講, 真係好睇你推人嘅策略
真係過猶不及, 拎個平衡點
做主角嫌太多咪做下小配角多啲累積吓經驗同觀眾緣先囉
綜藝你正正常常表現都幫到手嘅

唔係喎 花草台近排podcast又話搞返
不過如果真係放手畀佢地拍00後片嘅
真係冇簽嘅moon最啱用

如果真係搞
各個都要自己練剪片啦
淨係希望佢地唔好拍埋啲抖音式短片
就算拍Reels都有好多唔尷又好睇嘅idea嘅

玩幾年都仲新人

應該點都有其他幕後support既，全部靠佢地自己就真係可以收皮

吓我覺得泰妹呢一兩年又零開始 素人行到依家出到歌 接到廣告 已經好大進步
有獎固然開心，但一山還有一山高，比泰妹高人氣 高水平演出的大有人在，但泰妹就算無獎，可以由網絡媒體捧出來的人走去主流呢一件事已經好叻。

咩出太多姐，推人推得唔好d人唔想睇咪多囉

泰妹應該學結他行avril lavigne路線

泰妹真係夠啦，齋講上年12月接成9個job，賺到發發聲
仲有時間學結他，學唱歌？
做多幾年揾夠奶粉錢退休做人生贏家好過啦，仲同班傻仔爭奬

就算唔係泰妹Fans都唔駛靠害嘅

真
同埋康泰幕前形像同觀眾緣都唔錯
希望KEEP住同繼續喺演藝上進步
要夠料先可以繼續上到

唔怪得香港樂壇咁 連fans都覺得搵錢大過天

咪理呢條專業Hater啦
明顯反話
個撚個都反, 個撚個都唔鍾意, 煩過閪