就嚟聖誕，搵到份兼職聖誕老人，萬幾蚊一日，但竟然要搵命搏!?

今天是12月20日，還有5天就到聖誕佳節。全城各處、大小商場，都掛著不同的節日裝飾，準備迎接節日的到來。

在這種普天同慶的日子，總會有人抱怨著不同的事情。情侶或會怪責商家們炒作消費的重要性，令出外的消費負擔加重。單身的，又會覺得到處放閃的人很討厭，難得的假日都寧願留在家中不想外出。

以上的，都是關於自身利益或感受。而有些人所關注的，卻是有關信仰，與意義。他們覺得人們已忘記聖誕節原來的目的，是紀念他們所相信的救主降生成人的大日子。甚至有人將聖誕節的主角誤認為一個穿紅衣、騎鹿車的胖子，實在荒謬至極。

而我們故事的主角，阿誠，當然不是一個有甚麼信仰與崇高理念的人。他此刻所擔心的，只是他早前借錢炒option輸了的十多萬。

「點算好呀?我而家先Year3，仲有一年幾先畢業，返Part time都唔搵得幾多架!如果返去同老豆老母講，肯定俾佢地屌死都似呀!」阿誠內心非常不安。

想著想著，走到學校附近公園水池旁的長櫈坐下，以往有甚麼想不通的事，他都總愛坐在這裡，盤算著不同的想法。

突然，一股寒氣襲來，阿誠打了一個冷震。

「嘩!做乜突然咁涷既?好似入咗雪房咁。」阿誠望向寒風吹來的方向，有三個穿著聖誕裝扮的人走過來。

其中一個，是位白髮帶眼鏡的大叔，身型極為魁梧。一對健壯的手臂，在短袖版的聖誕裝下完美的顯露出來，而上身的胸肌與背肌亦撐得他的上衣脹鼓鼓的。

阿誠總覺得這個大叔非常眼熟，想了又想，終於想起原來他與炸雞上校(新版肌肉版)真的非常相似，只是肌肉量可能是眼前這個更勝一籌。

而另外兩個，是穿著露出度更高的聖誕裝的女生。低胸裝露出又深又長的事業線，緊緊的上衣更突顯她們堅挺的雙峰。迷你裙只是剛好遮著下身，吸睛的長腿表露無遺。兩位女生，一個是擁有白滑皮膚的長髮姊姊，另一個是及肩短髮的運動型少女。

這套犯規的聖誕裝，是哪個商場聖誕活動的指定裝扮嗎?今時今日的大型商場，為了吸引客人，真是不計成本，請這些模特兒級數的人，還要穿成這樣，相信也不便宜吧?

