【科幻】《造個好夢》(15)

飛揚

1001 回覆

6 Like 0 Dislike

飛揚 2023-12-25 18:59:12

讓我們為大家打造一個專屬你們的好夢。

逢星期一至五，準時七點正有文出。

鍾意嘅朋友記得Like同Share俾身邊嘅朋友一齊睇～

有咩都可以留言同我講～有你哋嘅意見，我先會有進步～

下面係Penana嘅Link，想睇返之前嘅章節都可以Click入去。

Penana
https://www.penana.com/story/135013/造個好夢

鍾意我呢條廢腸寫嘅故可以Like Facebook同Follow Instagram～

感激大家長久以嚟嘅支持～在座各位都係讓我支持落去嘅動力～

Facebook專頁
https://www.facebook.com/whirlingdancer

Instagram
https://www.instagram.com/whirling666/

Penana
https://www.penana.com/user/122935/飛揚/stream

第一個Post 第1,7, 13, 20, 25頁有文
https://lih.kg/3510364

第二個Post 第3, 10, 19, 23, 31頁有文
https://lih.kg/3516203

第三個Post 第36, 39頁有文
https://lih.kg/3520696

第四個Post 第9, 15, 22頁有文
https://lih.kg/3524014

第五個Post 第17, 23, 29, 35頁有文
https://lih.kg/3527788

第六個Post 第3, 23, 27, 33頁有文
https://lih.kg/3532141

第七個Post 第2, 17, 21, 25, 30, 34頁有文
https://lih.kg/3537960

第八個Post 第5, 9, 13, 19, 23頁有文
https://lih.kg/3545471

第九個Post 第2, 6, 9, 11, 14, 23, 26, 34頁有文
https://lih.kg/3552458

第十個Post 第5, 9, 23, 26, 31, 39頁有文
https://lih.kg/3559981

第十一個Post 第3, 20, 25, 37頁有文
https://lih.kg/3566095

第十二個Post 第3, 12, 26, 30, 35頁有文
https://lih.kg/3571224

第十三個Post 第4, 9, 35, 37頁有文
https://lih.kg/3577291

第十四個Post 第2, 8, 11頁有文
https://lih.kg/3581737

熱檸茶走冰 2023-12-25 18:59:33

格躺 2023-12-25 18:59:38

小新之助 2023-12-25 18:59:43

飛揚 2023-12-25 19:00:29

上回講到Link再睇多陣Hazel嘅數據...
然後Hazel就話搞掂可以入去睇睇～
咁快手？
Link就入去啦～Hazel就揮住手咁迎接～
Link一睇周圍，迪士尼嚟嘅？
咪話咗唔好用真實！而且仲要用何菲菲同李俊來回憶好深嘅地方！
唔同㗎～入咗去睇睇先啦～
好啦好啦...就入去睇睇～
一路行，啲思想投射男女老幼都有～仲要個個都獨立咁～
係有落過心機㗎喎～
就算有小妹妹撞埋嚟，都有互動！
呢種設定好複雜㗎！通常都會避開唔做！
但Hazel做到仲做得好好！果然係天才！
好快就去拎飛～仲要用信用卡添～
「都唔係呢張！」Hazel搶走Link個銀包！再拎張卡出嚟！「呢張吖！都放喺最就手嘅位置㗎啦！咁都攞錯！」
『咁我平時都唔會用呢張買嘢...你冇留意㗎咩？』呢張用嚟擺㗎咋嘛...
「點知你姐...」Hazel谷一谷塊面豬登！「所以我咪專登將呢張放喺最就手嘅位置囉！」
『唉...多啲觀察...留意吖...』又要Link提...
「係喇係喇！快啲快啲～」Hazel又好似身邊啲小妹妹扭爸爸咁勁心急～
『係係係...搞掂～』Link拎兩張飛睇睇...一張係機械人...一張係小飛象...
「我要小飛象～我要小飛象～」Hazel喺Link手上拎走張小飛象門票～
『係唔係小童飛嚟㗎？睇清楚好喎...』Link睇睇自己手上張機械人...成個Iron Man咁...只係變咗金黑色...
變咗隻色Link就認你唔到咩～～～
「成人嚟㗎！」Hazel指指自己張小飛象～
『吓？咁咪唔啱囉...』Link冷眼打量住Hazel，『你應該係買小童㗎喎...』
「咩小童吖？」Hazel皺晒眉咁，「小童係三歲十一歲㗎囉好唔好？」
『吓？係㗎咩？』Link而家先知喎...
「係囉！」Hazel谷起塊面豬登！「你有冇去過㗎？」
『我有去過迪士尼...但就冇去過迪迪尼囉...』呢度係迪迪尼吖嘛...唔係迪士尼吖嘛...我冇搞錯吖嘛...
「係喇係喇！」Hazel又拖返住Link！「行啦～」
跟住嘅劇情發展又會係點呢？

