𠵱個神咁諗，我哋都知道晒所有嘢，咁悶不如整個世界出嚟玩。反正我哋係神，靠把口講乜有乜。
個世界真係透過宣告（靠把口）整咗出嚟。但個神話：「世界就整咗，但有得睇冇得玩，不如我哋整個機制出嚟，令我哋有得入去玩。」
但整一條友都係太悶，整兩條友有得扑嘢，然後透過扑嘢機制，集體意識靈魂不斷分裂出無數個體靈魂出嚟。
但個神又諗，我入咗隻 game 入面，就唔記得咗自己係邊個，咁我喺入面殺人咪大鑊？咁隻 game 唔洗玩啦。
於是整咗個 feedback loop （反饋圈）嘅機制，如果喺人生中揀「好」嗰邊，人生就愈嚟愈順，反之不斷體驗痛苦，𠵱個機制亦叫輪迴。
而輪迴多生多世學嘢固然係好，但明晒嘅人唔會想繼續 loop，於是又整咗個機制叫耶穌，好揀單咁信佢就可以 break 到個 loop。
聖經有提過祖先亞當食咗分辨善惡樹犯罪會死，其實意思係神悶到畀人有智慧，神唔知畀咗智慧人會點，但神又好想試。
但神畀咗人智慧，就要整埋死亡，如果人類唔小心揀晒「惡」嗰邊，分裂出嘅靈魂就要永久體驗肉身之苦。
直到人類學識晒啲好嘢，即係愛人如己、唔殺人嗰啲，再信有一個獨一真神，下世就唔洗再輪迴
—
同埋記住每一刻心識等同祈禱，諗衰嘢將來就要受報。
例如你而家諗賺一百萬，佢唔會即刻變出嚟，但個集體意識係知，佢會安排最好嘅路畀你，而最好嘅方法就係「隨緣」，如果基督徒就叫「一切聽神安排」
人類有一種幾差嘅諗法，就係自我中心，想做神同自己主宰人生，結果條路愈行愈衰，因為人類唔係全善，唔識揀晒「善」嗰邊
𠵱個世界有啲人拜金、銀、銅偶像 (eg. 印度教嘅象），愈求愈衰，佢會影響一個人嘅心性（我體驗過），而心性差咗，人生會愈走愈難行。而聖經一早講咗唔好拜，但人就係有求知欲，想試下係咪求咩有咩。
最好嘅做法（其實都係估）可能係求完個神，然後隨緣接受將來發生嘅一切事物，因為嬲個神等同嬲自己，而大家都係神嘅一部分（分靈）
我仲未明晒（我承認我冇神咁高嘅智慧），以上只係我嘅睇法
