搵dell整部手提電腦整到一肚氣

上年black friday喺美森買咗部dell （G16 7620）, 11月中突然開唔到機，咁我上網睇返個保養去到2024年2月，於是我就打去香港dell求助。

佢地check完個service tag，話我個保養係美國only，如果要硬件保養，就教我搵美國Dell, 話已經relocated咗部手提電腦去香港，所以而家要將個產品轉做香港地區，然後再搵返香港dell呢邊續保同upgrade至support pro, 咁香港先有硬件保養。

來來回回搞咗好耐，終於成功轉咗地區, 再搵返香港dell比咗大約2700蚊續保養同upgrade個保養。之後再來來回回拍片去影自己點開唔到機, 搞咗一排，終於話派師傅上門整。當時曾經以為見到曙光，點知係惡夢嘅開始…

過咗幾日，個CS打返嚟話 香港冇呢個零件，整唔到，唔好意思，佢似想咁就打發我走。但我地區就轉咗，保養方面又比哂錢佢最後話transfer個case去customer care部門跟進。

其間我試過搵美國dell嗰邊求救，佢地又話個產品地區已經係香港，最後又推返我比香港dell呢邊跟。而我冇美國地址，亦都轉唔返個產品去美國。

如是者，等咗半個月都冇任何回音，直至我上個星期五再打去customer care部門追問，又要重新講返成件事，佢問我其實而家個要求係咩（大佬 我想整返部電腦咋）, 之後只係再覆多次話整唔到，試下幫我就個續保+upgrade嗰大約2700蚊申請返退款。話應承今星期再覆返我，結果到今日星期五都係冇影。

而家我又搵唔返美國嗰邊，就連嗰2700蚊都唔知拎唔拎得返。冇諗過搵dell整返佢自己出嘅手提電腦都會整到咁一肚氣+心力交瘁。

大家有冇處理同類型事件嘅經驗，最後點解決？

都幾哂時間下

全部退錢 搵美森搞

香港地區無賣你依款的話 都真好難有parts .

美森買機攞來搞

dell一定要係美官網買, support pro只係加少少錢
amazon買係mail 做保養, 轉hk會gg, 等於無保

老老77, 買過一次dell, 以後唔會再幫襯, 9到暈
利申: 係尾國住, 官網買

買過香港行貨，只係啲小問題都係肯整，重係上門整

點解要搵香港dell

買水貨就係為咗平啲價錢而放棄保養
搞咁多嘢俾錢轉香港保養點解唔直接買行貨

唔買thinkpad的後果

你嗰隻model香港冇賣何來零件幫你整，啲客服唔識嘢撚鳩你係一回事，你唔睇warranty policy係你自己問題

雖然warrenty policy啲細節條款唔expect你睇哂，但你如果問到全球保養，佢地都會主動提全球保養既risk我都係問完先決定本地買

試過深水埗整dell個職員話原廠整好貴
介紹去佢個friend到整 又係食水深嘅

最後整唔整到先

真

好on9

只要願意放棄mixrosoft office


人生就慳好多時間


我用緊mac 機琴晚食冬至飯

你就係度同cs 食 凍智飯

買牙石丫麻 國際保

有牌子有國際保既 平2-3000 囉

樓主仲要俾錢轉地區保養
真心佩服

多謝大家回覆

其實當初點解搵香港dell，係單純以為課金返廠整 應該係最簡單直接。我又真係柒咗嘅，一路佢叫我做咩，我就做咩，從來冇諗過會整唔到，原來所謂升級嘅全球保、硬件保，都只不過係咁。而家我已經唔奢望能夠整返部機，只係希望拎返嗰2700蚊買過部。

BTW，佢個CS, TS部門應該都好大部份搬咗上大陸，想搵個香港人跟都難，所以我呢刻都冇後悔過唔買港行