杜狗捧女團捧到班囡飯都唔夠錢開，要人出去做兼職

踏J尋梅 2023-12-23 13:35:18

喱Dao女團EOS 見步行步
好與壞都是杜汶澤

等足11個月終出新歌
Hazelle靠補習維生： keep住prepare keep到幾時？的確好煎熬！
Summer去音樂節炒散：喺後台搬搬抬抬，我要生存呀！
Lokyi非法集結脫罪欲離隊出國讀書：只係諗法，再從長計議！

================================

#杜汶澤「 #喱Dao 」女團 #EOS ，去年到韓國特訓學跳舞、錄英文歌《Big Bang》，今年1月正式出道。老闆是杜汶澤，是賣點，也是遇不可抗力的關鍵，EOS步步為艱，願意幫忙宣傳的平台不多，肯播她們歌曲的電台更少。「少」並不代表「無」，至少《Big Bang》曾經得過商業電台專業推介第一位。

距離上一首作品，EOS足足等了11個月才推出第二首歌《Sexy Dangerous》。8月推出寫真時，老闆阿澤set了target，要賣過5000本才會推出下一首廣東歌，最後銷量未能達標，但老闆阿澤照樣支持，開綠燈出歌，還找來老友 #J.Arie 、#藍奕邦，為EOS作曲及填詞。

等了11個月，期間EOS工作不多，想堅持，都不能空肚講堅持，三位成員坦言各有掙扎。追夢過程就是充滿現實殘酷，無需美化，不用掩飾有血有肉的失落與煎熬。EOS說等出歌唔係問題，諗辦法解決開飯先係重點。故舞台下， EOS是音樂會搬搬抬抬的散工、是補習老師。未發光的生活體驗，可視作表演的養份。

【Hazelle做補習老師】
隊長 #Hazelle 老實說：「又唔係成日出現喺人前，等待時間係好長，當中出現焦慮、迷惘嘅情緒會多一啲，唔知下一首歌幾時有，下一個舞台演出要等到幾時！我要keep住prepare要keep到幾時，的確係好煎熬！」不讓自己有太多時間胡思亂想，Hazelle盡量充實自己，「彈琴、唱歌，甚至去讀有關經濟嘅嘢，keep住搵啲嘢嚟做吓學吓，唔好畀自己諗太多無謂嘢。」有家庭負擔的Hazelle，要解決自己生計，所以做part time幫學生補習賺錢，維持追逐女團夢。

【Summer音樂節炒散】
至於 #Summer ，直言只能等，無膽問公司，「唔夠膽問幾時出歌，無辦法唯有學多啲嘢增值自己。」同Hazelle一樣，Summer除幫學生補習賺錢，還在音樂節做跑腿，「之前都有去音樂節炒散，喺後台搬搬抬抬，經理人唔想我去做，話我係artist，點可能幫其他artist搬嘢，我覺得無所謂，我要生存呀！同埋又可以識世界各地嘅DJ，可以同佢哋交流，對我嚟講唔係一件慘事！」

【Lokyi脫罪就夠】
涉2019年9月在旺角非法集結控罪的Lokyi，於本年6月被裁定罪名不成立，不用再到警署報到，不用再提心吊膽。已成過去，Lokyi不欲多說，只簡單表示：「普通人都好難承受嗰樣嘢，之前要默默承受，既然而家冇事，就開開心心咁行落去。」

對比昔日官司在身，等待出歌算不上甚麼，Lokyi說：「一年話唔長唔短，我哋嘅情況係比較難行，不過都終於出到新歌，覺得好興奮、開心、感恩。呢一年慢慢成長， Keep住學跳舞唱歌，好好裝備自己，實力唔係話超班，但比起之前係好咗好多。」

【相聚少欠團魂】
除出騷或宣傳， EOS三女私下甚少見面聯絡。由訓練、出道，至今合作一年多，但團員關係可能連朋友都稱不上。團隊需要團魂，團魂需要相處培養，面前的 ESO有點散，問Lokyi明年有甚麼打算，她口快快露離心：「可能有機會去外國讀書！（咁EOS點呀？）大家努力吓先啦，哈哈！只係諗法，再從長計議！」第二首歌等了11個月，未知有沒有推出第三首歌的機會，EOS見步行步。

撰文：肥A

#娛壹

踏J尋梅 2023-12-23 13:35:49