冇得就咁「悟」，係靠經歷「奶嘢」
當你接觸晒水晶、佛牌、撞鬼、法術、術數、New Age，而有幸𠵱啲嘢仲未玩死你，就會自然明白
純靠修心打坐冇乜可能「悟」到
例如接觸過六壬、茅山，你會諗如果嗰啲所謂嘅神、佛係有智慧，點解會容許鬥法？點解求僮，拜個小說人物，又真係上到身？點解去到傳教嘅師父，心性、情緒仲比一般人差？
而事實上有體驗過，就知就算拜假神，啲嘢都會 work，唔 work 就唔會有人信，啲鬼就係想你死。
又話者塔羅占卜，有人學過都知會準，但好明顯科學解釋唔到點解明明數學上我 random 抽隻牌，都會講得出對方嘅狀況。於是你會諗，背後嘅「力量」係來自邊度。
又話者學過奇門遁甲，明明個盤都係跟據現時 timestamp 排出嚟，點解只要你解釋佢，會準到連對方屋企有啲咩都講得出？背後又係嗰種力量。
信𠵱啲嘢嘅人未必係傻，如果完全唔 work 或者心理作用，就唔會有人信佛牌、水晶
從對靈界嘅接觸，於是會 reduce 出真係有個神、創造者，而其他都係假嘢，係鬼嚟。
—
至於個真神係咪亞伯拉罕諸教嗰個，就不得而知。
但佢哋嘅本聖經又真係寫到明：
「你們中間不可有人使兒女經火，也不可有占卜的、觀兆的、用法術的、行邪術的」
但啲人會覺得亞伯拉罕諸教嘅教義好自私同排他，但如果事實上其他宗教拜嘅力量真係嚟自魔鬼，個真神寫本「攻略」係冇得唔排他
但好諷刺嘅係，普世價值覺得包容先係好，所以啲人偏向唔信，人喺低潮都會接觸𠵱啲嘢，而又真係 work work 哋，然後相信咗鬼嘅力量