準備出文

飛揚 2023-12-25 19:01:13

[Day 10－幸福美夢] PART 02

俾Hazel拖住咁一行到入迪迪尼，第一時間就向住City Hall方向衝過去～

裡面都有唔少小朋友同家長...喺度拎緊...

「唔該～」Hazel彈彈跳跳咁走到去櫃檯，「我想要個生日襟章～」

女職員帶住親切嘅微笑交個生日襟章俾Hazel：「生日快樂～」

「多謝～」Hazel接過生日襟章，就自己扣～

『今日你生日咩？』我又冇去記住Hazel嘅生日日期...

「唔係喎～」Hazel擰擰頭～繼續扣～

『咁係何菲菲嘅生日？』講開又講...何菲菲係幾時生日？

飛揚 2023-12-25 19:02:56

「唔知喎～」Hazel擰擰頭～仲係好努力咁扣～

『又唔係你生日...又唔知何菲菲幾時生日...咁你拎個生日襟章做乜...扣唔扣到吖？』望住Hazel吉咗入去又扣極都仲未扣到咁...

「咁整咗出嚟都要試吓㗎嘛～幫我扣啦～」Hazel挺起個胸～

我就好小心咁...幫Hazel扣胸前個生日襟章...

雖然話Hazel只不過係小饅頭...不過都好易掂到㗎嘛...

都係小心啲...小心啲咁扣...

扣邊度好...邊個位好...咁少布...好難扣咁喎...

『搞掂～』我打量一眼Hazel胸前個生日襟章...又係小飛象...

「嗯嗯～」Hazel帶住甜絲絲嘅微笑點點頭～望住個襟章好滿意咁～

『咁跟住...』我望望身邊...都有唔少家長帶住啲小朋友出出入入咁...

好自然...目標同行動都好明確...

飛揚 2023-12-25 19:03:58

「跟住就去玩喇～」Hazel又拉住我行～

喺大街上行...

「生日快樂～」

一路上都有迪迪尼嘅員工同Hazel講生日快樂～

「多謝～」Hazel都好開心咁笑得勁甜咁點點頭～

而迪迪尼嘅員工都會回返個燦爛嘅笑容～

互動做得好足...而且好自然...

唔好話一般人...就算係我都唔會有複製嘅感覺...

飛揚 2023-12-25 19:04:47

我嘗試喺員工離遠行緊過嚟...仲未發現Hazel胸口個生日襟章之前...撳住咗先！

員工行到過嚟望唔到Hazel個生日襟章...只係帶住微笑直行直過...

『係掂喎...啲思想投射冇望到你個襟章就唔會同你講生日快樂...係落咗啲工夫...』即係個設定係有Set到掩蓋...

「梗係～」Hazel得得戚戚咁，「要好真實㗎嘛～」

得戚得你...

講開又講...隻手撳住個襟章...仲好似摸到啲軟熟...且有彈性...

我留意返先發現...隻手摸到Hazel個小饅頭！

飛揚 2023-12-25 19:05:37

我就立即扮晒不經意咁縮返開隻手：『係有進步...係有進步...』

「梗係～」Hazel又好開心咁～甜絲絲咁笑笑口～

好彩佢又好似唔多為意咁...

一陣俾Hazel誤會我想非禮佢就唔係咁好啦...

「遇到喇遇到喇～」Hazel指住遠處堆氣球，「有氣球～」

『係喎...』完全係迪士尼嗰種啦...