阿誠一邊想著，一邊欣賞著那兩個女生。

大概是他看得太過入神，直至她們走到阿誠附近，他還在偷看。

長髮大姐不屑的說:「哼，真係好討厭呀，係咁望住人地對波。」

阿誠一驚，馬上望向遠方，假裝只是欣賞著女生身後的風景。

短髮少女:「邊有可能呀?我地而家有聖誕魔法喺身，普通人邊有可能睇到我地?更加無可能會𥄫到你對波啦!」

白髮大叔:「Miko就講得啱喇，Renee你真係太敏感喇，一個咁既普通男仔邊有可能發現得到我地既存在呀?就算我而家一拳打埋去… …」

說罷，白髮大叔便向阿誠出拳，速度之快，嚇得阿誠立即從長櫈上站起來，往旁邊一避，但不小心失足摔了一跤，突然眼前一黑。

「嗯，做咩軟淋淋咁既?同埋，仲有陣香味既?」阿誠剛才眼前一黑，原來是整個人跌向了Miko，臉更剛好撞在Miko的胸前。

意會到發生了甚麼事的阿誠，趕緊站好，臉紅紅的向後走了一步，不斷向Miko道歉。

Miko笑著說不打緊，好像一點都不介意似的:「不過，原來你真係睇到我地架?」

白髮大叔也嚇了一嚇，剛才他其實只是鬧著玩，本想著自己的拳頭剛好到這個少年的臉前便停下來，豈料他竟能發覺他們三人的存在。

阿誠看著眼前這三個人，也一臉疑惑，忍不住問:「點解我會睇你地三個唔到呀?咁係咩意思?」

Miko笑著說:「哈，咁係因為我地三個有聖誕魔法，其他人係睇我地唔到既。」

「正確啲嚟講，係一般人。不過… …」白髮大叔托一托眼鏡，一臉認真對住阿誠講:「對於有啲人嚟講，的確係有機會可以睇到我地既… …細路，想唔想做聖誕老人呀?」

(2)
阿誠一險疑惑:「聖誕老人?乜唔係啲人作出嚟呃細路架咩?你地作故仔都唔好作到咁大呀… …呀!我知喇，一定係電視台嗰啲偷拍節目!個Cam收埋喺邊到?」

阿誠到處搜索，誇張的反應開始引來途人的目光。

白髮大叔笑一笑，搖一搖頭，已瞬雷不及掩耳的速度，走到旁邊一個大媽的面前，打了一拳(當然恰好在不足1cm的距離便停住)。

大媽好像完全察覺不到一樣，繼續呼喝遠方正在玩耍的兒子:「成日掛住玩，又唔溫書，第日大個咗要去KFC炸一世雞你就知死!」

白髮大叔仿似知道阿誠的想法一樣，再已更快的速度，在十來秒之間，把同樣的事情在其餘三個路人身上重新示範一次，好樣阿誠相信他們全都是路人，沒有事先串通。

阿誠目瞪口呆，簡直無法相信剛才所看到的事情:「快… …快到咁樣，你地究竟係咩人嚟架?定抑或，你地根本就唔係人… …」

白髮大叔指一指阿誠褲袋內的手機:「我諗你都係扮傾電話好啲，如果唔係旁邊啲人實以為你係痴線佬。」

阿誠拿起手機，假裝在通電話。

白髮大叔:「唔係人?哈哈!我地緊係人啦，我地係聖誕老人，呵呵~呵呵~，Merry~ Christmas!」

推
Merry Christmas!

Renee一臉嫌棄:「叫佢加入我地?上校你係咪傻咗呀?呢個咁既男仔邊有可能做到聖誕老人呀?」

Miko:「咁又唔係喎，反正我地而家仲爭個『傳遞者』，如果唔夠人既，過幾日我地就唔可以出動架喇!」

上校(白髮大叔)用力點頭:「Miko講得好啱呀，如果無得出動，留喺總部Stand-by既話，人工少好多架喇，你自己諗清楚啦!」

Renee聽後即扁嘴。

阿誠忍不住插嘴:「喂，你地自己一味喺到傾，乜我有話過我會做咩?唔好意思呀，雖然你地講既野係幾新奇，但我係唔會做咩聖誕老人架，係咁啦!」

上校眼見大好的機會要留走，馬上走上前搭著少年的搏頭，勸他不要衝動:「細路，冷靜啲，我都後生過，我非常明白你既諗法，嚟嚟嚟，過嚟先!」

說罷，便帶著阿誠走到水池的另一邊。

上校:「細路，男人唔係為錢銀就係為女人架啫。女人喇喎，你睇下嗰邊… …」上校指一指水池對面的Renee和Miko:「佢兩個幾正呀係咪?有前有後，而且我地聖誕老人總部入面仲有好多靚女添架!至於錢喇喎… …」

一聽到「錢」後，阿誠便兩眼發光的看著上校。上校便知道這個少年上釣了… …

聖誕正日，祝大家聖誕快樂!

