如果發現自己難以放下以往同父母相處既種種包袱，或者可以考慮以下方法

同父母既關係好多時都係心入面牽掛既事情之一，可能有時我地會話看開D/向前看/體諒下佢地，有時未必完全做到，有時又可以做到；一個原因可能係同父親/母親既關係入面有好多野仲等緊我地去做；有好多既遺憾改變唔到，願意改變唔到，但個心仍然呼喚緊我地去做；亦有好多心聲等緊我地去表達。

例如我地做錯事但未向父母道歉；父母做錯事，令我地受左傷害，而需要我地原諒但我地未原諒；想為以前既爭執和解，但因種種原因而未能和解；父母照顧過我地，同我地曾經好開心咁相處，而我地想多謝父母；可能仲有好多野其實想同父母講，俾父母知道其實你既真實想法，但因種種原因而未能講出口，而呢D事就仲未去做；

細個果陣/以前有好多事想以另一個方式發生: 想父母唔好咁惡/唔好鬧自己，但仍要承受來自父母既責罵； 想父母體諒自己多D，愛錫自己多D，支持自己多D，但父母因種種不合理/合理原因而未做到； 想父母聆聽自己既心聲，但父母因種種不合理/合理原因而無聆聽到，有時反而俾人鬧… 過去左既遺憾改變唔到，但呢D遺憾仍牽掛係心入面，等緊我們去彌補呢D遺憾；亦有一D之後想實現，但唔知係咪實現到既願望(例如想同父母和平咁相處，好好咁同父母傾下計…)，但個心仍然等緊我地去完成佢哋；

另外，父母照顧我地/我地同父母相處果陣亦會令我地感覺到好多野，而呢D感受仲等緊我地去表達俾父母知，例如同父母相處果陣我地會開心，傷心，無奈，焦慮，失望，後悔，憤怒，期待，欣慰，懷念，想父母愛自己多D...而呢D感覺仲屈係我地個心度，未好好咁一樣一樣咁梳理同表達俾父母知。。。

所以就要完成番呢段同父母關係入面想做而未做既野：
如果大家可以坐低，或者係輔導員/社工幫手下坐低去和解，去講心底話，去聆聽係最好的； 如果現實中未能夠做到，就要係大家未必可以坦誠和耐心對話既大前提下，將一段關係入面未道既歉道左佢，未原諒既原諒左佢，未多謝既多謝番對方，未鬧既鬧番對方，未讚既讚番對方；未能改變既遺憾，未能實現既願望/期待，谷係心度既負面/正面感受，希望父母最終可以如何對待番自己，亦講番哂俾父母知道。。。

咁要講/做而未講/做既野做左，要表達而未表達既感受表達左，同父母既關係入面就暫時無野需要再去完成、再去表達，就可以話我地已完成哂直到而家要完成所有事情，所以就可以同以往父母照顧自己/一起相處果陣時經歷既種種: 不愉快經歷，遺憾，未能完成既事，想體會未能體會到既種種，未能實現既願望…正式道別。咁就可能可以由以往同父母相處既不愉快經歷稍稍平靜下來。(但美好回憶仍可保留，回味)

同父母既關係無論好壞都係好重要。呢兩段關係值得我地花D時間坐低，去好好處理番要完成而未完成既事。

咁具體可以點做?

搵個空閒既時間，安靜既地方，私下寫一封信俾父親/母親(一封信最好只寫俾一個人)(一般而言唔寄出去，不過想寄既亦可衡量對方反應之後，自行決定寄唔寄出去)，(以下只供參考，可自行選擇/加減/更改)
將影響你好深，牽掛係心入面而真係好想俾父親/母親明白/感受到既事，例如：

