有無人聽過香港國際創價學會?邪教?

最近幾個月家母成日失眠 心情唔好
佢有個唔知邊度嚟的朋友都同佢wechat
之後介紹佢去呢個學會, 佢個朋友其實唔係fd搭fd咁識
但就好積極咁遊說佢去, 點睇都好似邪教
有無人知道

日本佛教黎

新興佛教黎，邪唔邪好難講，好多日本明星都係，不過本身日本係多古怪野，所以都好難定斷

日本係多神論國度，邪教呢個字如果好正統去理解係「附佛外道」，又同西方既異端唔同，亦同西方眼中既邪教唔同

只可以話，就字面義上黎講，的而且確有機會係邪教，不過佢地好似都冇咩周圍招兵買馬，多數係年度課下金咁圍威喂，唔太影響人

日本佛教
唔算邪嘅

不過信任何教都要小心

主動叫人課金都唔算邪教?

池田先生

十一奉獻呢

傳統教派都係咁上下

1968年7月，東京都新宿區發生10萬選票被盜事件，14名偷取空白選票並冒用身分投票的創價學會成員遭逮捕，創價學會學生部共有八名幹部遭判刑，此為新宿替え玉事件。

個名同佛教無關係既

咩教都叫人課金，佢只係新D咁解，不過我的確唔明既然係佛教點解又要自創新教

同安培晉三被人刺殺個邪教有無關係?

新興教派
邪唔邪就好主觀

btw 同公明黨好有關係

你咁講其實天主教基督教都係一樣係現有宗教底下自創出黎

咁天主教算唔算邪教?

面果浸唔算

剩係知道花墟球場隔離有一座野係佢地個會

我覺得佢地似偏去搞政治果面多，唔覺有古怪行為同呃錢果啲，而且日本果邊好似同香港依面分埋家，所以當係精神寄托都還可以既

所以叫做異端唔係邪教

由佛教衍生
但我唔認為係佛教

判定係咪佛教，有三個標準（三法印）：

諸行無常：一切世間法變動中

諸法無我：無獨立不變的本體

涅槃寂靜：涅槃境界無生死煩惱與痛苦，涅槃是寂靜的，因一切不生不滅

創價學會官網理念：
創價學會的思想源自印度的釋迦牟尼（釋尊），其核心價值觀是生命的珍貴，人類尊嚴至上的思想。

https://www.sokaglobal.org/cht/about-the-soka-gakkai/at-a-glance.html

「創造價值」此概念是創價學會第一任會長牧口常三郎（1871-1944）的中心思想。「創價學會」此名稱中的「創價」即是「創造價值」。牧口先生其聚焦於人的幸福、責任及自強，以人為本的思想至今在創價學會全球性的佛教人本主義中得以延續。

https://www.sokaglobal.org/cht/resources/study-materials/buddhist-concepts/creating-value.html

佛教立場通常話無嘢可以創造，亦無嘢可以毀滅，因為無常、無我。創價學會理念方向同三法印唔太啦更，即使佢哋自稱係佛教、頌佛經，我唔認為係。

另外，創價學會喺日本政壇有影響力，棋子係公明黨。創辧人池田大作本身亦積極參與政治，同中共關係良好。

https://www.daisakuikeda.org/cht/sub/events/archives/2008/may/di_080508meet-hujintao.html

喺香港遇過個創價教徒，從佢思想覺得同佛教似乎有出入。話係咪邪教唔敢講，暫時似乎未見有大鑊嘢出現。但我自己視之為帶有政治目的嘅宗教團體，多於正教。

原本佢係日蓮正宗既屬下機構，之後反面分家

班黃絲KOL呢

天主教都只係叫你隨心奉獻
基督教直頭收稅咁規定你奉獻十分一收入