onedegree包唔包眼瞼內翻手術？

我隻1歲布偶貓因為眼膜炎睇左兩次醫生，醫生話有少少眼瞼內翻，佢啲毛戳到自己隻眼。我自己查下發現通常好似要做手術至根治到，想帶佢睇專科check下，睇之前諗住買個保險先。我見好多人都買one degree，想問下有冇人有經驗claim到眼瞼內翻相關診金/手術費？我怕佢當「已存在病況」或者「先天性疾病」唔保.... thxxx

買左都要等 等候期
快啲帶佢去睇好過啦

我都掙扎緊，但專科真係好貴⋯⋯諗住等佢完咗依家個療程，睇吓咩情況先，緊唔緊急。上個獸醫完全冇比意見我😩

如果有好嘅貓貓眼科獸醫診所介紹 請share🙏

而且你買果時佢都要你申報90日內有無睇過醫生 要報埋咩病
所以好難咁樣買

聽講唔係太嚴重的話有非眼專科既診所會做眼科手術

呢d病等到90日咁耐咩，你都係要睇左醫生先知情況有幾危急。
拿拿聲搞掂佢，錢照俾算啦，拖拖下再嚴重d時醫藥費本身就會更貴，仲有可能影響埋隻眼本身，之後都唔知有冇額外多d手尾跟。

啱啱索性問左OD客服，因為上個獸醫其實估眼膜炎係耳朵真菌引致，無俾檢查建議/轉介信，所以claim唔claim到就睇下下個獸醫判斷眼膜炎同眼瞼內翻有無關，等佢哋理賠部門決定

目測唔算好嚴重，但怕個獸醫手勢唔好，如果有聽講邊間診所靠得住可以share埋過黎

OD嘅話要等28日，目前眼膜炎滴住藥水好左大半，但佢眼角嗰幾條毛成日戳到眼，我都怕會翻發。唉，同屋企人商量下

如果係先天性疾病（我上網睇好似多數需要手術既眼瞼內翻都係），OD係唔包。網絡醫生好似claim9成，非網絡好似claim得7成，然後眼藥水（當保健品）又唔包，做手術既細項收費可能又會唔包。再加埋保費，你搞一大輪都唔知實際節省到幾多錢。
你等完28日即刻睇，有機會佢覺得你本身就有，始終呢d病唔係突然之間發生，正常都唔會咁容易俾你claim到啦。可能又要提供返病歷，如果你打針/絕育/睇醫生都係同一間，唔知你可以點避啦。

間保險公司自己都有駐場醫生批
你要過到佢果關先得
不過保險公司點會洩比你

od宜家大數check得好嚴 會拎曬診所既病歷返嚟睇
你只可以買完過左等候期再重新搵醫生由0睇過
但如果佢check到你喺其他診所有醫療記錄會好麻煩

多謝大家意見，最後決定保險照買，醫生有需要照睇，專科觀望下至算⋯⋯我諗保險就算唔包呢樣 遲下萬一有其他野都會有啲保障嘅🥲

One degree 印象中買之前90日唔可以睇過醫生

投保時第一個問題佢會問

1.
過去90天 大大 是否曾因受傷或疾病而接受任何治療？

有的話有咩影響唔知..

要claim果陣可能會踢保？

應該無咁衰嘅
我估可加保費or 再review 先受保…

要指定醫生先叫claim到多啲
非指定claim得少好多

有冇人分享多啲關於寵物醫保

係one degree 網絡獸醫診所先claim多啲