《MIRROR Time》真正團綜 皮皮lock down姜濤 激發Jeremy獸性

大仔組細仔組超good vibe
Lokman卸隊長包袱
Alton嗲嗲 vs AK嬌喘
大頭Ian戴XL碼頭盔賽車
枕頭大戰：皮皮lock down姜濤 激發Jeremy獸性

MIRROR團綜《 #MIRRORTime 》推出，12子遊澳洲，綜藝mode全開之餘也很real。 眾成員包圍製作團隊「搶錢」、監製周雲大嗌「你哋係咪男人嚟㗎！」亂作一團。周雲是《MIRROR Go》編導，另一位編導曾偉樂今次續任編導。團綜可以選擇流量主導、讓fans見到偶像最多大頭最好J一面，但今次製作組立意顯然並非如此。

《MIRROR Time》每集不足半小時，鏡頭平均，環節也有巧思，做足功課，如提議Lokton（Lokman #楊樂文 、Alton #王智德 ）街頭跳locking；Ian #陳卓賢 因為不能玩熱氣球，遊戲部份便問他關於熱氣球上發生的事，還原情景，考驗成員默契了解。

【每一個都是C位】
今次不少環節也分大仔組（六壯士）跟細仔組（應駿安濤son＋大表哥 #邱士縉 ）《調教你MIRROR》講團魂重鑄，但大細仔組性格迴異，大仔組不會派心扮可愛，細仔組事無大小都怪叫跳起。分team做mission好看，走在一起的化學作用也好看。

第四集大仔組買手信，Lokman畀錢，Alton忽然從後攬實他「嗲嗲」；昨晚枕頭大戰輪到「歐陽駿」 #AnsonKong 捉住「井澤魂」Alton大髀嬌喘求放過，另 #AnsonLo （阿撈）也像樹熊般挨住AK求手下留情，圍觀的三姑六婆尖叫大笑，鏡頭會take埋花生友反應。沒有人是C位，每一個都是C位。

【又團欺】
除了肉體接觸，團欺亦剪進去，有些fans可能會敏感不適。大表說Jeremy #李駿傑 （Remy）不懂取景，「垃圾筒都好影，黐孖筋！」大家笑姜濤身形似大灰熊、坦克車，坐熱氣球大家笑姜和 Jer #柳應廷 太大件頭，Edan #呂爵安 又被攻擊腳短。收拾熱氣球時，大表姜沒有跟大家一齊碌地，姜連聲說腳痛，撈問：「 #團魂呢 ？」姜笑答：「冇！」

當日撈撩周雲猜包剪揼，輸者要踩屎。撈輸了，他真的一腳踩上去，又追住姜，姜跟Remy大叫：「Anson Lo踩屎呀！」另撈在首集玩遊戲連環贏獎，陳笑他「唔係名牌佢唔要㗎喎！」大夥兒又在其終極大獎MIRROR演唱會DVD簽滿名牌名稱，如柳簽名是「YSLJer」。

【真正MIRROR舒密加：Tiger】
昨晚一集，六壯士：Lokman、Alton、AK、陳卓賢、Tiger #邱傲然 跟皮皮 #陳瑞輝（Frankie）去菲利普島玩高卡車，賽前大家看好陳摘冠，笑他是「MIRROR舒密加」，Alton笑他：「之前佢拍晒心口掹晒胸毛咁樣㗎！」

真正「MIRROR舒密加」是Tiger，陳第二，Alton第三。六人笠頭套時即興上演《樹大招風》賊王戲碼。陳出名頭大，大家戴M碼頭盔，他戴XL，不斷fing頭：「啱唔啱呢？」賽後敗方受罰要讀肉麻土味情話，Lokman以港普讀出「心病還需心藥醫」，心病讀成「性病」。今次他也讓自己放飛，出發時幾乎帶漏行李﹐玩完熱氣球扭眼瞓。照顧隊友重任交給陳，重點照顧皮皮。

【皮皮MVP 柳應廷超可愛】
第五集下半部是pillow fight，MVP「pillow輝」皮皮用柔道和巧手分別搶走Remy的枕頭，又lock down姜濤，還激發了Remy的獸性。搞氣氛高手Alton與Lokman MMA，最後Lokman化身離地樹熊死命抱實他，Alton開心高舉枕頭大叫：「係我㗎！係我㗎！」「小朋柳」柳應廷輕取呂爵安，還扮猩猩捶胸展示雄厚背肌，非常可愛。最奇是無論各人如何扭打，頂帽依然紋風不動，柳跟Alton除外。

【巨龍與豬仔】
大表被隊友稱為「玩具」，因為他很會照顧隊友。第四集他做兵仔，呆坐一旁陪陳、皮皮跟Remy買香薰，等了好久的他終於想逃：「都差唔多喇喎…」沒人有反應，他再說：「差唔多啦，我諗。喂飲咖啡喇係時候。」陳站得最近他，兩人眼神對上，大表柔聲問：「呀陳呀，嚟喇喎，有冇戰利品呀？」慘被無視…

此外「 #巨龍與豬仔 」Vlog（大表、Remy）重新營業，赴日取景，自駕遊赴輕井澤，大表揸車，三小時去程，去到才發現封路。大表扮嬲發𤷪𤺧，之後retake再說：「我個人唔係咁㗎，唔好鬧我呀，我係好善良㗎！」來到白絲瀑布賞紅葉，發現季節不對，都變成枯葉，Remy說：「唔緊要﹐希望在明天吖嘛！」

片尾有彩蛋，姜濤問巨豬為何沒邀他們一齊玩YT channel，Remy說：「你咁忙…」又謂：「我哋嗰陣都係因為冇嘢做先開呢個channel。」姜說：「我都冇嘢做㗎。」大表反應極快：「所以而家咪可以『侵』你囉，我哋呢個叫『冇嘢做俱樂部』。」由「不被捧組合」（MIRO Live語）到「冇嘢做俱樂部」，so real。
#娛壹

垃圾文字睇唔明

打手？

即係之前假

而家D記者質素真係差撚到，仲衰撚過中學生寫
成間嘢快撚D執柒咗佢啦

噚晚皮皮lock down 肥姜個段好睇

個網媒係

一班kam嬋

系

你地睇開翡翠卡通長大唔會明

lock down? knock down?

曾偉樂係咪之前造星5嗰個千古罪人

寫姜濤相關報導嘅人應該係同一個
啲失心瘋文筆，真係好易認

一睇開頭就估到係垃圾娛一

姜嬸即刻出征屌皮皮咁整佢

Frankie 好似 dump 撚起成架坦克咁

當初咁騎呢辺𠆤會估呢隊野行到5年

即刻想睇

5年都算係咁啦
演唱會變亞博又可以賣多啲飛

隻隻字都識，加埋唔知佢講咩春

咩團魂團欺講中文啦呀鬼