(3)
「錢?有幾多錢一日呀?」

上校:「一萬蚊一日，只要集齊4個人一齊出動既，就可以有一萬五千蚊一日!由今日到12月25日，6日工作，總共9萬!」

九萬?阿誠心想雖然跟十多萬仍有一段距離，但已一口氣賺到大部分需要還的錢，剩下的再慢慢想辦法吧。

阿誠:「好!我應承你，我做!」

上校滿心歡喜的帶阿誠這位新成員到兩位隊員面前，作一次自我介紹。

上校:「Hi!我叫上校，細路你點稱呼呀?」

「我，我叫阿誠… …」

Miko興奮的說:「阿誠你好，我叫Miko，好開心認識你呀!」

上校:「Miko係我地團隊入面既『守護者』，可以話係你既拍檔。而我就係呢Team人既隊長，同時亦係團隊入面既『戰士』。」

阿誠:「『守護者』?『戰士』?乜聖誕老人唔係自己一個坐鹿車，派下禮物就得架喇咩?點解要咁多分工?仲要有咁多人?」

上校仰天大笑:「呵呵~呵呵~自己一個?咁係因為嗰個癲佬一個已經可以做晒我地一般聖誕老人要四個合作先做到既野。細路，你想要成為咁既存在，仲有好長既路要行呀!」

看著滿頭問號的阿誠，上校:「唔使心急，你好快就會明白架喇。至於Renee，就係我地團隊既『法師』。而你，就係『傳遞者』!」

上校拍一拍阿誠膊頭:「其他詳情，返到總部會再同你講架喇!反正你都要返去，得到聖誕樹既認可，先可以正式成為聖誕老人。不過，我相信你一定做到!因為能夠喺成為聖誕老人之前就睇得穿聖誕魔法既，全世界、歷史上都無乜幾個，而佢地最後都成為咗出色既聖誕老人。」

Renee搖一搖頭:「佢一定唔會得到聖誕樹既認可!就憑我係呢個團隊既法師，每個法師都會戴住由聖誕樹上摘落嚟既聖誕果所製作既飾物，可以話係團隊入面同聖誕樹有緊密聯繫既存在，直覺話我聽，佢一定唔會做到。」

Renee自豪地指著自己戴著的頸鏈，銀色的頸鏈上，有著一顆藍色的寶石，這顆「寶石」就是從聖誕樹上摘下來的『聖誕果』。

阿誠看著Renee頸上的佩飾看得入神，藍寶石般耀眼的果實，在雪白的膚色襯托下更是好看，阿誠的視線又不自覺的慢慢向下移，停在了那對雪白渾圓的雙乳上。

阿誠呆呆的神情，又引起了Renee的注意，意識到對方正望著自己的胸部，她連忙用雙手護著:「你又𥄫我對波!... ....咪住先!你睇到我地，即係話，你啱啱坐喺到唔係睇風景，係真係𥄫緊我對波!」

阿誠不斷否認:「唔係呀，唔係呀，我只係望住你條頸鏈咋，你條頸鏈... ...嘩!」

Renee的頸鏈突然發出極強的光芒，四人差點就睜不開雙眼。

(4)
這股強光，Renee以前從來沒見過，為甚麼聖誕果突然會有這麼大的反應呢?難道是因為眼前這個男生?

聖誕果所發出的光芒，在下一刻全湧向阿誠身上，阿誠忽然被藍光所包圍。

不知所措的阿誠不斷掙扎呼叫，但只被神秘的力量壓著動彈不得，亦喊不出任何聲音來。旁邊的三人一時之間亦不懂作何反應。

藍光一瞬間又轉換成紅光，強光刺得眾人連忙閉起雙眼。

當大家再次睜開雙眼的時候，只見眼前的阿誠已換了一套聖誕服裝。可這套聖誕裝仿似是給真正的聖誕老人所預備，在纖瘦的阿誠身上，就像大了幾個碼一樣。

阿誠:「嘩，到底發生咩事呀?點解我會換咗套衫既，仲要咁大件咁唔啱身既?」

上校開始解釋:「每個啱啱被聖誕樹書認可，成為聖誕老人既，都會得到一件咁樣既聖誕裝，傳說呢個Size就係當年第一位聖誕老人所著既聖誕裝Size。隨著你既能力有所增強，件衫亦會慢慢變化成適合你既型態。」

