好可能係咁，我哋嘅本源就係一個集體意識，即係話我哋本來係神 / 高等生物，叫住「神」先。
但𠵱個神太悶，寫咗個虛擬世界 game 出嚟，分裂出兩個意識入咗入面玩（你當佢阿當、夏娃）。
而透過自己之前寫嘅扑嘢機制，又分裂出第三個意識出嚟（你當佢叫該隱）。
而扑嘢扑咗 N 代，𠵱個虛擬世界就有而家咁多人（大約 80 億）。
由於集體意識（虛擬世界出面玩 game 嗰條友）不滅，所以而家係個神 / 高我大概玩梗 80 億個「分意識」，有啲人叫「小我」。
所以量子物理學嘅雙縫實驗會 work，係因為個世界係「觀察」出嚟。
咁諗法，從 reverse engineering 角度，如果𠵱個「小我」每一個片刻諗 / 相信衰嘢（eg. 殺人放火金腰帶），「小我」就會經歷返衰嘢
所以講咁多廢話，講到尾就係盡量每一個片刻諗 / 相信 / 觀察好嘢，咁「小我」就會繼續經歷美好嘅體驗。𠵱 term 個人類叫做「感恩」。
而理論上，如果 80 億個「分意識」都讚 / 相信 / 諗個神係美善（千祈唔好諗佢係殘忍），感恩自己擁有嘅，即係代表世界會變好
即係話我相信諗法 / 觀察會改變因果，我哋只衰要做個諗樣，然後睇好嘢
