第一，你見人地差落幾百萬先破，但你見唔到人地本來搵緊幾多。撇除TE二線財仔、抵押貸款，單論TU無抵押私人貸款，非專業人士/公務員係Tu跑到月薪25倍已經好盡，所以睇人地破產經驗唔可以單睇破產金額，要睇埋人地本來嘅收入、職業、貸款組合。
第二，你堅持死頂繼續還，每個月都攞唔到錢返屋企，咁你屋企人咪仲辛苦，而且年輕破產比起晚年破產有個最大好處，你未來仲有機會係人生拼搏嘅黃金時間TU洗底重新開始，人到中年先破產收到解除令再等TU夠期洗底，都已經差唔多退休。
最後，如果你真係咁珍惜份得來不易嘅工作，可以考慮做IVA/DRP，兩樣都可以幫你拉長還款期降低月供金額，但其實一樣會係TU留紀錄，除非IVA/DRP期間全程冇遲還/斷供，否則一樣要等供斷5年後先可以TU洗底。但我唔知你公司會唔會定期做TU審查，有的話可能都會對你份工有影響。
另外仲有一種叫TU轉身嘅plan，簡單講就係借舊錢比你全清TU數，跟住用信用卡洗到TU變A-C grade，再同銀行攞返啲低息期數長嘅貸款清數，變相結餘轉戶咁。但係我
絕對唔建議做TU轉身，因為一般只有二線財仔會做TU轉身plan，但佢地啲利息、門口、扣底、手續費唔係講笑的，分分鐘做之前30萬數，上返銀行變左4-50萬數。其實算係一種貸款陷阱。
唔好問我有咩公司推薦，廢事比人話我R生意
利申以前做財仔，見過好多後生借爆TU就舉手破產，金額比你細嘅大有人在。
人生總會有轉機，Good Luck
