其實護士移民係咪真係唔使咁驚太遲？

遲下咁多內地專才黎免試做護士
俾你拎住香港護士牌
人地仲會唔會承認呀

Real?

先考英文換牌
只要大灣區班"海外"護士可以直接換牌，我相信外國要你考practical/written exam只係遲早嘅事

HA咁大力推緊大灣區醫護
你覺得過多幾年仲係咁易轉到個牌？
醫護唔多唔少都係食正post covid條水先收咁多移民

利申：一直支持係香港搵多幾年錢先

6年後
你諗下6年前咩世界先
6年前香港股票仲未到頂 樓市仲未去到最顛嘅時候
武肺都未開始 陳同佳都仲未去台灣旅行
香港大部份人連一次遊行都未參加過

你竟然幻想6年後仲需要大量護士
護士只係因為武肺 仲要全球性 先突然令全個世界都要大量護士
要收人 就算開多幾班去train. 6年後咩都夠晒啦
人類歷史上未試過咁缺護士
就算03沙士 都只係香港人手有少少缺

你係自己身價最高果時都唔珍惜
就唔好埋怨

護士移民加拿大可以EE

都唔係 醫護呢啲厭護性行列從來都缺人
醫療進步人口愈嚟愈老化
工時長壓力大又要shift唔係全部人都做到退休
COVID只係加快流

不過既然講到咁唔鍾意香港
仲等6年咪浪費時間 到時慣晒只會更難出comfort zone
要走襯後生走 去外國儲經驗仲好
外國有機會唔承認香港經驗
到時重新嚟過就難

六年？人生嘅野，一年你都講唔埋⋯仲要喺呢個日日都變衰緊嘅香港⋯

恕我唔客氣，樓主想法好幼稚⋯

樓主如果真係一早明白呢個道理
就唔洗開post問人六年之後先走好唔好

我再睇多次，原來佢要兩年畢業，再做六年合約，加埋其實係八年

我都想問佢八年之前有冇諗過今日諗住移民？做乜唔八年之前plan好咗而家先plan

呢個真，香港啲專業到嗰日個世界仲認唔認都成問題

八年前樓主應該係中學生？

六年後又唔知會唔會打世界大戰，中國同其他外國會唔會做晒敵對關係，你仲話想移民

我個例子聽落好似好誇張，但係真係冇可能又唔係，世界日日變緊

你想做嘅嘢好而家做咗佢，八年……你八年之後再po過啦

唔關職業移民事

到時有機會唔承認香港學歷。點移？

我咁樣同你講, 6年, 一D都唔遲。

你會怕遲, 係因為你手上的子彈就得RN DEGREE呢樣野。
你都講會做HA, 6年約滿計你又肯半慳住洗, 舊錢要儲到7位數唔會難。

6年入面, 你除左讀MASTER, 最好找下其他你有興趣、果邊又有一般需求的發展埋。

6年後, 你有MAS學歷, RN 6年經驗, 副修左當地需要另一行的專才能力, 有舊錢。難聽果句, 到時你根本唔需要再靠低門欖的BNO移民。

如果你係單靠門欖低的技術移民, 你去到適應唔到就會生不如死。

上面D人講咩「今日唔走仲留來做咩」
首先佢地忘記你只係兩年後的FG仔一個, 除非你正職係兒子或女兒, 就算你唔帶家人同另一半去, 都有經濟同其他壓力面對。

二來以前無BNO開放移民, 香港人咪一樣照移到英美澳加日。BNO等類似方法只係多左新路咁解, 舊路一樣行得通。

香港難以變好番係現實的事, 但你依然可以靠利用香港來裝備好自己, 跑嬴世界其他人。千奇唔好信大部人咁講, 叫你毫無準備就去移民, 你咁做只係用另一個惡夢去取代而家的惡夢, 你記住, 你目標係要開始發美夢。

連登咁多人連基本數字、常識缺乏兼文盲, 上來求意見真係訓練批判性思維的好地方。

唉, 比我就話樓主做咩唔投胎果陣做李生D孫仔女, 咁樣你想點PLAN同幾時PLAN都得啦

咁你繼續發下夢啦 加油

護士移民簡單啦，美、澳都係好選擇
真係唔好揀英國，NHS人工真係低到令人髮指

水人無準備移民有幾難, 呢度打幾隻字無責任的

反正到時人地炒左車, 你都只係會笑人weak 同嘲笑佢的失敗

但願移民的香港人少d好似你呢種無同理心的人

醫護移民一律唔建議英國

正解, 所以我先建議係靠香港醫護舊收入上埋master學歷, 同時修定副業去uk發展

多謝你
用另一個惡夢去取代而家嘅惡夢係我最驚嘅嘢

你就真係講經
唔係門檻高低既問題
係醫護專才幾乎係永遠唔會落閘既專才職業之一
你叫樓豬用2+6年時間去一路賺錢一路發展另一門手藝 到最後最容易移民既咪又係醫護
定你想講樓豬應該要創業搞到上晒市咁 就容易移到民?
定係做IT狗工程狗 然後搏有公司sponsor移到民?
我當到時樓豬又搵到錢又投資有道 渣住500萬cash 好未 有邊個發達國家500萬就可以移到民?
如果你講BNO或者加拿大呢D開俾香港人既特別visa
佢一落閘樓豬就hihi 仲要靠呢D pathway移民既人只會越黎越大 同樓豬差唔多學歷經驗 甚至更好既競爭對手都只會越黎越多

根本移民一定係越早越好 不過樓豬個情況係連書都未讀完又未有穩定收會先會叫佢考慮下個風險

其他手藝其實講到尾都唔會幫到樓主移民
佢最值錢嘅skill就係「讀緊相關科目，有機會做到護士」

依家連skilled worker嘅簽證都話要提高要求
創業移民遲下只會越黎越難 甚至cancel埋

救生艇都係趁早上
落左閘去唔到真係無得怨人

以樓主個case比盡都係讀完書就好即刻走啦等完第一份約就太耐啦