話說我當年中讀緊中一
對面屋就黎左個大約4-5歲既細路
估計係被不負責任既父母當成人球
從而輾轉去到呢間有暴力傾向既家庭寄住
我好有印象一黎到就日日打
打到我讀中三搬走果日都仲打緊
一打就打幾個鐘
但打打會停一陣再打
總之就係要個細路承受最大痛苦又唔死得
好多次打到個細路不斷求饒同尖叫都唔停
呢種撕心裂肺既慘叫聲真係聽到我好憤怒同好心噏
但最令人憤怒既
打成咁往往都只係因為一啲小事
例如係唔小心整跌個杯等等
當時有無數次想報警
但都畀我老母發狂咁制止
因為佢好怕得罪果家人
我好有印象我老母係歇斯底裡叫我唔好報警
又話係人地家事唔可以理
又怕對方係飛仔係黑社會
話我得罪佢地會出街畀人斬死
又怕我因呢啲小事報警係浪費警力
會留案底同被警司警介
又話我會被人告上法庭
又話我會坐監搞到一世無晒前途
當時仲細真係唔識諗
就咁畀我老母兇倒而放棄報警
依家諗返起真係後悔莫及
其實都有好多年冇諗起
可能真係最近有咗小朋友
令我回憶返好多細個時經歷過嘅嘢
呢單真係令我最心噏
每次諗起都會有感同身受既痛苦
點解一個只有四五歲嘅小朋友
要去承受呢一種可能連好多大人都無法承受嘅痛苦同恐懼
點解我偏偏有呢一種咁怕事嘅老母
令到我想夠都救唔到佢
令我有種無法釋懷嘅感覺
真係好後悔好後悔好後悔
點解我會畀我老母呢啲咁on9言論兇到？
點解我唔可勇敢d去報警？
點解我唔去試下問下其他大人（例如老師或其他長輩）既意見？
真係好想時間返轉頭畀個機會我救佢
LM push