Miko好奇咁問:「不過，我從來都未見過有人可以喺總部聖誕樹以外既地方，被認可成為聖誕老人，究竟係咩一回事?乜唔係一定要喺總部，先可以被認可架咩?」

「唔係!其實唔一定。」從強光出現開始，便一直沉默的Renee終於開口說話。

Renee:「我曾經聽師父講過，喺歷史上，亦有好幾位既聖誕老人，係好似佢咁樣，透過其他法師身上既聖誕果，成為聖誕老人… …不過!一定係搞錯咗!我要返去總部搵師父問清楚!」

上校嘗試令Renee冷靜落嚟:「好喇好喇，冷靜啲先，點都好啦，我地都要返去總部先架喇!不過話時話，阿誠你而家應該可以睇到你自己既能力架喇喎。」

「能力?」阿誠心中一出現這個念頭後，他的視線範圍便出現了一個半透明的視窗，顯示著不同的能力值:

-力量:1
-體力:1
-敏捷:1
-感知:1
-魔力:1

《習得『初始技能』》

阿誠:「初始技能?」

上校大笑起來:「呵呵~呵呵~無錯，你終於都發現到喇，嚟嚟嚟!快啲睇下你既初始技能係咩啦!」

阿誠跟著上校的指示，開始查探自己的初始技能，只見技能名稱和說明馬上出現在眼前的視窗上:

《神速的脈衝》
「反應時間比常人短，能作出極快的反應，甚至預判對手的行動」
-敏捷+3
-感知+3

《阿修羅閃空》
「達哥:『阿修羅閃空!』」
-敏捷+5


「《神速的脈衝》… …」

一聽到新成員有這個不錯的初始技能，上校笑得合不攏嘴:「《神速的脈衝》?我有聽過唔少上級既聖誕老人都有呢招，非常適合傳遞者，太好喇!」

看到上校那麼高興，阿誠頓覺自己的運氣尚算不錯:「仲有呢個《阿修羅閃空》?乜啲名咁怪既，哈!」

其餘三人呆呆的看著他:「咩話!?有兩個初始技能!?」

終於有人留言

Lm

Lm 個topic幾有趣

幾正

主角聽到team入面有”戰士”都唔醒水

個題材又幾得意

Lm

Push 題材幾搞笑

有趣，不過係咪要下年聖誕先埋到尾

(5)
一聽到這個新人有兩個初始技能，其餘三人都嚇壞了，畢竟這可不是正常會發生的事，不知多少個聖誕老人才會出現一個這樣的例子。今天遇到的這個人真是帶給了他們太多的驚喜了。

Miko搭著阿誠的肩膀，笑著說:「嘩!雖然隨住每個人既成長，技能都會越嚟越多，但初始技能對於新手嚟講，真係非常重要。你能夠有兩個真係太好喇。」

上校傻傻的看著阿誠:「你係就係有兩招初始技能，但並唔代表咁就好勁架。好似我咁呀，雖然我只係得一招初始技能---《閃電全增肌》，但我招初始技能係[成長技]，即係代表用得越熟練，效果會越強架。係咪好犀利呢?呵呵~呵呵~」

看到大家開始把他當成怪物看待，阿誠都不好意思說下去… …看來每個聖誕老人並不能看到其他人的能力值與技能視窗，這樣對阿誠來說倒是不錯，因為他不想讓其他人知道，他其實還有一個初始技能… …

《最初的祝福》
「???」
[成長技，隨熟練度增加，技能效果會有所增強]
當前效果:
-各基礎能力值+1
-各基礎能力值成長速度+10%

說明欄的「???」到底是甚麼意思?這一點讓阿誠非常在意。

但上校的說話打斷了阿誠的沉思。

上校:「好喇，唔好再講喇，我諗我地都係時候出發去總部架喇，我地行啦。」

等錢洗，佢都無計