人心中知道上帝嘅定位係完美，但誤會咗如果神係完美，就唔會創造𠵱個咁多痛苦嘅世界。而最諷刺嘅係，人係透過經歷𠵱個痛苦、唔完美、唔公平嘅人生，先至學識咩嘢係「好」
而基督徒亦睇少咗魔鬼嘅智慧，其實好大可能由創世之前，魔鬼嘅意識已經存在，所以人亦誤會咗神創造嘅第一個世界係完美。
而魔鬼嘅工作，係令人誤會咗神嘅屬性係殘酷、冇憐憫、唔做最好嘅嘢畀人類，所以唔好信𠵱個獨一真神，𠵱個神係假，係冇嘅。
所以歷史上，個神透過唔同方法不斷同人講，你信我就得，唔好搞咁多嘢，整啲假神、公仔去拜，又去占卜求方向、整埋術數出嚟。
當然拜啲假神梗係有效果，因為有 1/3 嘅靈係魔鬼嘅使者。
個神冇變過，係人類解錯咗，自我中心認定咗個神係衰，人要自己揸主義話事，唔信神
所以明白咗成套邏輯，就知道個神係利用各種方法逼鳩你信佢有更好嘅安排，唔好乜都認為自己嗰套先啱，神嗰套係錯。
如果人再只信自己，就要不斷體驗痛苦，個機制係逼你醒，真係逼鳩你信佢