「過去過去～」Hazel就拉住我走過去～

女職員一見到Hazel，就帶住微笑：「生日快樂～要影張相嘛？」

「多謝多謝～」Hazel成個細路女咁點晒頭，「要吖要吖～」

「嗯～」女職員立即好專業咁幫Hazel將一堆氣球擺好位置～

嘩仲會問埋影唔影相添...咁專業㗎咩？

咁我都只好拎部手機...

小新之助 2023-12-25 19:06:50

飛揚又借啲意摸人個波

格躺 2023-12-25 19:07:11

我嘗試喺員工離遠行緊過嚟...仲未發現Hazel胸口個生日襟章之前...撳住咗先！

慢慢潛移默化私有化Hazel

胸襲喎

飛揚 2023-12-25 19:07:13

Hazel都擺好Pose後...

『一～二～』我就幫Hazel連影幾張～

「唔該唔該～」Hazel影完港女必影相之後，就睇睇啲氣球～

我就拎定個銀包行到去Hazel身邊，指指個有小飛象喺裡面嘅氣球：『就要呢個啦～』

女職員就拎咗個有小飛象喺裡面嘅氣球交到去Hazel手：「好吖～」

『唔該晒～』我就俾埋錢～

「玩得開心啲喇～」女職員帶住親切嘅微笑向我哋揮揮手～

我哋同女職員揮過手後，就行兩步～

「點吖點吖？影成點㗎？」Hazel想睇返啱啱影啲相咁～

『吓？我求其㗎咋喎...』我就拎部電話俾Hazel睇睇，『要影成點吖？』

「吓咁㗎...」Hazel接過我部電話，「唔係吖～都幾靚吖～」

『咁係你靚先影得靚囉...』人靚點影都靚㗎啦...

飛揚 2023-12-25 19:08:32

Hazel古古惑惑咁打量住我一眼～又唔出聲～

『做咩？』唔好唔出聲又古古惑惑咁喎...唔知你諗乜㗎喎...

「冇吖～」Hazel將個氣球交到我手，「幫我箍住喺手先～」

『哦好...』我就幫Hazel將個氣球都箍喺佢手腕上。

等到我幫Hazel箍好個氣球...然後我又拉兩拉...Chok幾Chok條繩...

個氣球就喺空中彈兩彈...升升降降升升...

「點吖～」Hazel交返部電話俾我，「得唔得吖？」

『得吖...好得吖...好自然...同真嘅氣球好似...根本就一模一樣...』啲數值Set得好好...

「梗係～」Hazel Fing Fing隻手仔，「有摷過啲資料㗎嘛～」

飛揚 2023-12-25 19:09:42

『係咩？唔係喺Library Call返出嚟㗎咩？』唔好當我唔識喎！呢啲Template舊版嘅Library都有啦～何況我哋而家用緊嘅係最Update？

「唔好玩啦Library裡面啲參數咁死板！實俾人發現啦！」Hazel Fing Fing隻手仔，Chok Chok個氣球，「我呢啲有改過個參數㗎！你睇～隻小飛象飛得幾自然～」

『係喇係喇～叻喇叻喇～』講得出Library裡面啲參數咁死板...又識得去資料再改返啲參數...係叻女...

「嘿嘿～」Hazel好滿意咁Fing Fing隻手仔～Chok Chok個氣球～等隻小飛象喺空中飛揚～飛揚～

『咁跟住我哋去邊吖？』得戚得你～

「我哋而家去...」Hazel諗一諗，「嗰邊先～」

『哦哦...』我接過部電話，『嗰邊係...明日世界？』

飛揚 2023-12-25 19:10:53

「明日戰記吖！」Hazel谷起塊面豬登！「明日世界係迪士尼㗎！」

『呢度唔係迪士尼咩？』

「呢度係迪迪尼吖！打返開個App睇吓啦！」

『有App添㗎？』

「有㗎有㗎！」

『真係喎！明日戰記喎！不過套甲係咁㗎咩？』

「唔可以照Copy㗎嘛！你識唔識㗎？」

『係～你識我唔識～咁出發啦～』

「出發～～～」

飛揚 2023-12-25 19:11:30

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～