葉劉批評延長投票時間完全沒用 對故障極度遺憾
葉劉淑儀晚上繼續在杏花邨為新民黨候選人拉票,她接受訪問時回應電子選民登記冊系統故障,稱選管會將投票時間延長至午夜12時「已完全沒用」,因街上已經沒人,而且下微雨,他們都不敢使用揚聲器,以免騷擾市民,批評措施無幫助之餘,亦令晨早5、6時便開始助選工作的義工好辛苦。她認為,新民黨選情很受影響,對此表示極度遺憾,「因為我哋嘅票係中產票,唔係組織票,好多中產幫我哋嘅都係10點半前食完飯,返到屋苑投票,咁又落雨又輕機,有啲無興趣,有啲仲好嬲添,我哋好難叫返人出來,所以我覺得我哋好受打擊」。
葉劉淑儀晚上繼續在杏花邨為新民黨候選人拉票,她接受訪問時回應電子選民登記冊系統故障。(新民黨提供相片)
表明會質詢政府「花咁多錢宣傳竟然輕機,金錢浪費咗」
她稱,有選民到達票站後,因投票不果而無奈離開,曾經請求選民再回來投票,「我哋不斷鞠躬請佢咃返來,有啲都唔願返來返到屋企,因為我哋嗰啲唔係組織票,係中產票,所以我哋好擔憂,輕機呢樣嘢對我哋新民黨影響好大」。她表明,一定要就事件在立法會質詢政府,「花咁多錢宣傳,而臨門一腳竟然會輕機嘅,金錢浪費咗」。被問到是否認為當局可以有更好方案,葉劉淑儀稱最好不要壞機。
原文網址: 區議會選舉|葉劉轟投票加時完全無用 田北辰、湯家驊批影響選情 | 香港01 https://www.hk01.com/article/970196?utm_source=01articlecopy&utm_medium=referral