父親/母親做錯，令你好傷心/好嬲的時候 父親/母親講過D咩傷害過你既說話，而你希望當初佢地唔好咁講 父親/母親做過D咩傷害過你既事，而你希望當初佢地唔好咁做 覺得父親/母親輕視，唔重要自己既時候；如果可以，希望父親/母親係呢D時候可以明白並重視番自己 願意/唔願意原諒父親/母親既事，及原因
童年最唔開心，最無奈，最需要支持而父親/母親無陪伴到既時候 感到後悔，希望當初唔好咁講/做既事；如果俾你回到過去，你希望當初點樣對父親/母親(例如當初應該對父親/母親唔做/唔講/做/講D咩)
如果有得選擇，你想父親/母親當初點樣對你
希望父母唔好將自己同人地比較既時候
因父母既對待而感到自卑，無信心既時候
覺得被冤枉，被不公平對待既時候
同父母相處中感到無奈既事 令你感到矛盾，掙扎，茫然，不知如何面對既時候 有遺憾，如果可以想同父親/母親一起回到過去一起改變/重新經歷既事
如果可以，理想中同父親/母親既關係會係如何，唔會做D咩，會做D咩
未能達成既心底願望，理想，期待，特別係有咩想同佢地去做/講而未能做到/講到
如果可以既話，希望父親/母親明白自己既傷心/焦慮，並耐心陪伴及守護你，讓你好好依靠既時候 如果可以，希望父親/母親更有耐心教導自己，開導自己既時候 如果可以，希望父親/母親支持自己既時候
如果可以，希望父親/母親有朝一日對方明白你受過既傷，因此真心向你道歉及彌補既事
如果可以，希望有D事完滿解決左，之後可以同父親/母親繼續好好相處既事 感到尷尬既時候
屈係內心想俾父親/母親知道既諗法/感受
如果可以，希望有朝一日父親/母親會明白你貢獻/辛苦過，及其所代表既心意，之後感激你既事
如果可以，希望有朝一日父親/母親會同你講既說話，會為你做既事 如果可以，希望有朝一日父親/母親可以體會到你既心意/感受
希望同父親/母親一起做既事，一起去既地方 體會到父母既某D難處，希望同佢講辛苦哂既事 如果可以，希望父親/母親明白/體會到你既苦衷/辛苦，特別係因某D原因有口難言既時候
感受到快樂及善意，所以想多謝父親/母親既事
父親/母親既照顧及付出，如果可以，想以甚麼方式回饋對方
如果可以，想同父親/母親一起永遠停留係度的美好時光
感動既時刻
覺得受重視，被珍惜既時候
自己被溫柔對待既時候
感到滿足既時候 一起玩/一起笑時候 如果有得選擇，你會唔會想佢地做你的父母，及點解
最後想父親/母親知道既心聲

完完整整，仔仔細細咁表達出來。
不論大小，誰對誰錯都好好咁寫出來。
歡樂同淚水，滿足同遺憾，憎恨，記掛同無奈都寫哂出來。

呢D都係好重要既回憶，係人生中不可磨滅既一部分，無論結果如何，都值得去將去到最後，好想俾父親/母親明白既事: 收埋左既感受，未能改變既遺憾，未能達成既願望...仔細咁表達番哂出來。

如果係件事入面你認為對父親/母親唔住，寫完果件事之後可以係信度好好向對方道歉。

如果果件事父親/母親做錯而你係嬲對方/好有怨氣/受傷:
寫完果件事之後就係信入面正式原諒父親/母親，亦即正式唔再係呢件事情上追求一個公平既結果: 放低要求父親/母親去好好反思並真正理解你受既傷害既正當權利以及希望； 放低要求父親/母親去修複番你受既傷害既正當權利以及希望； 放低佢當時因種種原因未能好好愛錫你，關心你，公平地及好好對待你既遺憾/無奈； 同埋同呢段令人生氣/痛苦既事件道別，以重獲自由去好好咁生活。

