有冇人識點練將胃氣打出黎？

如題，由細到大都唔識
每次只要食飯時同朋友吹水導致呑左太多氣落肚
或者因爲流鼻水所以自然用左口呼吸導致太多氣落肚
或者飲有氣既飲品同茶


就會令個肚脹，搞到好辛苦，集中唔到做嘢
有時明明知自己仲好肚餓，但又食唔落嘢
如果做緊運動嘅時候更慘，連發力都難
喉嚨一開始會發出咕咕聲，好似有好多氣但又出唔到黎嘅感覺
多數過半個鐘就會開始"打 C Egg"
暫時唯一解決方法就係用手扣喉幾次令胃氣嘔哂出黎
但係公眾地方動作好奇怪同好大聲
所以多數要捱到番到屋企先扣
最慘係番工中午開始黎，捱到收工番到屋企先扣到


試過食胃氣脹嘅藥又冇用
好羨慕身邊有朋友一飲完可樂就即刻可以將胃氣打哂出嚟
但實際上朋友亦解釋唔到點做

有冇人知點練，或者有冇巴打有同樣情況

同你情況差唔多
唔識嗝胃氣
有時食得太飽
或者一路食野一路吹太多水
跟住個胃就好唔舒服
勁想嘔

lm

我唔知算唔算係嗝氣， 因為我都唔曉，但我可以用力收縮個腹，就會有啲氣係口慢慢出泥。另外有時太漲，我會啪塊陳皮/飲陳皮水，就可以狂嗝氣加放屁

我識
收縮上腹個位 你會feel到啲胃氣會湧上黎
然後嘔佢出黎就得 嘔出黎既氣會一段段
同埋唔好太依賴 未消化完會嘔番啲食物出黎
食完飯要企一企係身 屈住個肚啲食物會落唔到去

有日唔知點解就「ur」得返啲氣出嚟
當時未識之前真係好辛苦

最慘有時我只係食左好少野
但因為吹水所以呑左太多氣
搞到食唔落，就算去餐廳廁所廁格扣喉都唔易
撞岩有人去廁所或者係出面聽到聲
以為你食到嘔

我以前都係咁
首先係控制喉嚨扣喉，好似你咁講一次嘔大量氣出嚟，通常喺公眾地方行開少少之後先做
但之後靠益生菌少咗好多胃氣，同時又突然間識自動 ur，唔知兩件事關唔關事

Thanks 巴打，等我搵日買支大可樂係屋企狂飲之後試
我諗成功既話，點都好過扣喉，始終好難係公眾場合扣
同埋我都試過扣喉嘔氣時嘔埋野食
但多數只要個身唔好彎太低，就只會嘔到氣

你意思指Keep 住每日飲益力多
或者食D含益生菌既保健產品就會有機會改善？

同樓主情況差唔多，所以唔敢飲可樂，次次飲完都頂住d氣，唔識嗝返出嚟
有時食嘢落唔到格都會頂住d氣，但係又唔知點樣先落到格

試過好多次因為咁而反胃，但無野嘔，只係嘔胃氣，嘔晒啲氣出黎就無事，有時喺公司廁所又有人，勁尷尬

腹式呼吸

腹式呼吸 口型念呼字 不發聲 鼻吸口出

好難形容你聽
你試下吸氣 但上腹用力頂住 令到啲氣入唔到去 好似啞咗咁
要捉到個感覺先 做到嘅話就完成咗一半
做到之後再做岀嘔嘅動作 就好似你平時嘔咁就得 連自己嘔都唔識就試下扣喉拎感覺
將呢2個動作連接就係嘔胃氣

我無專登學 有日無啦啦就識咗

用條脷谷多啲氣落去就得

好耐以前都好似你咁
首先唔好對抗嘔氣個感覺係最緊要

我係有次自己細細力Keep住「er」左幾十秒
想像自己嘔緊，
係「er」出聲，但唔係好大聲，唔知你明唔明
發覺嘔氣個感覺強烈左，做多陣就直接嘔晒啲氣出嚟
之後試多幾次，慢慢儲氣個時間越嚟越短，
而家幾乎有就可以直接嘔啲胃氣出嚟

幸福胃的素 個人覺得真心有用

放屁or 飲以羅啦

我係就咁食益生菌

我反而係平時食完飯 會嘔唔到氣
成日要靠汽水 可樂黎嘔氣
如果成肚氣 嘔唔到出黎
就好易眼痛 跟住頭痛 好唔舒服
我都想唔靠汽水 自自然然咁嘔到氣

以前都唔識嘔 要用手㩒個胃個位先得
天生識嘅人會唔知我點解做唔到

我不嬲都好大食 前幾年成日一次過食好多野
不知不覺學識咗嘔胃氣

個感覺係食咗啲野feel到胃漲時 不自覺收腹
類似嘔嘅感覺 不過細力好多

扒係枱休息10分鍾 自然會出到黎

之前唔識 食太飽好辛苦
啲fd好多都天生識咁 唔明我點解唔識


學識咗食飽飽一野er胃氣 勁爽