召集離咗婚嘅巴絲（2）

求意見….

結左婚3年，有1個小朋友，當初因為有左而結婚。

拍拖好正常，雙方家庭都關係幾好，但直到發現有左，雙方家庭因為結婚而嘈，正確啲係我老公係傾結婚既時候發脾氣自己走左去。

最後都結左婚生左小朋友，小朋友出世後都經常因為雙方屋企人而鬧交。小朋友10個月大我地就移左民，移民後的確我地嘈少左好多，但每次牽涉到有屋企人又會再嘈。

最近我地翻左一次香港，最後一晚我老公又因為屋企人問題同我講離婚，已經係佢第3次提出，我曾經同佢認真講過離婚唔可以隨便講，如果再講就當真。然後我地離開香港，但翻到去再討論佢講離婚既事佢都仍然覺得自己冇錯，係我同屋企人令到佢咁講。

我覺得真係係段感情上好疲倦，唔想過住嘈交既日子，亦唔想小朋友成日睇住我地冷戰/嘈交。想問下有冇過來人都係咁既情況離婚？

Sorry for 1999

最近一次就係因為佢覺得我屋企人冇人聽佢講嘢 所有人都淨係聽我媽講嘢
其實好多都係好小事 尋日為左掉唔掉一個紙盒麵可以發脾氣⋯⋯⋯

關係咁差
唔好比你老公見你屋企人算啦

但冇可能一世都唔見…….

兩邊都會嘈

我都認同覺得佢唔愛我，可能分開真係比較好

件事起因係一齊去睇一樣野
點知A地點好多人，當時個仔訓左教，我老公唔想同人逼，佢提出不如翻屋企。個時大家都feel到佢發脾氣，就應承左。然後我老公中間有提出去B地點睇，但冇人有回應，因為當時大家搵緊路點翻屋企。
去到地鐵站，我個仔醒左，我媽提出不如去B地點睇，然後大家就一齊去。我老公就嬲左發脾氣自己走左去，間接令我父母都鬧交。
最後我同我父母+我仔去左B地點睇，我老公打黎同我講離婚。

On9到咁 佢幾歲呀

我面對緊一個NPD 嘅丈夫，每日都要pua我令到我唔開心，例如我做完家務休息一陣就話我唔做嘢，取笑我身材，成日話我蠢，有時為免講錯嘢激親佢，所以好少同佢對話，打電話嚟都扮聽唔到，一係就比我個女同佢講，自己行開，因為就算喺電話佢都會不停Pua我，令我原本開心嘅一日會好失落，好想離婚，但我哋已經移民咗英國同埋個女只得六歲，因為要接亞女放學照顧佢又唔可以自己搵份工避開丈夫嘅Pua同大聲責罵，例如講錯一句嘢佢就會好大反應鬧翻我，我娘家冇地方我瞓，老豆又行動不便，我阿媽又唔想我返屋企，所以唔可以返返香港，我依家冇地方可以令我平靜，好想自殺跳落河算數

因為唔同喺香港我有份工返，而家英國生活要佢一個人支出，但係總數比香港使費平，不過喺佢角度來講，佢認為我食佢住佢，所以對我幾差都得，之前仲試過出手打我，我搵過當地教會求助，希望佢哋俾啲意見我點同NPD嘅人相處得冇咁痛苦，但係我覺得佢哋幫唔到我，一直叫我討好另一半，話我呢啲經歷好小事，唔好郁D離婚，但係我依家真係好辛苦，日日咁俾我丈夫因為我做錯少少事就會侮辱同鬧，我真係好想聽日送咗返學之後，自己跳落河浸死自己

其實屋企經濟唔成問題，佢依家返緊份全職工作，只係佢嘅自戀型人格障礙症狀，嚟咗英國之後，因為Work from Home，對我多咗，所以更加嚴重，而我更加痛苦，俾佢鬧完之後，我仲要保持平靜嘅心情同我個女相處，我盡量已經少講自己唔開心嘅嘢俾阿女聽，我呢度有其他朋友，但係啲朋友全部識我丈夫，所以唔方便講自己嘅處境，就算平時睇多啲追星嘅嘢，只會帶我短暫嘅溫暖，但之後都唔可以平復我嘅心情，睇完會好失落，因為知道冇男人會咁溫柔，螢幕睇嘅嘢都係㗎。

唔好睇唔開，建議你同你老公保持距離先，尤其係佢已經出手打你⋯返香港搵社工搵地方暫住，身邊多啲熟悉嘅人你壓力都可以細啲，如果你唔想返香港咁遠或者唔想令屋企人擔心，都係建議你同當地朋友講下，你講咗出嚟，如果有外力介入可能對你老公個情況都會好啲，你有人講下都會輕鬆啲，重點係唔好迫自己埋牆角，你諗得了結自己，點解唔諗下破斧沉舟？大不了咪返香港自己重新嚟過。
先唔諗離唔離婚，咁樣嘅婚姻我覺得算係危險，亦冇可能長期維持落去，對個女都唔係好事，6歲乜都識聽識諗，你老公咁對你，其實個女都會受傷害⋯

佢要諗埋個女。。。