但原諒及跟呢段回憶講再見之前(呢度可按需要自己調節需要同對方講既說話，無下面D諗法就唔洗理): 父親/母親做得唔好既地方就好好咁指責，並且係信入面令佢明白到當初佢既言語/行為/不作為到底點樣傷害左你，當初你其實有幾希望佢地可以公平地，好好對你而佢地無做到； 同埋話俾佢知，如果可以既話，希望佢有朝一日可以真係明白你所受既傷害，同埋為此而真誠後悔，重新以善意修複番你受既傷害。 另外亦可以指出當初係應該點樣好好對待你。


當然唔一定所有負面經歷/感受都一定會係嬲父母親/好有怨氣，例如件事入面你只係有D好想同父親/母親講番俾佢地知道而未能講既傷心事，不滿，焦慮，無奈，過去未能改變既遺憾，之後未能達成既願望及期待，咁可能就未必有野要需要被原諒，父母亦未必會有野你係想鬧/指責的。
咁就要好好諗下你真正需要既係D咩，係理想中有得選擇既話件事本身會係點樣的，以及父母係會如何對待你的，之後係信入面仔細咁描述出來。如果想，就係信入面同父母講而家要正式放低對呢件事既牽掛，並同呢段回憶講再見。

如果件事為你帶來好既感受，寫完果件事之後可以係信度好好多謝父親/母親，並好好回味。

續#2

最後係信入面寫下再見—亦即是同以往既生氣/傷痛回憶，想發生但未能發生既事情，想改變但未能改變既遺憾，想實現但未能實現既願望講再見，並結束今次既書信溝通。但同父母相處當中既美好回憶，如果想的話，可隨時回味。

如果可以，最好就將呢封信讀俾信得過既人/輔導員聽。
唔得就當佢係你面前，清清楚楚咁講一次俾佢聽，將遺憾，期望，期待，心底話好好咁講出來。


***請注意，封信一般而言係唔寄出去的，不過想寄既話都就自己小心衡量父母收信後反應再決定寄唔寄。唔想寄亦可考慮搵其他信得過既人分享呢封信。

多鳩餘

Push

你試一次咪知係咪多餘。

Too long didn’t read

簡單兩點
1. 搬走 減少聯絡
2. 接受父母就係咁 佢哋無受過正確嘅教育 自己將來唔好犯同一個錯

其他都係多鳩餘

Too long可以唔入來

Push

Push

Push

最好都係搬出去，自力更生，少啲磨擦，定期飲吓茶，食吓飯就得架啦。。。

Push

以前既傷害不能靠此復原

時間沖淡一切架啫

視乎唔同人，有D唔得
所以提出呢個方法俾大家試下
Ok就最好，唔得都無咩損失

當然，有唔少人係搬左出去就自行ok左
咁就更好，咩都唔洗做。

呢度只係話，如果因為父母關係而難受同好想解決，又揾唔到其他方法，又唔介意試下就可以試下。唔係話只要有呢方面既問題就一定要咁做/只有咁做先搞番掂。
可能係我講得唔清楚。

Push

Push

有啲情況卻是生死不相往還

我做咗一了
生活上係好咗好多
但原來到最後心底深處仲會想同佢哋和解

咁你呢隻真是一家人嘅拗撬啫

和解係咩意思先

比如我咁
我老豆係嗰種踩你當幫你
乜都彈到你一文不值嘅人

我嘅接受就係 明白佢細個都係咁比人屌到大
到佢經已六十幾歲人 唔會改變到

到而家同佢見面
佢都仲係屌嚟屌去
但我已經無乜嘢
有時剩係講啲嘻嘻哈哈嘢算
真係頂唔順就唔見一排

呢個post就係為左現實中想為過去既事和解而未必可以做到而出。
呢封信可能可以某程度上做到你想做既事。

可以試下係信當中描述番件事，以及：
為自己既錯誤言語，行為道歉
希望對方體會自己背後既難處，如果有得選擇希望當初會以甚麼方式對待對方
原諒他們為你帶來的傷害(但正式原諒前先清楚表達你所受既傷害，以及一路以來你和解既願望。)
如果想，體諒佢哋背後既難處
和解後，如果有機會你想同佢哋做D咩